سيلين / گاعدة عالگرسي بنص الحديقة وزيودي يركض ويلعب رفعت نظري وتأملت النجوم شكد احب اتأمل عظمة رب العالمين
نقلت عيوني للگمر وحيل چان حلو نزلت دموعي لمن تذگرت شلون چنت آخذ سنمار بالليل للحديقة ونگعد نتأمل النجوم والگمر
حسيت على زيودي يكمش ايدي نزلت نظري علية وشفتة يبوس بچفوف ايدية
شلتة وخليتة على رجلية ذاب گلبي لمن رفع چفوف ايدية الصغار ومسح دموعي بست ايدية وضميتة لصدري
زيد: ماما احبج
سيلين: أوووف من كون اروحن فدوة لهل حلك
سمعت الباب تندك نزلت زيودي بلكاع ورحت اشوف منو عالباب وزيودي رگض گدامي
فتحت الباب ورأساً زيودي أبتسم وكمش رجل ابو لمن شافة سنمار شالة ودخل للطرمة
زيودي بلش يبوس براس سنمار ودفن وجهة بركبتة وآني تذكرت الصور اللي دزتهن سديم وضجت درت جسمي بس حسيت على سنمار يكمش معصمي
سنمار: لاتديرين وجهج عني سيلين وربي دتأذيني هيج
سيلين: بسبب افعالك كلما احاول انطيك فرصة تخذلني وتجرحني
سنمار: گتلج سيلين والله ندمان وربي احبج ومشتاقلج
سيلين: لو ندمان چان مرجعتلهة دومك تچذب صار الچذب طبعك
سنمار: والله العظيم مجاي اروحلهة،، هاي هي اللي چذبت عليج مو؟؟
سيلين: دزتلي صوركم اليوم
سنمار: والله قديمات،، وحك القرآن مجاي اروحلهة آني اصلاً ماحبهة والبارحة دكت علية وحظرت رقمها
سيلين: آني تعبانة واريد اروح ارتاح عوف ايدي
سنمار: ماشي عفتهة بس الله يخليج صدگيني آني مجاي اروحلهة
سيلين: تمام هسة اذا ممكن انطيني زيودي
بوس سنمار خدود زيودي ونطانيا وتقرب مني باس راسي وگلي احبج وطلع من الڤيلا
رحت لغرفتي وخليت زيودي بصفي عالچرباية ونزلن دموعي خايفة أصدكة واتأملة ويطلع ديچذب علية
راسي وجعني من التفكير بلعت حباية مال وجع راس وتمددت ونيمت زيودي بصفي
.......
ملاك / كمت لمن سمعت صوت القفل ثواني وانفتحت الباب دخل رائف بملامح ماتبشر بالخير بس طبعاً آني مراح اسكت لان من الصبح حابسني هنا بدون لاأكل ولاشرب
ملاك: انتة من كل عقلك عايفني هنا من الصبح بدون لاأكل ولاشرب؟؟
رائف: تستاهلين علمود تتعلمين ماتطولين لسانج علية وتلحگيني بسيارتج
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
