لاتنسون الفوت +الگومنت 🌹
بغداد وهي تدحچ بعيون لين: ها يروحي أفتهمتي للموضوع؟؟
لين وهي تبتسم: اي والله فهمتة الله شكد حلو شعور أنه أبدي بالدوام وآني فاهمة بعض المواضيع
بغداد وهي تگتبلهة مسألة: لعد أريدچ تحلين هاي المسألة
شمس وهي تصيح: بغداد تعالي قريني قراءة
بغداد وهي تگوم گاعدة بصف شمس تبوسهة من راسهة بحنية: مو تدللين شموستي
نادية وهي تدخل للغرفة: بغداد گومي المدير يريد يحچي وياچ
بغداد وهي تبوس خد شمس: شموستي هسة أشوف المدير شيريد وأجي أدرسچ
لين وهي تگوم: آني همين أريد أروح وياچ
طلعن بغداد ولين من الغرفة متجهات لمگتب مدير الميتم تدك بغداد الباب تسمع صوتة يسمحلهة أنه تدخل تفتح الباب يدخلن للمگتب
محمد ببرود: دخلتي بالثمنطعش ولازم تطلعين من الميتيم وتعتمدين علة روحچ
فتحت لين عيونهة علة وسعهن: بس بغداد ماعدهة مگان تروحلة تريدهة تبقة مشردة بالشوارع؟!
محمد بنفس البرود: وآني شعلية وين ماتروح خلي تروح وهاي قوانين الميتم وگلگم تعرفوها
لين ودموعها نزلن: الله يخليك عوفها
بغداد دحچت علة لين: لين گافي تتوسلين بي وآني ماعايزة عالميتم مالتة اللي يقدمنة بي وجبتين باليوم وعلة أقل خطأ يضربونة ويحرمونة من الأگل
بغداد وهي تدحچ علة محمد بجرأة: طز بيك وبميتمك آني طالعة وماعايزة علية
گمشت معصم لين تمشيهة وراها يطلعن من المگتب ولين بعدهة تبچي دخلن للغرفة يگومون الجهال متقدمين منهن
يونس (عمرة سبع سنوات) وهو يدحچ علة لين: لين شبيچ تبچين؟؟ أگو شي يوجعچ؟؟
بغداد وهي تنزل لمستوى يونس: لا حبيبي مابيهة شي بس يجوز دخل شي بعيونهة
باست بغداد راسة تتجاوزهم رايحة تجمع بهدودها وتحطهن بالجنطة وهي تحاول بگل قوتهة أنه ماتبچي لأن هواية تحبهم للجهال اللي بالميتم وصعبة عليهة تعوفهم وحتى همة يحبوها وتعلمو عليهة
لين وهي تعيط بقهر: بغداد دتچذب عليگم آني مقهورة ودبچي لأن المدير أمر بغداد أنه تطلع من الميتم
أنصدمو الجهال گلهم يرگضون بأتجاه بغداد شابگيهة بقوة يبچون بصوت يگطع الگلب
يونس وهو يشهك: عليچ الله لاتعوفينة منو بعد يدرسنة؟؟ ويلعبنة؟؟ ويواسينة؟؟
شمس وهي تبچي: أي بغداد عليچ القرآن لاتروحين والله گلنة نحبچ
واحد من الجهال وهو يبچي: بغداد مانگدر بدونچ والله تعلمنة عليچ لاتعوفينة مثل ماعافونة أهلنة
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
