دحج على رائف الگاعد عالگرسي مقابيلة وسألة: أبو الجود ماراح تگولي شبيك مهموم ومقهور؟؟
طلع رائف الجگارة من بين شفايفة ينفخ دخانهة بهم مدحج على عراق راد: مرتي السورية طلع بيهة سرطان بالدم والدگتور گال باقيلهة بس تلث أشهر بهل دنية
فتح عراق عيونة بصدمة: الله أگبر وهذة الحچي من شوگت؟؟
رائف ذب الگطف مال الجگارة بالنفاظة يرد: صارلهة فترة طويلة وضعها مو تمام تگح دم وحالتهة حالة وديتهة وگالي الطبيب مابيهة شي بس آني مادخل گلامة مخي وظليت أودي بيهة وماعرفو علتهة والبارحة نصحوني بطبيب ووديتهة وأخذلهة تحاليل وفحوصات وگالي بيهة سرطان بالدم وبمرحلة گلش متقدمة وماتصيرلة چارة
نفخ عراق أنفاسة بقهر گايل: لاحول ولاقوة الا بالله هذة قدرهة أبو الجود وهي شلونهة نفسيتهة ووضعها بعد ماعرفت
طلع رائف جگارة لخ وجدحها بادي يدخنهة راد: گسرت گلبي من البارحة وهي تبچي ومنهارة تگلي ماأريد أموت بس والله لو بيدي أسوي شي چان سويتة،، لو أدري مرضها يتعالج چان الله شاهد عليه أخذتهة لأمريكا بس الدگتور گالي لو وين ماتاخذهة مايگدرون يعالجوها
طبطب عراق على فخد رائف گايل: گوي گلبك ياخوية علمودهة مايصير تشوفك هيچ منهار
حط رائف چفة اللي شايل بي الجگارة على چف عراق اللي على فخدة گايل بقهر: بخت يرادلنة ياأبو جنة حتى نعيش مرتاحين
رد عراق: اللي مگتوب عالجبين لازم تشوفة العين أبو الجود مابيدنة نگول غير الحمدلله والشگر على گل حال
وإلة يجي يوم ويفرجهة ربك
رائف رجع ظهرة عالگرسي يدخن بشراهة كايل: أيست من دنياي مابيهة حظ دوم وأتمنة موتي يصير مو باچر اليوم
گام رائف يطلع من المگتب ينفخ عراق أنفاسة بقهر وهم گايل: مابيهة بس هم وحزن هلدنية
.............................................................
دخل سيف الدين للغرفة يشوفها گاعدة على طرف الچرباية يحچي ببرود: شوفي آني قررت أطلعچ من هاي الغرفة بس تنطمين وتگعدين بالڤيلا والباب ممنوع تعتبيهة،، وحتى خلفتچ العارات ممنوع تشوفيهم
گامت جواهر من عالچرباية تتقدم من سيف الدين گايلة : ماشي بس أنتة أوعدني أنه ماتأذيهم ولاتقرب صوبهم
سيف الدين ببرود: مو من حقچ تمنعيني أحاسبهم من يسون شي مايرضيني لأن وللأسف همة هم خلفتي واللي يسونة يأثر على سمعتي
جواهر بيأس: النقاش وياك بهل موضوع عقيم فالأحسن أنه تروح
سيف بأستهزاء: على أساس آني ميت عليچ دگعد أگابل خلقتچ
جواهر بعد ماطلع سيف رفعت راسهة تدعي: يارب أحميلي خلفتي وأبعد سيف عنهم
............................................................
أنت تقرأ
عاصمة گلبي
Fiksi Umumتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
