دخلت جنة لغرفة عراق وشافتة كاعد على طرف الچرباية وفاتح رجلية وموبايلة مخلي بأذنة يخابر كعدت على رجلية وباستة من خدة،، عراق ابتسم وهو يحاچي اللي عالموبايل وكرص خد بنتة بخفة
عراق بعد ماطفة الموبايل كال: ها جنتي شرايدة؟؟
جنة كالت بأبتسامة: مااريد شي بابا حبيبي بس آني أشتاقيتلك
عراق كال: جنتي راح ابقة وياچ اسبوعين حتى للشغل ماراح اروح
جنة دفنت وجهة بصدرة ولفت ايديهة الزغار حول ظهرة وكالت: ياريت لو تبقى دائماً وياية
رفعت جنة راسهة وخلت چف أيدهة على خدة وكالت بنبرة طفولية: أبوية الحنين،، ابوية الغالي،، سندي وروحي،، نجمي العالي،، ابوية حبيبي،، عشك دلالي،، اضحي بكلشي،، ويبقى كبالي
عراق كال بأبتسامة: أوووف اليوم إلا أكو شي مدللتني وجاي تغنيلي،، يلا كولي جنتي شسبب هالدلال
جنة بأبتسامة: بابا حبيبي خلي نروح آني وياك لعمو ابو عمران ونشتري حلويات،، عليك الله حبيبي
عراق كال: مو بنتي وأعرف تريدين شي،، ماشي حاخذچ بس متاگلين اهواية،، اتفقنا؟؟
هزت جنة راسهة وكالت بفرحة: اتفقنا حبيبي
جنة ضاجت لمن شالهة عراق وكالت: بابا آني كبرت
عراق نزلهة بالگاع وكال: ولچ منين كبرتي وأنتي بعدچ خمس سنين،، بس مثل ماتردين بعد ماأشيلچ
گادت أيد عراق وطلعو من البيت تمشو بالشارع اللي چان شبه مظلم لأن الدنية ليل والهوة شوية عالي وبارد وناس قليلة تمشي بالشارع وصلو للمحل ودخلو
جنة دحجت على عراق وكالت: بابا حبيبي خلي نشتري لبغداد همين لان هي هواية تحب الحلويات
عراق دحج عليهة وكال: بس مانعرف شتريد
جنة كالت: بغداد تحب الگيك والنوتيلا وخلي نشتريلهة نساتل وببسي
عراق كال: تمام حبيبتي
وبين ماچانو يتمشون بالمحل لمحتهم مرية وأبتسمت لمن ركزت على عراق تقدمت منهم وشايلة چيس أسود بچف ايدة بي مشترياتهة
المرية وكفت كبال عراق وگالت: شهل صدفة عراق
عراق عكد حواجبة بأستغراب وگال: عفواً بس منو حضرتچ؟؟
المرية كالت بأبتسامة: آني عبير چنت وياك بالثانوية،، شنو ماتتذگرني
عراق كال: انتي اللي چنتي تصيحين راح أصير محامية وخابصتنة بالمحاماة مو؟؟
عبير كالت: ههههههه أي آني چنت اموت عالمحاماة والحمدلله صرت محامية معروفة
عراق كال بأبتسامة: صدك شهل صدفة بعد گل هالسنين،، وفرحتلچ من كل گلبي لان حقتتي اللي تريدي
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
