ومادام الحزن بالروح
باچر عگبة تگضي الروح
ويموت الحزن بيها
༺༺༺༺༺༺༻༻༻༻༻༻
سيلين دخلت لغرفة جنة وكالت: جوجو ابوج عالخط
جنة نزلت من عالچرباية واخذت الموبايل وكالت: بابا حبيبي وين رحت وعفتني
عراق كال: جنتي وداعت راسج مضطر مو بيدي،، انتي شلونچ
جنة كالت: آني مو بخير لان انتة مموجود
عراق كال: اسم الله عليچ من عافيتي إلچ وبعدين عمتچ كلتلي مجاي تاكلين هواية صدك حچيهة؟؟
جنة كالت: اي صدك بابا حبيبي آني مشتاقة لدفا صدرك بكد السمة
عراق كال: انشالله ارجعلج يروح ابوچ،، بس اوعديني تاكلين زين وتكملين دواج كلة علمود ماأزعل منج
جنة كالت: وعد آكل زين واكمل الدوة بس كون انتة همين تحاچيني يومية علما ترجع
عراق كال: ميخالف يروح ابوج،، يلا آني لازم اسد الخط
جنة كالت: بابا حبيبي آني احبك بكد السمة
عراق كال: وآني احبچ اكثر يجنة دنياي
عراق سد الخط ونطة الموبايل للواء وكال: شكراً إلك حضرة اللواء
اللواء كال: العفو عقيد عراق،، ناقصك شي بالسجن
عراق كعد عالقنفة وكال: حالياً مناقصني شي بفضلك
اللواء كعد عالقنفة كبال عراق ونطا جكارة وكال: ورة المحگمة راح ينقلوك لسجن جماعي ديربالك على روحك عقيد لان هناك موجود اخطر انواع المجرمين
عراق اخذ نفس من الجكارة وزفرة بالهوة وكال: آني ماينخاف علية محد يكدر يمسني بأذى
اللواء كال: عاد هلشي كلنة متأگدين منة بس تدري بية احبك مثل ابني واخاف عليك
عراق ذب كطف الجكارة بالنفاظة وكال: شنو ماكو چاي ترى راسي راح ينفجر لان صارلي هواية مشاربة
اللواء كال: مو تدلل هسة اكللهم يجيبولك
ثواني ودخل جندي وبيدة صينية بيهة استكانين چاي حط واحد كدام اللواء وواحد كدام عراق،، ثواني وعراق خلص الچاي وطلع من مگتب اللواء والشرطي رجعة للسجن
........................................................
بعد مرور ايام // المحكمة
طلعو الشرطيين من المحگمة وهمة لازمين عراق من إيدية تقدمو منة عبير ورائف وجواهر
جواهر باست كصة عراق وكالت: يايمة شراح يصبرني تلث سنين بدون مشوفك
عراق كال: يمة اشكري عبير لان جابت التسجيلات والصور للقاضي وبذگائها قنعتة وخفف الحكم هواي
عبير كالت: هذة بفضل رب العالمين وبعدين انتة عزيز على گلبي واسوي كلشي علمود اساعدك
جواهر كالت: شنو مصير سيف بعد مشاف القاضي التسجيلات والصور
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
