عيونك شوكة في القلب توجعني وأعبرها//للكاتبة : أديم الراشد

172,173,174

......172 ......

عساف غمض وقال بسرعه: انا من زمان افكر اتزوج وطرت على بالي اختك نسرين وبخطبها منك موافق والا لا
رائد كان ساكت بصدمه وبعدها انفجر يضحك وعساف يناظره بصدمه : وش فيك
رائد :هههههه ياخي انت خبل احد يخطب كذا
عساف : ياشيخ اقلب وجهك ماعندي انا حركات رسميات المهم قولي موافق
رائد:ههههه مره واثق ترا
عساف : كيف يعني
رائد : يعني اقلب وجهك مالك زواج عندنا
عساف طارت عيونه بصدمه: وشو ليه
رائد : والله ياخي انت انسان تعرف نفسك عندك خرابيط وحركات وانا مابي اختي تاخذ واحد زيك
عساف انصدم وناظر له بقوه وصدمه : قصدك اني مو كفو لاختك
رائد :لا مو كفو انت كفو وكفو وكفو
عساف علق مايدري وش قصده :رائد تكلم بجد
رائد: ههههه امزح عليك ي اهبل لكن بقولك شغله انت كل شي عندك تمام الا مغازلات والبنات اذا تركتها ابشر بعزك
عساف انلخم: ماني فاهم موافق والا لا
رائد :قلت لك اذا وعدتني تبطل هالهبل ابشر بعزك
عساف ضحك براحة : انا قد قلت لك انا اذا نويت اتزوج معناته كل هالاشياء بتصير ماضي
رائد: وعد
عساف : افااا وعد وعد شرف بعد
رائد نزل اللي بيده وقرب يحضن عساف : ربي يسعدك ويكتب اللي فيه الخير عساف: بتكلم ابوك
رائد: ضروري لازم يكون عنده خبر
عساف: فهمه زين اخاف يرفض
رائد: لا لا ان شاء الله اذا لك نصيب بتاخذه
رائد: لا لا ان شاء الله اذا لك نصيب بتاخذه
ابتسم عساف وضرب رائد:وجع وقف قلبي
رائد: ههههههه وانت من جدك اني بقول عنك كذا
عساف:والله توقعت انت بسم لله عليك صريح
رائد: صريح صح وكل الصراحه بعد
عساف: بالله قوم نسوي اي شي يحمسنت زهقت
رائد: نروح الاستراحه
عساف:نروح اهم شي نغير جو
وقفوا واتجهوا للاستراحه وعساف نصه فرح ونصه خوف من هالزواج ورائد كذلك
٠٠
٠
في بيت ابو عادل كان محور السوالف فيصل اللي منطلق ويضحك ويطقطق ويحكي عن مغامراته وهو يحاول يثبت للكل انه مبسوط طبعا الكل مصدق ما عدا سهام اللي تحاول تلقط اي شي عشان تفضحهم
ابو عادل : هههههه الله يقلع ابليسك ي فيصل الحين طلعت الفضايح
منى: هههههه اخ ي قلبي محد راح فيها الا انا
ابتسم فيصل :عاد انتي ي عميمه دايم بوجه المدفع
سهام: اقول اديم بتتعشون هنا
اديم كانت بترد بس سبقها فيصل وقال:عميمه لا تحسبينا بالعشاء طالعين نتعشى برا
منى: ابشر والله يهنيكم
فيصل وقف وهو يعدل شماغه: تبون شي والا شي
ابو عادل :سلامتك
فيصل لف لاديم ببتسامه وقال: يلا
وقفت اديم وهي تلبس عبايتها : يلا
طلعوا فيصل واديم وابو عادل ومنى يدعون لهم اما سهام اللي لفت وطلعت بدون نفس لكن وقفها صوت ابو عادل : سهام جهزي العشاء
سهام : زين
توجهت للمطبخ وهي مالها نفس نهائي وتحضر وهي تستنى الساعه اللي يستقرون فيصل واديم بالبيت وتكشفهم مضبوط
٠٠
٠
عند فيصل واديم اللي طلعوا لسياره كانت اديم خايفه من تهديده لها كانت تحاول تسبقه بخطواتها اما فيصل قرر انه يلعب مثل ماهي تلعب ويحوسها كان يمشي بشويش وهو مبتسم ابتسامه مدري وش
وضعها ركب السياره بهدوء وحرك وهو حاس بخرشة اديم وسحب الجوال وهو يشغل اغنيه كذا عشوائيه وكانت لنوال ايام حبك بدون شعور انجذب فيصل واديم وكل واحد يفكر بالثاني بدون محد يحس على الثاني كان الجو هادي عند اديم اللي كانت تراقب فيصل وهي مقهوره عليه كيف بكلمه ينسيها كل شي سيء يسويه معها كيف قلبه مليان حب بس هو يقسيه لا شعوريا بكت تمنت لو تقوله انها حنين نفسها تعرف كيف بيكون ردة فعله وكيف بيعاملها هل يتقبلها او لا غمضت بقوه لما وصل المقطع فالاغنيه ل ( قاسي القلب لكن كان قلبي بقلبك .. وين موعد جمعنا وين ذاك المكان ..ضحكنا اللي ضحكنا والوله والحنان )
شهقت بدون ما تحس وانهارت تبكي فيصل لف بسرعه وخوف بنفس الوقت قصر لصوت وقف على طرف ولف :اديم وش فيك بنت وش صاير لك
اديم هاللحظه تمنت انه يقسى ماتبيه يحن عليها وتنهار زياده كانت تحاول توقف شهقاتها وبالقوه قدرت كان فيصل قريب وخايف عليها حس انه اضغط عليها بقوه انسحب بهدوء وكمل طريقه لما شافها هدت اديم ماهدت داخليا وكانت منهاره حيل حيل رجع فيصل وعلا الصوت بقصد انه يخليها تبكي براحتها بدون ما تحس ان صوتها يضايقه لكن بدون مايحس كان يقلب مواجعها وانتهت هالاغنيه