وهم ابليس69

البـارت السـابع والثـلاثون🔥

#وَهَـم إبليـس69
بقلـم الڪاتبة فيـࢪوزة🦋

مِدلي صوتَك فوگ هوسة ناسي خَل أعبر ♥.

متابعة للحسابfe_ro21 +التصويت + التعليق بين الفقرات=♡

⫰﹌⫰﹌⫰﹌⫰﹌⫰﹌⫰﹌⫰﹌⫰

شَهم:-

ايام خالية من الإبتسامة..إحباط..الآم...بُكاء..حُزن.. عيشة ضيقة..انفاس ثقيلة...دموع مستمرة..قلة نوم..ومرض..

كُل هالأمور صابتنا عشنا اسوء ايامنا مرضت زهرة واحتاريت شنو اسويلها ومنين اجيبلها علاج وصلت حالتها للهلاك...

گضيت هالأيام كُلها بس ابچي كرهت حياتي وكرهت اليوم يلي انولدت بي اشوف زهرة گدامي تصغر ماتكبر و رقة تگضي وقتها كُلو بالصفنات...

حياتنا مو حياة بلـ مأسات بحد ذاتها وفوگ كُل هذا الجو حيل بارد وماعدنا ملابس تدفينا نلتم ثلاثتنا بـ بطانية ونام بيها...

والأكل؟؟...لُقمة ماعدنا ابقى ادور شُغل من الساعة بـ6 الصُبح للـ4 العصر ارجع لو عندي رُبع لو ماعندي اي شي ابد..

هلكت بهالأسابيع هلاك ماكو مثلو ابد تعبت انهاريت وصلت لحالة احاوط رگبتي بكفوف ايدي واخنگ روحي بس اتراجع من اتذكر خواتي من الهم تالي؟..

امي من يوم الأخذوها للمركز ولحد الان مااعرف عنها شي ولا رحت ولا سألت مااعرف ميتة عايشة ابد...

كرهنا عيشتنا لحد يدخُل علينا ولا نطلع الأحد ثلاثتنا گاعدات ووحدتنا صافنة بوجه الثانية والدموع تنزل بغزارة...

حتى هِلال يلي چان دائماً يجي هسه ابد كُلش مختفي يعني من اخر مرة اجه شفتو ولحد الآن هو ماكو معقولة عرف بأمي وبعد ميجي!؟...

حتى الكهرباء ما سلمت هماتين انگطعت عندنا وحالتنا حالة واذا رحنالو هسه يگول فلوس واحنا رُبع واحد ما عدنا كُلش...

چان يوم مُمطر وبرد قارص مدثرة ببطانية اني و رقة وگدامنا زهرة نايمة وتهلوس شكلها راح ترتفع درجة حرارتها للمرة الثالثة...

دفعت الغطى عني ورحت اخذت قطعة قماش وببلتها مي بارد وخليتها ؏ جبينها لزمت ايدها نار كُلش حارة وتتراجف بقوة...

تنهدت ورجعت لمكاني مابيدي شي شنو الأگدر اسوي مثلاً؟ حتى يلي تسمى أمي چانت مخبية فلوس وهسه ماكو يمكن من شردت اخذتهم وياها...

رجعت يم رقة الصافنة بالأرض وتذب حسرات اردفت بعد ما مسحت دمعتها...

رقة: اذا اجه احد وسأل عن أمي شنو نگول!؟