عاصمة گلبي

بارت 4

..... يوم جديد......
...... 9 الصبح.......

عراق بعد ماباس خدودهة: جنتي يلا أگعدي

جنة تأفأفت بضوجة: بابا حبيبي،، عوفني نايمة والله بعدني ماشابعة نوم

عراق بعد ماگرصها من خدهة: دگومي مو اليوم محضرلچ مفاجأة

جنة بعد مافتحت عيونهة بحماس ترفع جسمهة من عالچرباية: الله عليك بابا گلي شنو المفاجأة

عراق بأبتسامة: مو اليوم عيد ميلاد جود،، ورائف عازمنة،، وآني ناوي آخذچ للمول تشترين فستان حليو مثلچ للحفلة

جنة بأبتسامة عريضة: الله حفلة وفوگاها راح أشوف جود،، مبين هاليوم راح يگون حلو

عراق بادلهة الأبتسامة: يلا لعد گومي غسلي،، وتعاي للمطبخ

جنة بعد ماضربت تحية لأبوها: أوامرك مطاعة عقيد عراق

عراق بعد ماگرص خدهة: هيچ أريدچ دائماً مطيعة وتسمعين الگلام

طلع عراق من الغرفة يروح للمطبخ يلگة بغداد واگفة عالطباخ تسوي ريوك وماأنتبهت على وجودة

عراق بعد ماتقدم منهة: صباح الخير

بغداد بعد ماألتفتت علية: صباح النور،، تجي جنة عالريوك لو لاء؟؟

عراق بعد ماسند ظهرة عالگاونتر وأخذ گلاص مي من عالطاولة: هسة راح تجي

بغداد بسؤال: زين جنة تحب المبصلة لو لاء؟؟

عراق بعد ماشرب المي ورجع الگلاص لمگانة: ليش هو أگو واحد ميحبهة،، وخاصتاً جنة چانت تگعدلي بالوحدة بالليل وتظلل تتبكبك علمود أسويلهة مبصلة

جنة بعد مادخلت للمطبخ وگعدت عالگرسي اللي حول الطاولة: صباح الخير

عراق وبغداد بصوت واحد: صباح النور

جنة بعد مادحچت علة بغداد: بغداد أنتي راح تروحين ويانة للسوك مو؟؟

بغداد بعد ماطفت النار اللي جوة القوري وأندارت علة جنة: شتريدون تجيبون؟؟

جنة بأبتسامة: مو اليوم عيد ميلاد جود،، وبابا راح ياخذني علمود أشتري هدوم

عراق نقل عيونة علة بغداد: تعاي ويانة علمود تساعدينة بأختيار الهدوم لجنة

بغداد بعد ماخلت الماعين عالطاولة وگرصتين خبز وتلث أستگانات چاي: لعد إذا هيچ أگيد أروح

جنة دحچت عالأگل وبعدهة دحچت علة عراق اللي گعد بصفهة يشرب چاي: شنو ماجايب قشطة؟؟

عراق بعد ماخلة أستگان الچاي بمگانة: بلي جبت البارحة لأن أدري بيچ تحبيهة،، موجوده بالثلاجة

بغداد بعد ماگامت من عالگرسي: هسة أجيبهة

بغداد بعد ماجابت القشطة وخلتهة گدام جنة: تفضلي حبيبتي