ماأجمل الدنيا اذا گانت معك
يامن تركت عوالمي گي اتبعك
نبضي ودمعي والفؤاد شواهدي
فأرحم اذا اجتاح الحنين مولعك
༺༺༺༺༺༻༻༻༻༻
گاعدين عالساعة سبعة بالليل حول الطاولة يتعشون ملاك گاعدة بصف رائف وجود كبالهم
جود: رجل ماما مات بحادث سيارة قبل يومين وماما مقررة تأجر البيت اللي كبالنة
رائف: وانتة عود فرحان؟؟
جود: اي وهواي فرحان لان حكوم اشوف ماما يومية
رائف: شمعنى هيج فرحان،، لَك شبلي مو چنت تضوج كلما اخذك يمهة
جود: ماما مو مثل قبل هي صارت تلعب وياية وتحبني وتاخذني للسوك وآني همين كمت احبهة
ملاك: وليش عود تريد تجي تكعد كبالنة؟؟
جود: ماأعرف بس حيل فرحت
رائف: انشالله دوم فرحان شبلي
جود: الحمدلله شبعت،، عاشت ايدج عمة ملاك
ملاك: صحة وعوافي حبيبي
جود كام من عالگرسي وطلع من المطبخ وملاك ظلت تفكر بكلام جود وحيل ضاجت
ملاك: لمن مات رجلهة غير ترجع لبيت اهلهة؟؟
رائف: يجوز علمود تشوف جود يومية
ملاك: الحمدلله شبعت
گامت ملاك من عالگرسي رايدة تطلع من المطبخ بس رائف كام وكمش معصمها
رائف: ملاكي بيج شي؟؟
ملاك: لا مبية بس شوية راسي يوجعني واريد اروح ارتاح
رائف: تمام روحي ارتاحي وآني حغسل اماعين العشة
ملاك راحت لغرفتهة وبالهة مشغول بكلام جود ورائف شال لماعين من عالطاولة وحطهن عالسنك وبدة يغسل بيهن
............................................................
عراق دخل للمطبخ ولكة جواهر وسيلين وجنة كاعدات عالگراسي حول الطاولة يتعشن تقدم منهن وكعد بصف جنة
عراق: حلو على بدايتهة جيت
جواهر: شلونة الشغل وياك يمة؟؟
عراق: الحمدلله يمة
سيلين: شنو هاي اللي بأصبعك حلقة؟؟
عراق: اي اليوم لبسنة الحلقات آني وبغداد واخذت الشيخ وعقدلنة وبعد باچر نروح نعقد بالمحكمة
جواهر: صدككككك؟؟
عراق: اي والله يمة
جواهر: وليش مگتلنة حضرة جنابك؟؟
عراق: يمة هسة كتلچن
سيلين: وشوكت اتفقتو؟؟
عراق: البارحة سألتهة وقبلت وثاني يوم اشتريت الحلقات واخذت الشيخ لبيتهة كلت استعجل احسن
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
