عراق / گاعد عالقنفة بمگتبي وگامش الجگارة بين اصابعي من البارحة بالليل عيوني ماغفت حيل خايف على بغداد والمشكلة انه اللي خطفها مااعرفة من قبل
خليت گطف الجكارة بالنفاظة ورفعت عيوني على رائف اللي دخل وكعد بصفي
رائف: شلونك أبو جنة العلم
عراق: مو زين يارائف
رائف: والله حقك سمعت اللي صار بس اللي خطفها ماتعرف شي عنة؟؟
عراق: لو اعرف عنة شي چان ماأكعد هيج
رائف: لاتقلق انشالله تكون بخير لان لو يريد يگتلهة چان سواها من البداية وماخطفها
عراق: انشالله تبقى بخير اذا صارلهة شي اكتل روحي
رائف: كول الله ابو جنة ادري بيك قوي
عراق: شلون اكون قوي وهمة خطفو گلبي وروحي
وقبل لايرد رائف سمعت موبايلي يدك طلعتة من جيبي ورأساً رديت لمن شفتة نفس رقم ذاك الحقير
عراق: وينننن اخذتتتت مرتيييي ياحقيرررر
محارب: العياط مو من صالحك عقيد لان تعرف بغداد بين ايدية واكدر اسوي بيهة اللي اريدة
عراق: لَكككك انتتتتة شتريددد مننن عدنننة هااا؟؟
محارب: ماريد اطول عليك اذا تريد مرتك ماتتأذة تعال وحدك على الموقع اللي راح ادزة الك
عراق: ماشي اجي بس لاتأذيهة
محارب: وحدك تجي واذا دريت دتلعب بذيلك اسوي شي مايعجبك
عراق: تمام حسوي اللي تريدة اهم شي ماتأذيهة
سد الخط ورأساً دز الموقع برسالة وآني رفعت عيوني على رائف
رائف: منو اللي اتصل؟؟
عراق: نفسة اللي خطف بغداد ويريدني اجي وحدي للموقع اللي دزة
رائف: ابو جنة انتة مراح تروح مستحيل اخليك
عراق: بلي رائف لازم اروح علمود لايأذي بغداد
رائف: ابو جنة انتة تدري بذولة مجرمين وحتى لو راح تروحلة وحدك ممكن يأذيهة ذولة حفنة چلاب
عراق: بس لازم اروح
رائف: ابو جنة الله يخليك لاتخبلني شلون تروح وحدك راح يكتلوك
عراق: ادري لذلك راح اخذ جهاز تعقب وياية وانتة وكم ضابط تعقبو المكان اللي راح اروحلة وتعالو وراية للمكان بس مريد احد يحس عليكم
رائف: ابو جنة ديربالك على روحك لخاطري
عراق: ابو الجود لاتخاف علية انتة بس سوي اللي كتلك علية علمود نكمش ذاك الحقير
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
