عيونك شوكة في القلب توجعني وأعبرها//للكاتبة : أديم الراشد

79 and 80

.... 79 ....

اديم( طيب انا شوية مشغوله عادي اتركك شوي)
فيصل( شغلنا جاء مع بعض عادي روحي واذا فضيتي ارسلي وانا بعد )
اديم(زين يلا عقبالك ومبروك)
فيصل( عقبالي هاذي بعدين نحلها اما مبروك يبارك فيك)
اديم( هههههه مابي اناقشك الحين شوي نتفاهم)
فيصل(هههههه زين)
سكروا وابتداء كل واحد يجهز نفسه ونزل فيصل بسرعه وشاف سهام واقفه وهي باين تنتظر احد مر وهو يناظرها بإستحقار وتركها وراح هزت راسها سهام بضيق وجات اديم:وش فيك
سهام:من غيره
اديم:شمسوي بعد
سهام:نظراته تحسسك انك مسويه منكر
اديم: هههههه ماعليك منه يلا تعالي
طلعوا واتجهوا لبيت ابو محمد وابتدأو الضيوف يهلون
٠٠
٠
عند فيصل اللي طلع وحصل عساف بوجهه راح وهو يضحك له وضمه وهو يسلم عليه : مبروك مبرووك الله يتمم الله يتمم
فيصل: يبااارك فيك وعقبال عندك ي رب
عادل بطرف عين :ترا انا العريس بارك لي بداله
عساف :ادري بس فيصل اولى بالمباركه تدري ليش
عادل:ليش
عساف : لانه اخيرا انزالت العقبه اللي قدامه وصار يقدر يتزوج
ابو عادل : هههههه لا ي عساف الحين عادل عقبه
فيصل:وش عقبته يبه الا سور الا سد الا حاجز مابغى يتزحزح
عادل: عمى بعينك هذا كلامك بدال ما تبارك لي
فيصل : وش ابارك لك المفروض نقول الحمدلله ع السلامه عمرك بيصك ال ٣٠ وتوك تفكر تتزوج
عادل : عبالك انا مثلك مفجوع زواج
فيصل: اااخ اااخ الله يسقي يوم اللي اتزوج فيه بس
الجد : ههههههههه انت ضبط امورك وبنزوجك
فيصل :الله فوق
ابو عادل: انا قلت له يخلص الجامعه ويبشر
عساف :لا والله شيبت ي فيصل
فيصل ضربه بالعقال: اقلب وجهك ي متشائم ان شاء الله بخلص الجامعه وبتزوج
عساف : بس هاااه علمنا من البقره اللي حجت
فيصل : ما يحتاج اقولك اذا حجيت انت امورنا محلوله
انصدم عساف وانفجر المجلس كلهم ضحك :ههههههه
عساف ناظر لفيصل وهو يمثل انه انجرح :افففاااا ي فيصل افا غبت عني يومين وصار كذا غيروك العواذل طعتهم ي حرام عقب ما كنت مقبل بالمحبه رجعت
فيصل ضحك وهو يحضنه : ههههههه ي حبيبي انا اسف ماكنت قاصد لا شعوريا وربي
عساف : لا تعتذر ما انت بعلى خبري
رائد: اوووه هوه مسك معه جني الشعر خلاص جت الحاله
عساف وهو ماسك قصيد : على شحم على شحم على شحم
الكل :ههههههه
انقطع ضحكهم بدخول ابو مشاري ومشاري والكل وقف يسلم عليهم
٠٠
٠
في بيت ابو محمد الكل واقف يستقبل الضيوف الا نسرين اللي كانت تحس بتعب من كثر البكي شافت صورة عادل وانهارت ركضت وهي تاخذ الورقه اللي كتبتها من شوي وراحت وهي تلبس وطلعت تنادي واحد من القهوجيين وقالت اعطي الورقه لعادل ولا تعطيها احد غيره رجعت وهي تبكي مالها الا الحل هذا والا بتخرب حياتها وحياة ريمان اللي اصلا ما كانت طايقه عادل جلست وهي ما تحاول تحبس دموعها
٠٠
٠
عند عساف اللي كان يضحك ويسولف شاف واحد من القهوجين جاي وراح له : اعطينا قهوه بالله عليك
القهوجي :طيب وين عادل
عساف طاحت عينه على الورقه وابتسم وهو عباله من ريمان وحب ياخذها عشان يحرج عادل ويطقطق عليه :انا عادل
القهوجي ماكان يعرف عادل :زين خذ هاذي لك من وحده جواء
عساف ضحك :زين روح جيب القهوه ولا تقول لاحد عن الورقه
القهوجي :حاضر
راح عساف للحمام وهو متحمس لنوع الطقطقه اللي بتصير لعادل لما يقرا الرساله بحماس كان بينادي فيصل بس شافه مشغول وراح لحاله