🩸PSYCHO🩸 (SUNSUN) (ចប់)

🩸ភាគទី ១២ : ត្រូវបោះបង់🩸

ចំណាំ ៖ រាល់សាច់រឿងដែលអ្នកនិព្ធបានតាក់តែងឡើងគ្រាន់តែជាការស្រមើស្រមៃ រួមទាំងឈ្មោះតួអង្គ និងទីកន្លែងផ្សេងៗគឺគ្រាន់តែជាការសន្មតឡើងតែប៉ុណ្ណោះ ដោយមិនបានពាក់ព័ន្ធឬសំដៅទៅលើបុគ្គលណាម្នាក់ឡើយ។ ដូច្នេះហើយ សូមអ្នកអានទាំងអស់មានវិចារណញ្ញាណក្នុងការអានទាំងអស់គ្នាផងចុះ ហើយក៏សូមអភ័យទោសចំពោះការខុសឆ្គងលើអក្ខរាវិរុទ្ធផ្សេងៗផងដែរ សូមអរគុណ 😊🙏

🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🩸ភាគទី ១២ : ត្រូវបោះបង់🩸

លោកគ្រូពេទ្យបានឡើងមកពិនិត្យសុខភាពតាមដំណាក់កាល ព្រមទាំងផ្ដល់ការណែនាំបន្ថែមតិចតួច ដោយស៊ុននូឈរស្ដាប់យ៉ាងយកចិត្តទុកដាក់និងទទួលយកថ្នាំដែលលោកគ្រូពេទ្យបានត្រៀមឲ្យឈុតថ្មីផងដែរ។ មិនយូរប៉ុន្មានលោកគ្រូពេទ្យនិងជំនួយការ ក៏បានសុំខ្លួនត្រឡប់ទៅវិញ ក្រោយពីបញ្ចប់ភារកិច្ចអស់ហើយ។

ស៊ុននូងាកមករកសុងហ៊ុន ដែលកំពុងតែអង្គុយធ្វើភ្នែកភ្លឹះៗនៅលើគ្រែ...

"អ្នកប្រុសសម្រាកចុះ ខ្ញុះសុំចុះទៅវិញហើយ"

ឮដូច្នោះ សុងហ៊ុនក៏បានបង្ហាញទឹកមុខស្រងូតស្រងាត់ មុននឹងស្រដីសម្លេងខ្សោះៗ៖

"ខ្ញុំមិនចង់នៅក្នុងបន្ទប់ទៀតទេ"

"តែថ្ងៃនេះ អ្នកប្រុសមិនទាន់អាចចេញពីទីនេះបានទេ"

"ហេតុអីក៏ត្រូវឃុំឃាំងខ្ញុំ? មកពីខ្ញុំសតិមិនល្អអ៊ីចឹងឬ?"

រាងស្ដើងគាំងនិយាយអ្វីមិនចេញ ខណៈដែលបានប្រសព្វជាមួយនឹងកែវភ្នែកបង្ហាញពីអារម្មណ៍សោកសង្រេងរបស់អ្នកប្រុស។