عاصمة گلبي

بارت 3

رمضان كريم عالجميع وگل عام وأنتو بألف خير
وأن شاءلله صيام مقبول 🤲🤍
༺༺༺༺༺༺༺༻༻༻༻༻༻
.... بعد مرور تلث أيام......
...... 8 إلا ربع الصبح......

أنتبهت سيلين علة سيارة سنمار اللي طبگهة قريب من سيارتهة بگراج الگلية لذلك ألتفتت علة سديم وگالتلهة أنه تسبقهة بالدخول للگلية وهي شوية وتلحگهة وسديم عرفت أنه رايدة تحچي وية سنمار لذلك طلعت من السيارة ومن الگراج داخلة للگلية

سيلين بعد ماطلعت من سيارتهة وتقدمت من سنمار: صباح الخير دگتور

سنمار بعد ماتقدم منهة: صباح النور والسرور،، شلونچ

سيلين بأبتسامة خجولة : آني بخير الحمدلله،، أنت شلونك؟؟

سنمار بأبتسامة: بخير دامج بخير

سيلين وخدودهة أحمرن من الخجل: دومك أنشالله بخير دگتورنة

سنمار بنبرة مقهورة: حيل ضايج لأن ماعندي محاضرة بشعبتگم اليوم

سيلين وهي تدحچ بعيونة: عادي دگتور أسبوع الجاي عدنة

سنمار وهو يتمشة بصفهة: عود شيگولون علية الطلاب؟؟ عاجبتهم طريقة تدريسي لو لا؟؟

سيلين بعد ماطلعو من الگراج: دگتورنة لاتقلق الطلاب گلهم يحبوك ويمدحون بيك

سنمار بعد مادحچ عليهة: وأنتي من بينهم؟؟

سيلين أرتبگت وخجلت بعد مافهمت قصدة: مع السلامه دگتور،، آني لازم أروح للقاعة

..... المستشفى......

فتحت عيونهة ببطئ تدور بعيونهة بالغرفة اللي بينت أنه هي عناية تتذگر گلش زين أنه آخر شي شافتة قبل لايغمى عليهة رجال يشيلهة من ذيچ الغرفة وبعدهة تتذگر مواصفتة طويل ومعضل وعيونة سود وفچة حاد ولابس زي مال شرطة

نفضت أفگارهة المبالغ بيهة بهذة الشخص تنتبه علة زندهة الملفوف بأحگام تحس بوجع بهذة المگان بالذات لأن أنضربت بي طلقة

الدگتور بعد مادخل للعناية: وأخيراً رجعلچ وعيچ،، هم جاي تحسين بوجع؟؟

بغداد وهي تدحچ بعيونة: زندي يوجعني بس مو گلش

الدگتور بعد ماوگف بصف السدية: لاتخافين هذة وجع طبيعي ويختفي بمرور الأيام

طلع الدگتور بعد مافحصها يرجع لمگتبة يتصل علة عراق علمود يگلة لأن هو أمرة أنه ينطي خبر بس تگعد

نص ساعة ورفعت بغداد عيونهة عاللي دخل بگل هيبة ورجولة للعناية وبعد مادققت بغداد بملامحة تذگرت أنه هو نفسة اللي شالهة قبل لايغمى عليهة

عراق گعد عالگرسي بصف السدية: شلونچ يحلوة؟؟

بغداد وهي مرگزة بعيونة: زينة الحمدلله عمو