أريد أعلن حداد وللعشك ماعود
وأريد أنساك وأنسى البينك وبيني
وأشك دفتر غرامك خاطر آنة أنساك
وأدير الوجه عنك لمن تلاگيني
༺༺༺༺༺༺༺༻༻༻༻༻༻
گاعدين بالمطبخ عالگراسي داير ماداير الطاولة يتريگون بهدوء بس گسرت جنة هذة الهدوء لمن دحجت على عراق وگالت: بابا حبيبي بغداد تگول مليت من گعدة البيت واني همين مليت فشنو رأيگ تطلعنة؟؟
فتحت بغداد عيونهة من الأحراج تدحج على عراق گايلة بخجل: لا چذب عقيد آني ماگلت هيچ
بادلهة عراق النظرات بأبتسامة: ليش خجلانة لهل درجة؟؟ أنتي صرتي من أهل البيت ومن حقچ تگولين اللي تريدي بدون أحراج،، وعود تحضرن علمود آخذچن نتغدة بمطعم مرتب
بغداد حچت بخجل: عقيد ماگو داعي تعذب روحك خلي نتغدة هنا
شرب آخر مابقة بأستگان الچاي راد: عذابيش هذة؟؟ أصلن آني هم أريد أغير جو
بغداد بأبتسامة: هاهية لعد عقيد نروح تلاثتنة
.........................................................
دخلت لمگتبة تتقرب من طاولة المگتب تدحج بعيونة بأستغراب: دگتور طلبتني،، رايد شي؟؟
سنمار رد بسؤال: البارحة چنتي غايبة وگلش خفت عليچ واليوم وجهچ مبين مضروب،، أحد مأذيچ؟؟
سيلين وهي واگفة: لا دگتور بس عندي محاضرة ولازم أروح عندك سؤال ثاني؟؟
سنمار عرف أنه سيلين ماتريد تحچي بالموضوع فقرر مايلح عليهة رغم خوفة عليهة ودحج عليهة بأبتسامة لمن تذگر أعترافهة: گلش فرحت لمن عرفت انه أنتي تبادليني نفس مشاعري بس ليش أعترفتيلي عالتلي وبعدهة أختفيتي
سيلين أرتبگت لأن تذگرت اول ماأعترفتلة أبوها أجة عليهة وگسر الموبايل وماگدرت تگول الحقيقة لسنمار لذلك ردت بچذب: دگتور مو وراها موبايلي وگع بسراحية المي وأحترك وماگدرت أشوف شگاتب
هز راسة دلالة على فهمة وگال: عادي تصير وآسف لأن أخرتچ على محاضرتچ تگدرين تروحين
سيلين طلعت من المگتب تمشي بخطوات هادية ثواني ووصلت للقاعة دگت الباب ودخلت دحجت عالدگتور اللي چان يشرح وگالت: دگتور چانت عندي شغلة لذلك تأخرت
الدگتور رد: يلا عادي روحي أگعدي بمگانج
سيلين راحت وگعدت عالستيج بصف سديم وفتحت ملزمتهة تحاچيهة سديم: أشبيچ يول،، أشو مو على بعضج،، صاير شي؟؟
سيلين دحجت على سديم رادة: من تخلص المحاضرة عود أگلج هسة خلينة نركز بالمحاضرة
هزت سديم راسهة: تمام
وبعد ماخلصت المحاضرة طلعن من القاعة وراحن للگافيتيريا گعدن وخلن جنطهن عالطاولة تحچي سيلين اللي سوا بيهة أبوها بالتفصيل لسديم اللي چانت تسمعلهة بترگيز
أنت تقرأ
عاصمة گلبي
Fiksi Umumتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
