وهم ابليس69

البـارت الثـاني والعُشـرون🔥

#وَهَـم إبلـيس69
بـ قلمي الكاتبة فيروزة الشمري 🦋

- ضوهہُ عيَونك منَايِر ياسَ ♥️

متابعة للحسابfe_ro21 +التصويت + التعليق بين الفقرات=♡

〜〜〜〜〜𓇼〜〜〜〜〜

<زهرة>

صياح و غلط و ضرب اجواء مخبوصة وشارعنا انترس زلم من كُل الجهات بعد ما سمعنا انُ محمد ديتحارش بـ شَهم تيبسنا بمكانا من الصدمة أمي صارت تلطم ؏ وجهها وشَهم شوي ويغمى عليها تبكي بحرقة وتصرخ...

من صرخت شَهم اتجمعت العالم كُلها علينا وأخوانو لمحمد طلعو يشاهدون طيحان حظ اخوهم من فرط عصبية أمي صارت تصرخ بالشارع وتصيح ؏ الناس الموجودين انُ يبتعدون عنا...

سحلت شَهم سحل من ايدها ودخلتها للبيت بس مااكتفت وصارت تصيح ؏ أحمد انُ ياخذ اخوانو ويدخلون البيتنا اخذت بأيد رقة يلي متفاجئة من السالفة ودخلنا للبيت..

وگفنا برى بالممشى وامي تلوب فايرة نار شوي وتنفجر وتضرب ؏ وجهها وتصيح...

- ولكمممم انفضحنااااا انفضحناااااا الله اكبرررر عليييكم الله اكبررررر...

شَهم منهارة بالأرض وتبكي لمحتها حاضنة شي بين ايدها بقوة رحت اني و رقة وگفنا يمها نهدئها شوي و انفتحت الباب بقوة ودخل محمد ورا أحمد وحَمد ثلاثتهم وسدو الباب...

تهجمت أمي ؏ محمد اول ما شافتو وراحت يمو بعصبية تالفه اردفت وهي موجهه اصبعها السبابة بوجهو...

-وثقنا بيك ودخلناك بيتنا اكلنا وشربنا منك ونمنا بيتك ما فد يوم قصرنا او انت قصرت ويانا من اول ما اجينا بهالبيت وانت وين ما نروح ووين ما نجي انت حامينا وصاير مثل الأخ لبناتي واحسبك اكثر من ابن....وهسه اسمع بيك داتتحارش ببنتي؟

صاح محمد بعصبية: لا تلووووميييني بس انيييي زييين التفتي لبنتچ اكبر طااايحة حظظ وما مربيتهااا عدل قبببل لا تجيين وتحاسبيييني وتصيحين بوجهي روحيلها وفتحي دفترها القدييم وحاولي تنبشين بي عدل و....

قاطع كلامو أحمد بعد ما صاح بوجهو بقوة...

أحمد: طااااايح الحظظظظ ساااقط ترفع صوووتك ؏ مره بكبر أمك ضااااعت التربية بيك شتحچي علينا النااااس هسه شتگول ابن اصل وابن ناااس يتحارش ببنات العاااالم ولكك مو توبتك مو طيحتتت حظك وگلت توبة اذا عدتهااااا؟؟

محمد:هي يلي اجتني وهي دخلت لبيتي لاااا تلووموني وحدي لا تذبون الحچي بس عليه امها ما عرفت تربيها عدل وحدة ساقـ...

بعدو ما كمل كلامو وضربو أحمد كف شهگنا منو ومن قوتو خلى محمد يتراجع للخلف مندهش ومصدوم لزمو أحمد من ياختو ويحكي ويا صاك ؏ اسنانو بغضب...