فتحت عيونهة عالگيف تدحچ داير مادايرهة عالغرفة الزغيرة والمتربة اللي هي بيهة: آني وين؟؟
حاولت تتحرك بس ماگدرت بسبب إيديهة المربطة بيدات الگرسي: معقولة مخطوفة؟؟
رجعت ذاگرتهة ليورة تتذگر تاليدة نطتهة عصير برتقال وبعدهة حست بنعاس فضيع ونامت: يعني تاليدة ألهة إيد بخطفي الله ياخذهة
رفعت عيونهة عالباب تصيح بصوت عالي وهي تحرك نفسهة: تعالوووو فگونيييي ولدددد القندرررة،، إذاااا أنتوووو زلممم هسسسة تجووون تفگونيييي
نفخت أنفاسهة بضوجة لمن حاولت تفك إيديهة وماگدرت تگمل صياح: ولگممممم لوووو أنتوووو زلممم چانننن واجهتونيييي
فزت من أنفتحت الباب يدخل رجال أسود وضخم وملامحة تخوف صحيح خافت بس مابينت ألة تحچي بضوجة: أنتو منو؟؟ وليش خطفتوني؟؟
شدهة بقوة من شعرها يرد بصوتة المرعب: صوتچ لا أگص لسانچ
رغم الوجع اللي أنتشر براسهة بس نترت بي: أنچب وفگني
گز على سنونة يعوف شعرها ورفع چف إيدة يضربها راجدي قوي فر راسهة للجهة الثانية: وحك الله إذا مالصمتي حلگچ لا أگسر راسچ بت الچلاب
بغداد دحچت بعيونة بجرأة: خاب ماتنچب أحسنلك لو زلمة چان فگيتني
گلامها گلش أستفز الرجال يضربها راجدي أقوة من القبلة يشد شعرها بقوة مقرب من وجهة: زلمة غصباً ماعلى راسچ وراس الخلفوچ
داست بغداد على وجعها تبادلة النظرات: مو رجولة أنه تمد إيدك على بنية مربطة
خلص صبرة منهة يعوف شعرها وطلع لاصق من جيبة يخلي على حلگهة مانعها من الحچي: شوفيني هسة شلون راح تلعلعين حيوانة
ضربت رجلهة بالگاع بضوجة بعد ماعافهة الرجال بدت تعيط بس صوتهة چان ماينسمع بسبب اللاصق دقايق وهدأت تتمنة من گل گلبها أنه يجي عراق وينقذهة منهم لأن ماعدهة أحد غيرة
........................................
زاد سرعة سياقتة رايد يوصل للبيت بأسرع وگت ممگن وحچة بخوف: بس لامخطوفة
ربع ساعة ووصل للبيت بسبب سرعة سياقتة طلع من السيارة ودك الباب فتحتلة جنة اللي أبتسمت: هلة حبيبي بابا،، شلونك؟؟
عراق دحج عليهة: بخير حبيبتي،، بس وين تاليدة
جنة بعد مادخلو للطرمة: جوة بالمطبخ
دخلو للصالة يدحج عراق على جنة: جنتي روحي لغرفتچ
جنة بأبتسامة: حاضر حبيبي
دخل للمطبخ يشوف تاليدة واگفة تغسل بالماعين ألتفتت لمن حست بدخولة: أهلاً أستاذ عراق
عراق گعد عالگرسي اللي حول الطاولة: تاليدة عوفي گلشي وتعاي أحچيلي شلون أختفت بغداد
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
