فتح عراق باب السيارة اللي بالصدر وجر جواد من زندة گايل بحدة: يلا أنزل وخلصني
دفعة لجواد يجبرة يمشي كدامة وإيدية مگلبچة ورة ظهرة وعراق مخلي المسدس على ظهر جواد
أندار جواد على عراق گايل بأبتسامة: عقيدنة صحيح آني ماشفت منك غير الضرب بس وربي راح أشتاقلك
عراق وهو يصعد بايات الدرج ضغط السلاح على ظهر جواد گايل بعصبية: أنچب ولاتظل تلغي
صعدو لسطح البناية المهجورة اللي متگونة من خمس طوابق چانو خمس زلم واگفين ورة رماح ورجال واحد واگف بصف رماح وگامش جنة من أيدهة
جنة رغم مرضها وتعبهة بس لمن شافت ابوها صاحت بلهفة: بابا حبيبي وأخيراً جيت آني چنت أنتظرك
عراق دحج عليهة وأنصدم لمن شاف آثار ضرب على أيديهة ورجليهة گايل: يروح أبوچ شلونچ؟؟
جنة حاولت تجر أيدهة من قبضة الرجال علمود تروح لحضن ابوها بس ماگدرت ترد: آني مو زينة بابا الله عليك تعال وأخذني لبيتنة
عراق بأبتسامة: بعد شوية نروح باباتي حبيبتي
رماح بأبتسامة: هلة بالعقيد اشرقت وانورت
جواد دحج على رماح گايل بضوجة: رماح يلا شوكت يصير وكت التسليم ترى آني مليت
عراق دحج على رماح گايل: رماح راح أعد للخمسة وأسلمك جواد وأنتة سلمني جنة
رماح حط أيدية بجيوبة گايل: بلش العد عقيد
عراق بصوت عالي: واحد ثنين تلاثة أربعة خمسة
فلت الرجال أيد جنة ترگض لأبوها وعراق دفع جواد بقوة يشيل جنة يروح باتجاه احد الحيطان خاتل ورا يبدون حراس رماح يوگعون واحد ورة اللاخ بسبب الرجال اللي چان خاتل على سطح البناية اللي بصف هاي البناية ومقنص على رماح وحراسة
جنة گالت بتعب: بابا آني حيل دايخة وجسمي كلة ديوجعني وكلش بردانة
عراق خلة چف أيدة على گصتهة گايل: بعدچ مصخنة،، تحملي جنتي هسة نطلع
طلع راسة وابتسم لمن شاف الحراس گلهم ميتين ودمهم تارس الگاع وجواد فاقد الوعي بسبب الطلقة اللي برجلة ورماح مخلي چف إيدة على چتفة بمحاولة أنه يوگف النزيف لان عراق من البداية امر القناص انه مايكتل جواد ورماح
طلع عراق من ورا الحايط وتقدم من رماح واگف گبالة گايل بأستهزاء: ماتوقعتك غبي لهل درجة يارماح يعني من گل عقلك تصدك أنه آني راح أسلمك اخوك؟؟
رماح بادل عراق النظرات كايل: ماتوقعتك تسوي شي وتخاطر بحياة بنتك
عراق بأبتسامة: آني مو غبي مثلك علمود أخاطر بحياة بنتي،، لَك آني لو أدري أنه خطتي ممگن تأذي جنة چان مستحيل أنفذهة بس القناص اللي مخلي محترف ويعرف شغلة بثواني كتل حراسك
أنت تقرأ
عاصمة گلبي
General Fictionتبتسمين فيفقد الليل وعيه ويگتم القمر تنهده ويسقط من السماء نجم أرهقه أعجابه بقلمي انا الگاتبة ✍🏻: ࢪغد
