🩸PSYCHO🩸 (SUNSUN) (ចប់)

🩸ភាគទី ២៣ : រឿងអតីត🩸

ចំណាំ ៖ រាល់សាច់រឿងដែលអ្នកនិព្ធបានតាក់តែងឡើងគ្រាន់តែជាការស្រមើស្រមៃ រួមទាំងឈ្មោះតួអង្គ និងទីកន្លែងផ្សេងៗគឺគ្រាន់តែជាការសន្មតឡើងតែប៉ុណ្ណោះ ដោយមិនបានពាក់ព័ន្ធឬសំដៅទៅលើបុគ្គលណាម្នាក់ឡើយ។ ដូច្នេះហើយ សូមអ្នកអានទាំងអស់មានវិចារណញ្ញាណក្នុងការអានទាំងអស់គ្នាផងចុះ ហើយក៏សូមអភ័យទោសចំពោះការខុសឆ្គងលើអក្ខរាវិរុទ្ធផ្សេងៗផងដែរ សូមអរគុណ 😊🙏

🔻🔻🔻🔻🔻🔻🔻🔻🔻🔻🔻🔻🔻🔻🔻🔻

🩸ភាគទី ២៣ : រឿងអតីត🩸

អតីតកាល...

ក្រោយពីលោកស្រីធំភរិយារបស់លោកម្ចាស់ ដុងហេ
បានចែកឋានទៅ នៅសល់កូនប្រុសតែម្នាក់ក្នុងវ័យ ១៤ ឆ្នាំនៅក្នុងភូមិគ្រឹះដ៏ស្គឹមស្គៃយ៉ាងកណ្ដោចកណ្ដែង ព្រោះលោកម្ចាស់រវល់នឹងការងារគ្មានពេលនៅជាមួយកូនប្រុសឡើយ។ ដូច្នេះហើយទើបលោកម្ចាស់សម្រេចចិត្តឧបការៈកូនធម៌ពីរនាក់នោះគឺ ដូយ៉ុង និងបូអា ដើម្បីឲ្យឆានយ៉ុងបាត់អផ្សុក និងមានជីវិតស្រស់ស្រាយជាងនេះ។

ដោយឃើញថាវិធីនេះបានផលល្អ លោកម្ចាស់បានឧបការៈក្មេងម្នាក់ទៀតនោះគឺយ៉ុនហុង។ ឆានយ៉ុងស្វាគមន៍ប្អូនប្រុសថ្មីយ៉ាងកក់ក្ដៅ ធ្វើឲ្យក្មេងតូចដែលបង្ហាញការភ័យខ្លាចពីដំបូងបានធូរស្រាលក្នុងមួយរំពេច ហើយក្នុងចំណោមប្អូនៗទាំងអស់ ឆានយ៉ុងជិតស្និទ្ធជាមួយនឹងយ៉ុនហុងខ្លាំងជាងគេ។

នេះជាហេតុធ្វើឲ្យដូយ៉ុងនិងបូអាមិនចូលចិត្តយ៉ុនហុងប៉ុន្មានឡើយ ព្រោះគិតថាខ្លួនជាអ្នកមកមុនតែបែរជាមិនទទួលបានក្ដីស្រឡាញ់ពីបងប្រុសស្មើនឹងយ៉ុនហុងទៅវិញ ហើយដូយ៉ុងនិងបូអាតែងតែលួចធ្វើបានយ៉ុនហុងឲ្យតែមានឱកាស។