وهم ابليس69

البـارت الرابـع والعشـرون🔥

#وَهَـم إبليـس69
بقلـم الڪاتبة فيـࢪوزة🦋

بكُل اغنيه الكآك و بكُل سطر حلو تمُرني ..

متابعة للحسابfe_ro21 +التصويت + التعليق بين الفقرات=♡

﹏﹏﹏﹏﹏✪✭✪﹏﹏﹏﹏﹏

وَهَـم:-

انفاس لاهثه ودگات گلب مسموعة وخطوات سريعة نحو المجهول جسد يرعش وبرودة تضرب بالعظم اقدام حافيه وملابس مُمزقة ودموع تذرف بغزارة..

بغضون لحظات گدرت اشرد مااعرف اذا ديلحگني او لأ هرولت خارج الغُرفة بأقصى سرعة بدون ما التفت خلفي..

أحس نفسي خفيفة مثل الريشة گد ما أهرول بسرعة صارت عندي فُرصة بالنجاة لدرجة ما التفتت علمود أشوفو
صار گدامي مثل المنحدر نزلت منو ببطئ وكملت طريقي...

الفرحة غمرتني والسعادة حاطتني لكن بعدو الخوف متملكني صار گدامي مكان واسع كُلش نفس الغابة بس شكلها حيل قديم وكأنها مهجورة فزيت من سمعت صوتو يصرخ بأسمي بس بعيد كُلش عني..

استمريت ارگض الا ان صرت بين النخل مساحة واسعة كُلش ارگض بس اريد اطلع من هالمكان ماكو احس بروحي تيهت والدنيا ظلام...

خلست بمكاني من سمعت صوت نُباح وعوي كلاب دب الخوف بگلبي وضليت واگفة مكاني شهگت من سمعت صوت طلقة التفتت وكملت طريقي رجلي صارت تموتني كُل شوي ادوس ؏ صخر صغار واتأذة ومرات ؏ السعف..

وگفت يم وحدة من النخل القط انفاسي گعدت بالأرض اناهد رجعت ظهري للخلف على الجذع واستندت وأحس بظهري مقسوم نصفين وسيقاني يرتجفون ما ثابتات مقابيلي نخل هواي كُلش وين الطريق حتى اگدر اطلع من هنا ويين؟

اسمع صوتو يصيح بأسمي المكان فارغ ومحد موجود وهدوء وليل وصوتو رج الاجواء رج ومنا صوت نُباح الكلاب ورجلي تموتني سندت راسي وبديت ابچي وعضيت شفتي السُفلية بأسناني صرت أشهگ النفس وصارت عندي نوبة هلع وخوف كُل ثانية التفت اخاف احد وراي او يتعرضلي شخص بطريقي جمدت بمُكاني ساكنة لكن داخلي بُركان ما أگدر أتحرك...

عيوني تتنقل بين النخل الموجودة برقت عيني من شفت كلب اسود چبير يلهث والسانو شوي ويدگ بالأرض لُعابو ينگط من بين انيابو وعيونو وحدها التضوي والدبت الرعب بداخلي...

بهلـ لحظة حسيت بشعور الموت وأني على قيد الحياة حسيت الموت دايسحبني إلو سكنت بمكاني اي صوت ما طلع مني حتى النفس گطعتو بس اريد يبتعد حتى اكمل دربي...

عيوني تتمشى ويا الكلب الا ان اختفى عن الانظار نهضت بصعوبة بالغة وگدرت اوگف لكن ردت اوگع وأهوى ؏ الأرض بسُرعة سندت نفسي على الجذع بمُساعدة أيدية من ضغطت على كفوف رجلية صرت أگمز من الوجع ماادري شصار بيهم..