دخلت لغرفة بغداد وحطت الصينية عالگومدينة تهز چتفهة: بغداد گومي يلا
فتحت عيونهة عالگيف تفرك عيونهة أبتسمت جنة بفرحة: صباح الخير،، أسيل سوتلج ريوك وآني راح أوگلچ بأيدي
رفعت بغداد جسمهة من عالفراش تسند ظهرها على تاج الچرباية: حبيبتي جنة ترى آني زينة وماگو داعي تبقين توگليني أنتي
جنة حطت الصينية عالچرباية تصعد هي هم: بابا گالي أنتبه عليچ فآني راح أبقة أوگلچ علما تذبين الضمادة
أگلت اللگمة من أيد جنة بأبتسامة: بس تدرين جنة الأگل من إيدج گلش طيب
بادلتهة جنة الأبتسامة وهي تمدلهة لگمة ثانية: صحة وعافية على گلبچ
بغداد بسؤال: حبيبتي جنة تريگتي؟؟
جنة هزت راسهة: أي تريگت آني وأسيل
بغداد بعد مابلعت اللگمة: شوگت ينزل أبوچ؟؟
جنة: باچر أنشالله
بغداد بعد مرور دقايق گمشت إيد جنة: جنة گافي مو راح أسمن من وراج
أگلت جنة اللگمة رادة: لعد آني راح آگلهة
نفخت بغداد أنفاسهة بضوجة: والله مليت من گعدة البيت
جنة ردت: والله آني هم مليت بس بابا مايخلينة نطلع فلازم نتحمل علما يجي
جنة بحماس: عود ناخذچ ويانة لبيت جدو هناك راح تتعرفين على بيبي جواهر وعمتو سيلين أگيد راح يفرحن بيچ
بغداد بسؤال: أهل أبوچ؟؟
جنة هزت راسهة: أي
بغداد وهي تتذگر اللي سوا سيف الدين: الأحسن أنه ماروح لأن مالة داعي
جنة ردت: لعد بگيفچ
.....................................................
گاعدة عالچرباية بغرفتهة وشايلة الگتاب تقرة: أووف گلش تعبت
ذبت الگتاب ودحجت عالساعة اللي بالحايط وچانت بالتسعة بالليل: خلي أراسلة أگيد هسة بعدة گاعد
أخذت الموبايل من عالگومدينة وفتحتة دخلت على صفحة سنمار عالتلي وگتبت: مساء الخير دگتور
ثواني وردلهة: مساء النور والسرور
فگرت لدقايق وگالت: ليش ماأعترفلة بحبي علمود نتزوج على سنة الله ورسوله
أبتسمت بفرحة: أي والله خوش فگرة خلي أگولة
دحجت عالشاشة وگتبت: دگتور آني أريد أگولك شي
ثواني ورد: گولي صار عندي فضول أعرف شتريدين تگولين
داست بصعوبة عالحروف وگتبتلة: آني أحبك دگتور
وفجأة وبدون سابق أنذار دخل سيف الدين وسيلين رجف جسمهة بخوف وصدمة من دخولة المفاجئ وقفلت الموبايل
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
