لن اقول حبيبي
لان الأحباب قد تتفرق
لن أقول صديقي
لان الأصدقاء قد تتنازع
لن أقول رفيقي
لان الطريق قد ينتهي
بل سأقول روحي
لان الروح لاتفارق الجسد
إلا عند الموت
༺༺༺༺༺༻༻༻༻༻
فتح عيونة وقابلة السگف دار راسة وشاف جود نايم على بطنة باس راسة،، رفع نفسة ونزل من عالچرباية
طلع من غرفة جود ودخل لغرفتهم كز على سنونة بعصبية لمن مالكة ملاك راح للمطبح وهمين مالكاها
عرف بوكتهة انه ملاك رايحة للمركز وعايفتة
دخل للمطبخ وخلة مي بالقوري وخلا عالنار والطاوة خلة بيهة دهن وخلاهة عالنار
دقايق وحضر الريوك خلا عالطاولة وراح لغرفة جود علمود يكعدة
رائف: شبلي يلا أكعد حضرت الريوك
جود: گعدت بابا
رائف: لعد صباح الخير والعافية
جود: صباح النور بابا
كام جود وطلع وية رائف من الغرفة داخلين للمطبخ گعد عالكرسي كبال ابو حول الطاولة وصب الچاي بالاستكانيين وبدو ياكلون
جود: شنو عمة ملاك رايحة للدوام وحدهة
رائف: أي
جود: هاي امي بعدهة منتقلت وهيج صار لعد اذا انتقلت كبالنة
رائف: علساس تكدر تسوي شي أگسر راسهة
جود: بابا انتة ليش دائماً تعالج الغلط بلغلط؟؟
رائف: اي غير گفرتني وطلعتني عن طوري أحاچيهة بهدوء وهي تعيط
جود: اوف منك هسة شكو بيهة لو كامش اعصابك شوية
رائف: شبلي تعرفني معندي صبر ايوب واتعصب بسرعة
جود: ديلا آني شبعت الحمدلله،، حروح ابدل
دقايق وطلع من غرفتة مبدل هدومة وشاف رائف واكف بالصالة لابس هدومة العسكرية ويفر السويج بأصبعة
جود: بابا عوف بيت جدو اليوم واخذني يم ماما
رائف: مو تدلل شبلي
طلعو من البيت وصعدو بالسيارة وطول الطريق ظلو ساكتين،، نص ساعة ووصلو لبيت امل نزل جود ورائف حرك السيارة رايح للمركز
............................................................
ترجل من سيارتة داخل للمرگز وكل اللي يمر من يمهم يطگولة تحية،، توجه بملامح غاضبة لمكتب ملاك
كز على سنونة بعصبية لمن شاف النقيب اركان طالع من مگتب ملاك،، فتح الباب بهمجية وتقرب من ملاك الكاعدة عالقنفة وجرها من زندهة موكفها على حيلهة
رائف: شعنددددة صخام الوجه بمگتبجججج؟؟
ملاك: شنو هلهمجية متعرف تدك الباب قبل لاتدخل
أنت تقرأ
عاصمة گلبي
Fiction généraleتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
