بارت طويل اعوضكم بي عن البارتات الكصيرة
وحبايبي فضلاً وليس أمراً لاتنسون الفوت والكومنت ونشر الرواية بالمنصات ❤💗
بغداد فتحت الباب وكالت: هلة تالين شرفتي بيتي المتواضع
تالين كالت: الفففف مبروككك حياتيييي
بغداد كالت: ولچ فضحتينة لاتعيطين يلا ادخلي جوة
تالين كالت: شسوي فرحانة واصلن لمن شفت النتايج كمت ابچي من الفرحة
دخلن وتالين لحكت بغداد لغرفة النوم گعدت بصفها على طرف الچرباية
بغداد كالت: والله حتى آني فرحت وهذة كلة بفضل الله وبفضلج هواية تعبتي وياية
تالين كالت: ولاتنسين انتي همين تعبتي وقريتي هواية وآني سويت واجبي
بغداد كالت: اي والله ماصدكت اخلص من السادس
تالين كالت: اي والله اصعب مرحلة
بغداد كالت: شتشربين؟؟
تالين كالت: ماريد شي آني جيت علمود اباركلج
بغداد كالت: عمري الله يبارك بيج ويوم اللي اشوفج عروسة ونفرح بيج
تالين كالت: قبل كم يوم جاني مهندس واهلي يعرفو خوش ولد وسمعتة طيبة وآني وافقت والخطوبة بعد اسبوع عود معزومة
بغداد كالت: صدككككككك؟؟
تالين كالت: اي والله اخذت بنصيحتج وقررت اتزوج
بغداد شبكت تالين وكالت: الله يتمملج على خير وأن شاءلله تعيشون بسعادة وراحة طول عمركم
تالين بادلتهة الشبكة وكالت: الله يسمع منج يروحي
بغداد فصلت شبكتهن وكالت: شسمة وشكد عمرة
تالين كالت: اسمة رائد وعمرة تلاثين
بغداد كالت: حلو يعني بينكم خمس سنوات،، صار عندي فضول اشوف صورتة
تالين فتحت موبايلهة وكالت: عندة صفحة بالفيس ينشر بيهة صورة هسة اشوفلجيا
بغداد شافت صورتة وكالت: ماشاءالله يجنن الله يرزقكم بالذرية الصالحة
تالين كالت: يوم زواجج انتي هم علمود نفرح بيج
بغداد كالت: الله كريم
تالين كالت: يلا آني لازم اروح تصبحين على خير
بغداد لحكت تالين للباب وكالت: وانتي من اهل الخير يروحي
بغداد سدت الباب ورة تالين ورجعت لغرفتهة تمددت عالچرباية ودمعت عيونهة لمن تذكرت عراق حيل مشتاقتلة بس ماتكدر ترجعلة،، مسحت دموعها وغمضت عيونهة عسى ولعل تكدر تنام
........................................................
سند تقرب من عراق وكال: عقيد جبتلك الموبايل مثل مردت
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
