عيد اضحى مبارك وكل عام وانتو بخير
وأن شاءلله ينعاد عالجميع بالصحة والعافية
༺༺༺༺༺༺༺༻༻༺༻༻
رافد دخل للقاعة وكال: دكتور تسمحلي ادخل
سنمار دحج بعيون رافد وكال: ولش حضرت جنابك متأخر؟؟
رافد كال: دگتور والله صار ازدحام وتأخرت
سنمار كال ببرود: اطلع وخليني أكمل المحاضرة
رافد كال: بس دكتور.....
سنمار قاطعة وكال: يلا اطلع ولاتضيع وكت المحاضرة
كز رافد على سنونة بعصبية وطلع لان سنمار بالنهاية دگتورة ومايكدر يقنعة او يعصي امرة،، سيلين راقبت رافد اللي طلع من القاعة وحيل ضاجت من سنمار وعرفت أنه طلع رافد لان حاقد علية بعد ماعرف انه راح يتزوجون،، قررت انه تروح وتحاچي بعد المحاضرة
سيلين اخذت ملزمتهة وجنطتهة بعد ماخلصت المحاضرة وراحت لمكتب سنمار دكت الباب ودخلت
سيلين كالت: دكتور رجاءً لاتسجل رافد غياب لأن المحاضرة تبدي بالثمانية ونص ورافد اجة بالتسعة إلا ربع وعدنة قانون بالكلية يكول الطلاب بالمحاضرة الاولى يحقلهم عادي يدخلون بعد المحاضرة بنص ساعة لان تصير دائماً ازدحامات ومايلحكون بعض الطلاب يجون علوكت
سنمار كال ببرود: اظن انه آني الدكتور مو انتي ومو من حقچ تكوليلي شسوي،، فاهمة؟؟
سيلين كالت: دكتور آني ماكلت شي هو هذة قانون الكلية وبعدين رافد گال إلك تأخر من ورة الازدحامات
سنمار كال: سجلتة غياب ولو شميصير ماأغيرهة ويلا أطلعي
سيلين كالت بعصبية: ماشي حطلع
طلعت من المكتب وهي گلش ضايجة من اسلوب سنمار اللي تغير مية وثمانين درجة لان قبل ابد ماچان قاسي وية الطلاب،، شافت سديم كاعدة عالمصطبة ويمهة بنات اثنين وحست بالقهر لان من ذاك اليوم وسديم تتجاهلهة حتى بوجهة ماتدحج
رافد تقدم منهة وكال: واخيراً لكيتچ ولچ صارلي هواية ادور عليچ،، وين رحتي؟؟
سيلين كالت: رحت لمكتب الدكتور سنمار وكتلة لايسجلك غياب بس هو ماقبل
رافد وگف بصفهة وشابچ چفوف ايديهم وتمشو سوية بين الطلاب وكال: سوسو حياتي عوفي خلي يولي،، طز بي وبمحاضرتة اصلن آني ممهتم
سيلين دحجت بعيونة وكالت: عود من ارجع أدزلك المحاضرة لان سجلتهة بموبايلي
رافد كرصهة من خدهة وكال: اروح فدوة للي مهتمة بية وبمستقبلي
سيلين كالت: أسم الله عليك وبعدين شلون ماأهتم هاي المحاضرة مهمة وداخلة بمتحان أسبوع الجاي ولازم تضبطها
رافد كال: اكول حبيبي ليش سديم العوبة مدتمشي وياچ،، شنو متزاعلات؟؟
سيلين كالت: تدري بسديم حيل حساسة وصارلهة فترة زعلانة مني
أنت تقرأ
عاصمة گلبي
Ficción Generalتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
