الفرح مر للمدينة
وانطة للناس التريدة
ودك البيبان گلهة
ومن وصل يمنة انشلت ايدة
آآآخ يحزنك يگلبي
جمرة مضمومة بجريدة
༺༺༺༺༻༻༻༻
نزلو من السيارة ودخلو للمسستشفى سألو الموظفة وكلتلهم عن مكان الغرفة راحو وشافو اهل رافد حالتهم تبچي الصخر،، امة تلطم وتبچي وابو همين عيونة محمرة واختة دموعها تجري
سيلين كالت: شلون صار محد طلع وطمنكم
نور كالت: ليهسة محد طلع
عراق كال: انشالله يصير زين ويكوم بلسلامة
امة كالت: الله يسمع منك
الدكتور طلع وكال: المريض توفى للأسف مكدرنة ننقذة
ام رافد بدت تعيط والاب هجم عالدكتور بدون واعية وبدة يلومة لان ماكدر ينقذ ابنة وعراق بالكوة كدر يجر الاب والدكتور راح
نور بدت تضرب بچفوف ايديهة على راسهة وتبچي وسيلين متوقعت هلخبر الصادم وبچت بحركة گلب حاسة بحرارة دموعها تبلل خدهة،، عراق متحمل يشوف اختة بهاي الحالة وضم راسهة لصدرة
سيلين كالت: عراق آني بحلم مو وهسة اكعد منة
عراق كال: هو هذة حال الدنية تاخذ من عدنة اشخاص چانو مثل البلسم لجروحنة وتعوفنة دنموت بعدهم
سيلين كالت: بس آني البارحة چنت اخابرة وچان كلشي مابي،، شلون هيج راح فجأة
عراق كال: كلنة هيج مندري شراح يصير ويانة يجوز هسة موجودين وباچر لا
سيلين ظلت تبچي وعراق ظل يطبطب على ظهرها،، طلع موبايلة من جيب بنطرونة بعد مسمعة يدك وتوقع مسبقاً انه امة اللي جاي تدك رد وخلا بأذنة
عراق كال: يمة انتظرينة هسة نجي ونكلج گلشي
سد الخط وخلة الموبايل بجيبة ميكدر يكللهة لامة عالموبايل يريد يروح يلا يكللهة لان يخاف عليهة يصيرلهة شي وهو مموجود
عراق كال: سيلين يلا خلي نرجع
سيلين كالت: مريد اروح اريد ابقة يمة
عراق كال: شراح تسوين اذا بقيتي دخلي نرجع وعود اروح وياهم للنجف بالدفنة
طلعو من المستشفى وسيلين تبچي صعدو بالسيارة وحركهة راجع للڤيلا
..........................................................
گاعدة بزاوية الغرفة وحدهة ضامة رجليهة لصدرهة وعت قبل نص ساعة من المخدر بغرفة چبيرة وكلش نظيفة بس فارغة وبيهة شباك صغير
بغداد كالت: لو بس اعرف آني شمسوية علمود يخطفوني دائماً،، خرب حظي
گامت على حيلهة وبدت تدك الباب بقوة بچفوف ايديهة عسى ولعل احد يجيهة
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
