Sexy Revenge

CHAPTER 8

ROXY's POV

Panakaw kong sinusulyapan ang lalaking nagmamaneho ng kotseng kinalululanan ko ngayon.

Si Rob Laguarte.

Hay. Grabe. Ang gwapo talaga niya.

Hindi lang siya mayaman, sobrang hot pa.

Ang lalaking hindi lang magbibigay sa akin ng marangyang buhay kundi isa ring lalaking hindi ako mahihiyang ipagsigawan sa buong mundo.

Rob Laguarte is the epitome of a perfect guy.

At ako ang babaeng magiging forever ng perpektong lalaking ito.

Hay, Roxy. Nagbibilang ka na agad ng itlog.

In-ignore ko lang ang sinabing iyon ng aking isipan.

Walang masamang mag-isip ng advanced. Walang masamang mangarap ng gising.

At least ako ay may ginagawa para sa aking ambisyon. Hindi tulad ng ibang tao riyan na abot-abot langit ang pangarap pero wala namang ginagawa para makamit ang mga pangarap nilang iyon. Hinihintay lang na lumapit ang swerte sa kanila.

Pero ako, kumikilos ako para maabot ang aking ambisyon. Kahit makasagasa pa ako ng ibang tao ay wala akong pakialam.

Ganoon naman talaga ang buhay, 'di ba? Para makaabot sa dulo, we need to go through a lot of obstacles.

At iyong mga taong sagabal na iyon ang obstacles in reaching my dreams.

Ilang mayayamang lalaki na ba ang aking t-in-arget para lang makamit ko ang aking ambisyong yumaman?

I still remember that dirty old man father of one of my friends. Let's call him DOM.

DOM: Roxy, ilang buwan na lang ga-graduate ka na? What's your plan?

Nag-pout ako sa harap ng father ng aking kaibigan.

Roxy: Would you get mad if I ask you to buy me a condominium unit, so we can have our own love nest?

Nakita kong nagningning ang mga mata ni DOM.

Wala na. Talagang nabaliw na sa aking alindog ang matandang ito.

Poor old man.

At iyon din ang araw na nahuli kami ng misis ni DOM na naghahalikan sa loob ng kotse nito.

DOM's Wife: Malandi ka! Kaibigan ka pa man din ng aking anak! Maharot!

Buhaghag ang aking buhok dahil sa sabunot na aking natamo mula sa asawa ni DOM at ng aking kaibigan.

DOM's Daughter: You slut! I trusted you! You ruined my family!

Gigil na gigil kong sinampal ang aking kaibigan at dinuro ito na ikinagulat ng mga magulang nito. Natigagal ang aking kaibigan.

Roxy: Wala akong sinisira! Hindi ko kasalanan kung ang Daddy mo ay mas gusto nang bumuo ng bagong pamilya kasama ako! Well, hindi ko naman siya masisisi. Tingnan mo nga iyang ina mo! Pinaglipasan na ng panahon! Nakakaawa!

Pagkatapos kong sabihin iyon ay nag-walkout ako.

I was surprised na hindi ako ipinaglaban ng Daddy ng aking kaibigan. He even said to his wife and to my ex-friend that I just seduced and blackmailed him.

The nerve of that dirty old man!

Ang kapal ng mukha nitong maghugas-kamay at isisi sa akin ang lahat.

Syempre nanghinayang ako rahil hindi natuloy ang pagbili ni DOM ng condominium unit para sa akin. At masakit sa part na hindi ako ang pinili.