جواهر كالت: يمة اسرعي مو خاف اخوج يطلع ويبقة ينتظر
سيلين كالت: يمة ماأكدر ازيد السرعة وبعدين عراق بعد ربع ساعة يلا يطلع
جواهر كالت: وأخيراً راح يرجع واكحل عيوني بشوفتة كدامي
سيلين كالت: اي والله مصدكنة تخلص هلتلث سنين ويرجعلنة
جواهر كالت: جنة راح تطير بشوفتة بعد هلسنين
طبكت سيلين السيارة كدام السجن ونزلن من السيارة هي وجواهر وظلن واكفات دقايق وابتسمن لمن شافن عراق يطلع ولحيتة طويلة وكلش ثخينة ومبين التعب على ملامح وجهة،، تقربن منة وجواهر شبكتة بقوة بقت لثواني وبعدهة ابتعدت عنة
جواهر كالت: شلونك يمة
عراق كال: الحمدلله زين يلغالية
سيلين كالت: وأخيراً راح تتنور ايامنة برجعتك للڤيلا
عراق كال: يلا خلي نروح حيل مشتاق لجنة
صعدو بالسيارة وساقت سيلين بفرحة وظلو ساكتين طول الطريق وبعد نص ساعة وصلو ودخلو للڤيلا
عراق كال: يمة وين جنة؟؟
جواهر كالت: بغرفتهة اللي بصف غرفتي
عراق رأساً صعد للطابق الثاني متلهف لشوفة جنة دخل للغرفة وكبرت ابتسامتة لمن شافهة كاعدة تدحج علبلازمة
اول محست علباب تنفتح اندارت وعاطت بفرحة كمزت من مكانهة وركضت على عراق اللي شالهة وبوس كل انش بوجهة
جنة كالت: بابا حبيبي عمتو كلتلي اليوم راح ترجع ومتتخيل شكد فرحت
عراق كال: وآني هم جنتي حيل فرحان بشوفتج
جنة كالت: بابا البارحة جبت الشهادة وطلعت الاولى
عراق كال: اروح فدوة لبنيتي الشطورة
جنة كالت: آني فرحانة لان خلصت ثاني ورحت للثالث
عراق كال: تدرين جنتي حيل مقهور لان بنيتي دتكبر بساع
جنة كالت: هههههه بابا حبيبي لعد خما حظل زغيرة
جواهر دخلت للغرفة وكالت: يمة شتريد تاكل علغدة
عراق كال: يمة راح انام مااريد غدة
جواهر كالت: بس لازم تتغدة حبيبي انتة
عراق كال: يمة صارلي فترة منايم وميت نعاس عود آكل لمن اكعد
جواهر كالت: ماشي يمة،، جنة ابوج يريد ينام عوفي وتعاي وياية
جنة كالت: بيبي بعدني مشبعت من بابا خلي ابقة ويا بس شوية
عراق كال: جنتي وعد بس اكعد من النوم راح اكضي وكت كلش هواي وياج
جنة كالت: ماشي حبيبي
عراق نزلهة لجنة وطلعن هي وجواهر من الغرفة وعراق طلع من غرفة بنتة وراح لغرفتة ابتسم لمن شافهة على حالهة ومتغير بيهة شي،، تمدد عالچرباية بدون حتى ميسبح من كثر تعبة ونام
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
