عاصمة گلبي

بارت 6

گعد عالگرسي اللي بصف السدية يدحج بعيونهة: هم جاي تحسين بوجع

عقچت ملامح وجهة تهز راسهة: أي إيدي ياعقيد گلش جاي توجعني

بادلتة النظرات تحچي بغصة: عقيد إيدي راح تتشوه؟؟

عراق طمنهة: لاتخافين آني مخليچ بمستشفى أهلي وبي أحسن الأطباء والدگتورة گالتلي يرادلچ فترة وتتحسن إيديچ أنشالله،، آني گلش آسف عاللي صار وياچ،، گل اللي صارلچ بسببي آني آسف

بغداد: عقيد الله يخليك لاتلوم روحك لأن أبوك هو اللي خطفني وهو السبب باللي صارلي يعني مو أنتة

وقبل لايحچي عراق دك موبايلة يطلعة من جيب بنطرونة يرد مخلي بأذنة: صباح الخير بابا حبيبي

عراق: صباح النور جنتي،، ها خوما رايدة شي؟؟

جنة وهي گاعدة على طرف الچرباية تهز رجليهة بتوتر وخوف: لا حبيبي مارايدة شي بس آني حيل خفت عليك لأنه أنت طلعت بالليل وبعد مارجعت،، گلي الصدك أنت بخير؟؟

عراق بأبتسامة: آني بخير جنتي بس دگو علية وگلولي صديقي مريض فرحتلة للمستشفى وبقيت يمة وبس صدگيني مابية شي

جنة نزلت نظرهة: آني ظليت الليل گلة خايفة عليك وحتى بچيت،، بابا الله عليك لاتخوفني عليك بعد،، آني حيل أحبك وماأتحمل يصيرلك شي

عراق: شريان گلبي أنتي والله،، شنو هالخوف باباتي حبيبتي آني أبوچ وتدرين بية قوي ومايصيرلي شي فعلى شنو الخوف ياگلبي انتي؟؟

جنة بأبتسامة: لعد الحمدلله أنه أنتة بخير ومابيك شي،، يلا مع السلامه بابا حبيبي

عراق: الله وياچ جنتي

بغداد دحجت على عراق اللي ضم موبايلة بجيب بنطرونة تسألة: هاي جنة

عراق: أي جنة،، هالبنية هواية متعلقة بية خاصتاً بعد ماتوفت أمها

بغداد: طبيعي لأن أمها توفت بعمر زغير فهي گامت تشوفك گل أهلهة،، أذگر مرة چنة گاعدين آني وجنة وهي گالتلي أحب أبوية أگثر من أي شي بهل دنية لأن من بعد وفاة أمي هو نطاني حنان وحب الأم اللي فقدتهن وماقصر علية بأي شي

عراق بقهر: من توفت أمهة آني چنت ضايع ومقهور ومدمر شروق چانت الگل بالگل بالبيت وهيچ أنگتلت فجأة بس قاومت وأستوعبت غصباً ماعلية موتهة علمود جنة ماردتهة تتأذة وهي بعمر زغير

بغداد بأبتسامة: عقيد أنت أب رائع،، صراحة أحسد جنة عليك،، أتمنة عندي أب مثلك

عراق بادلهة الابتسامة: لچ لو تدرين شگد أنقهرت عليچ جنة وظلت تگول بغداد عافتنة

بغداد: واني شمگدرني أعوفها الوگحة

عراق بعد ماگام من عالگرسي: يلا آني لازم أطلع وأشوفچ بعدين أنشالله