طبك سيارتة كدام الڤيلا وترجل منهة مشة بخطوات سريعة وتجاوز الطرمة داخل للصالة مال الطابق الاول وبهل اثناء طلعت جواهر من المطبخ وأستغربت لمن شافتة
جواهر تقدمت من عراق وكالت: هلة بيك يمة،، شلونك
عراق كال: مادام رجلچ عايش مستحيل أكون بخير
تجاوز امة وصعد الدرج وجواهر خافت لايسوي شي لان شافتة هواي ضايج ومعصب لحگتة ودخلت ويا لمگتب سيف الدين
عراق دخل للمكتب ودحج على سيف الدين وكال: لَك شراح تكلة لرب العالمين بالآخرة هااااا؟؟،، لو عندك ذرة دين چان مادزيت واحد حقير علمود يكتلهة
سيف الدين وكف كبال عراق وكال: لَككك انتة شجاي تمسلت هاااا؟؟،، جايني چنك ثور هايج وتهد علية،، ولي منا مالي خلكك
جواهر تقدمت من عراق وكالت: يمة شقصدك
عراق دحج على جواهر وكال : يمممة رجلللچ اللييي مايخافففف الله دازززز رجالللل قبلللل تلثثث سنواتتتت وأمررة اننننه يكتلللل مرتيييي
عراق كمش ياخة قميص سيف الدين وكال: انتتتة ماتخاففف الله لانننن لوووو تخافففة چاننن ماحرمتني مننن مرتيييي وجنننة اللييي تيتمتتت بعمررر زغيرر مننن وراكككك
سيف الدين دفع عراق عنة وكال: منو گلك؟؟
عراق كال: هو هذة اللي هامك؟؟،، الحقيقة راح تنگشف لو يمر عليهة الف سنة،، أنتة اللي دزيتلي قيس مو؟؟
سيف الدين كال: أي آني دزيتة هلرجال چان يفديني بروحة وبس كتلة مباشرتاً نفذ اوامري وراح اعترفلك انه هو اللي كتلهة وطبعاً انتة من كثر غبائك صدگتة ومباشرتاً كتلتة حتى بدون ماتتأكد من هلشي
عراق كال: صدكت غبي لان مافكرت انه انتة ورة السالفة لان ببساطة انتة اكثر شخص تكرها،، لَك حتى لو چانت من عائلة فقيرة هي بشر بالنهاية وتستحق تعيش الحياة اللي تتمناها
سيف الدين كال: وحدة فقيرة مثلهة چانت ابد ماتناسبنة وآني مابنيت سمعتي كل هلسنين علمود يجي واحد عاق وغبي مثلك يخربها فاهمممم؟؟
عراق كال: ماگو احد بهل كون يكرهك بكدي،، لاعرفت تصير زوج ولاعرفت تصير اب ولاعرفت تصير آدمي، ماعرفت تصير انسان بكل حياتك اللي عشتهة
عراق نزلت دمعتة وكمل: تدري شغلة دائماً چنت احسد الاطفال اللي آبائهم ميتين حتى سيلين وآسر چانو يتمنون هلشي لان لو ميت چان هسة شروق وآسر بعدهم عايشين وكلنة ملتمين داير ماداير امي وعايشين بسلام وسعادة،، اكرهك سيف الدين انتة السبب بدمار حياتنة
جواهر نزلت دموعها بحرگة گلب على خدودهة وكمشت إيد عراق وكالت: يمة عوفة الحچي ويا مايفيد
عراق كال: يمة هذة اللي گدامج دمرلنة طفولتنة وبكبرنة هم مدمرنة وماجاي يخلينة نعيش براحة،، لازم يموت
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
