حبيتك آنة بگثر
ماظلمة چان العمر
والفرح ماشفتة
وكد مااحسك سند
تاخذني من كل حزن
ومن كل قهر عشتة
سبعة العجايب لچن
ثامن عجيبة انتة
༺༺༺༺༺༻༻༻༻༻
دخلت اميرة للمول ودورت على بغداد دقايق ولكتهة ابتسمت وتقربت منهة
اميرة كالت: هلة حبي،، شلونج؟؟
بغداد كالت: الحمدلله زينة،، شنو جاية علمود تشترين
اميرة كالت: اي والله واريدج تساعديني باختيار الملابس
بغداد كالت: مو تدللين يعمري،، شوفي هذاك الفستان كلش حلو ومتأكدة حيطلع يخبل عليج وحتى سعرة مناسب بس اربعين الف
اميرة كالت: هو حلو بس لونة محبيتة،، اريد مثلة بس غير لون
بغداد كالت: وشنو اللون اللي تريدي
اميرة كالت: اسود كلش احب اللون الاسود
بغداد كالت: اي هذاك اللي فوك اسود تريدين انزلة إلج تشوفينة
اميرة كالت: اي والله ياريت
وفجأة وگعت اميرة بالكاع مغمى عليهة وبغداد انصدمت وظلت تطبطب على خدهة وتصيح بأسمهة بس بدون فايدة،، صاحت للبنية اللي چانت تشتغل وياهة بالمول وشالن اميرة
طلعن بصعوبة من المول بسبب وزن اميرة الثكيل ووكفت بغداد تكسي وخلت اميرة بالكشن الورة وشكرت البنية اللي ساعدتهة وصعدت بالسيارة وكلتلة لابو التكسي ياخذهة للمستشفى
بغداد كالت: يارب دخيل اسمك تصير زينة وتكوم
ووصلو للمستشفى وبغداد نطت فلوس لصاحب التكسي وطلبت منة انه يساعدهة وهو رأساً نزل وشال اميرة بكل سهولة ودخلهة للمستشفى خلوها الممرضين علسدية ودخلوها لوحدة من الغرف
صاحب التكسي طلع من المستشفى وبغداد ظلت واكفة يم باب الغرفة،، دقايق وطلع الدكتور
بغداد كالت: دكتور الله يخليك طمني،، شلونهة
الدكتور كال: المريضة بخير طلع عدهة هبوط بالسكر وسوينة اللازم وبعد نص ساعة تكدرين تطلعيهة
بغداد كالت: ليش هي بيهة سكر
الدكتور كال: اي بيهة
بغداد كالت: تمام شكرا دكتور
الدكتور كال: العفو عيني
راح الدكتور وبغداد طلعت الموبايل من جيبهة وفتحتة داخلة على جهات الاتصال وبدت تدور على رقم ام احمد علمود تكللهة وهي تمشي بالممر بدون متنتبه كدامهة
طخ راسهة بصدر الشخص اللي كدامهة وحيل خجلت وتأسفت منة بس انصدمت لمن رفعت راسهة وصارت عيونهة بعيونة،، تجمدت بمگانهة وحست بدگات كلبها القوية تضرب بصدرهة
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
