عاصمة گلبي

بارت 2

..... يوم جديد.....
....... 8 ونص الصبح.....

تاليدة وهي تفتحلة الباب: أهلاً أستاذ عراق،، شلونك؟؟

عراق وهو يدخل للطرمة: بخير تاليدة،، وينهة جنة؟؟

تاليدة وهي تمشي ورا: بغرفتهة،، زعلانة منك من البارحة

توجهت تاليدة للمطبخ علمود تسوي ريوك وعراق دخل لغرفة جنة وبيدة علاگة بيضة أنتبه عليهة نايمة على بطنهة وشعرها نازل على عيونهة فتح البردة يدخل ضوة الشمس للغرفة گعد عالچرباية يخلي العلاگة عالگومدينة

عراق وهو يبوس شعرها: باباتي جنة آني جيت،، يلا أگعدي وخليني أشوف عيونچ الحلوة

جنة وهي تغطي وجهة بالبطانية: ماأريد أگوم بعدني نعسانة

عراق وهو يوخز البطانية من علة وجهة: أنتي مو گلتيلي أشتاقيتلك وهسة جيت يلا گومي،، ماتريدين تشوفين شجبتلچ؟؟

دارت جنة جسمهة تنطي ظهرها: ماريد أحچي وياك،، آني زعلانة منك

عراق وهو منزل راسة يبوس خدهة: أفاااا عليچ ياجنة، بعد ماچنت متلهف لخاطر أجي أشوفچ،، تطلعين زعلانة مني وبعدين آني ماقبلت لمصلحتچ ماأريدچ تتمرضين

جنة بملامح عابسة: گل الجهال ياگلون حلويات يعني أهلهم يخلوهم يشترون إلا آني حارمني منهن

عراق وهو يمسح بحنية على شعرها: أميرتي عوفي زعلچ علة صفحة وگومي شوفي شجبتلچ

جنة بزعل: ماريد شي منك،، وأصلن آني بعد ماأحبك

عراق بأبتسامة: متأگدة أنه أنتي بطلتي تحبيني

جنة وهي بعدهة ناطيتة ظهرها: أي متأگدة

عراق وهو يگوم من عالچرباية ماخذ العلاگة يدحچ على ظهر جنة: لعد راح أروح أنطي هاي الهدية لدعاء بنت جيرانة،، يلا آني رايح

تمشة للباب وهو واثق أنه جنة مستحيل تخلي ينطي الهدية لأحد غيرهة وأصلن هو گللهة هيچ علمود يخليهة تگوم وصدك قبل لايطلع حس عليهة تشبك رجلة بقوة يبتسم بأنتصار

جنة بصوت عالي: الهديييية إلييييي وحديييي ومستحيللل أخليكككك تنطييييهة لددددعاء

عراق وهو منزل راسة ويدحچ عليهة: أميرتي لاتعيطين ولاتنفعلين آني چنت دتشاقة وياچ،، ويلا أفتحي الهدية راح تعجبچ صدگيني

جنة گمزت بفرحة بعد مافتحت العلاگة وشافت اللي بداخلهة: الله يخبلن الهدوم،، وأخيراً آني صار عندي هدوم شرطة مثل مالتك

جنة وهي تشبگة دافنة وجهة ببطنة من گصرهة: شگراً بابا عالهدوم،، لو تدري شگد جانن بنفسي

عراق والأبتسامة مافارگت وجة: العفو أميرتي،، ويلا جربيهن للهدوم وآني راح أطلع أنتظرچ بالصالة