من يوم العرفتك صرت اهواك
احس بروحي يمك مو بعيدة
واذا اكتب شعر مو هذا مقصود
ترى المقصود انت بكل قصيدة
واذا گلبي يحبك هو معذور
هم سامع بگلب يكره وريدة
༺༺༺༺༺༺༻༻༻༻༻༻رجعت بغداد من الشغل گالعادة بالليل وذبت قمصلتهة عالچرباية،، گعدت على طرف الچرباية وطلعت موبايلهة من جيب بنطرونهة وطلبت بيتزا لأن هي اول ماكعدت بهذة المشتمل تطلب أكل من برة لو تشتري لان ماعدهة طباخ علمود تطبخ وتاكل وجبتين بس باليوم
دخلت عالأنستا وبدت تگلب بملل بس فجأة طلعتلهة اغنية راح اسجل روحي بأسمك ودموعها نزلن لان تذگرت عراق
بغداد عضت شفتهة بقوة وكالت: گلش هواي مشتاقتلك ياعقيد والله العظيم مامرتاحة واحس بضيق بصدري بس ماأكدر ارجعلك
طلعت من الانستا ودخلت عالاستديو طلعت صور عراق وظلت تتأملهن بعيونهة اللي حمرن،، من چانت گاعدة ببيت عراق دخلت على حسابة بالأنستا وچان مليان صورة وطبعاً حفظت خمس صور
بغداد تلمست صورتة بالموبايل وگالت: الوحدة جاي تذبحني ياعقيد وحيل محتاجتك،، چنت دائماّ احس روحي وحيدة ماگو شخص يهتم بية ويحن علية ويدللني بس من شفتك أحساسي بالوحدة راح وصرت احسك كلشي بالنسبة إلي بس هسة رجعلي احساسي بالوحدة
مسحت دموعها لمن سمعت الباب تندك سدت الموبايل وكامت متأكدة بغداد انه هذة ابو التوصيل لان گللهة نص ساعة وتوصل البيتزا ومر الوكت بسرعة وبدون ماتحس بي
فتحتلة الباب واخذت البيتزا ونطتة الفلوس رجعت للغرفة وكعدت عالچرباية حطت البيتزا وكامت تاكل بيهة وبعد ماكملتهة غسلت إيديهة وتمددت عالچرباية وغمضت عيونهة بمحاولة انه تنام
.............................................................
جنة رفعت راسهة من على صدر ابوها وكالت: بابا حبيبي ليش بغداد عافتنة؟؟
عراق مسد بخفة على شعرها وكال: صارلهة شهر ونص من راحت وبعدج تتذكريهة،، جنتي انسيهة لان بغداد بعد ماتجي
جنة كالت: بس آني كلش هواي احبهة بس بعد مااحبهة لان عافتنة وراحت،، خبيثة بغداد
عراق كال: لا جنتي ليش تكرهيهة بغداد خوش بنية وماسوت شي بس هي قررت تطلع وتشوف حياتهة وطبعاً حقها لان مامجبورة تبقة هنانة
جنة كالت: حيل ضجت منهة لان طلعت وعافتنة وبعد مااحبهة وابد ماأسامحها
عراق كال: جنتي انسيهة ويلا نامي لان الساعة صارت بالثنعش
دفنت وجهة بصدر عراق ودقايق ونامت،، عراق ظل كاعد وماكدر ينام،، أبعد جنة من على صدرة عالكيف ونيمهة عالمخدة،، تمدد وخلة إيدة جوة راسة وصفن بالسگف
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
