هلو حبايبي 🌹🌹
طبعاً اني أدري گتلكم بالشهر الجاي
يلا ابدي بالجزء الثاني بس غلسو 😅
لان قررت ابدي بي هسة احسن
وبهذة الجزء راح أغير من طريقتي
لان عاجبني اخلي الأبطال همة
اللي يحچون عن حياتهم 🤍
وأتمنى متنسون التصويت والتعليق
ومتابعة حسابي 🤍
يلا ياجماعة شدو حيلكم
ووصلو الحساب لميتين متابع 🌹🌹
.............
ارى في عينيك الغنى عن الناس
وفي قربك الأگتفاء
ارى بك سعادتي وموطني
واشياء لاتوصف ولاتحكى
أرى العالم جميلاً بك
فلا شيء اجمل منك
ولاشي اسعد مني بك 💗💗
.............
بغداد / آني بغداد اللي حتى أهلي معرفهم ولاشايفتهم تربيت بالميتم وعشت طفولة قاسية هناك لان على أقل غلطة يضربنة صاحب الميتم ويحرمنة من الأگل
رغم هذة گلة حبيت أطفال الميتم وأعتنيت بيهم حسيت روحي مثل المسؤلة عنهم وبديت أقريهم وأعتني بأصغر تفاصيلهم
ماردتهم يگبرون بدون شهادة علمود لايصيرون مثلي چنت دائماً أكعد ألاعبهم ولمن يتأذون أواسيهم
بس لمن دخلت بالثمنطعش أضطريت اطلع واعيش حياتي بوحدي لان هاي قوانين الميتم چنت مخنوكة لان حعوف الجهال اللي صارو جزء من حياتي بس شسوي مجبورة اروح واعوفهم
بوگتهة چنت ضايعة لاعندي مكان ابقى بي ولافلس واحد بس رب العالمين مينسى بشر محتاجة وآني دعيتة من كل گلبي والحمدلله أستجابلي دعائي
مو يگولون عسى ان تگرهو شيئاً وهو خير لگم وهو هذا اللي صار وياية بالضبط خطفوني عصابة يتجارون بأعضاء البشر والله دزلي منقذي
بصراحة دخلتة لحياتي صارت مثل المعجزة ضاف لحياتي جمال وسعادة هذة الرجال روحي من الدنية
قدملي الحب والحنان والسعادة اللي مچنت أحلم بيهن حياتي چانت ظلمة وهو مثل الضوة اللي نورلي طريقي وحياتي
العقيد وطني وروحي وراحتي وضوة عيوني وسندي وچتفي الأنتجي علية صدك مموجود منة أثنين بالكون گلة رجال من گلهة
الكلام ابد ميوفي حقة قدملي أشياء كلش هواي وشكد ماأسويلة ماأوفي ربع اللي قدمة إلي
الحمدلله تزوجنة وگدرت بفضل رب العالمين أكمل دراسة وقبل سنة تخرجت وهسة جاي أداوم دكتورة بالمستشفى
والأحلة هو حملي أصلاً مصدكت أتخرج علمود أخلف جهال يشبهون عقيدي وهسة آني بالشهر الخامس
حالياً الساعة عشرة الصبح وآني بدوامي وهواي مشتاقة لعقيدي لان البارحة چانت عندة خفارة بالمركز
كمت من عالكرسي وطلعت من المكتب والمستشفى بأكملهة صعدت بسيارتي اللي أشترالياها العقيد قبل سنتين وهو بنفسة اللي علمني عالسياقة من كون اروحلة فدوة
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
