I thought it was a Fairy Tale (Part 2)

133

November 14
First journal ever since birth (except sa sulating pangwakas/formal theme book ko noon). Nakita ko lang 'tong cute notebook kanina kaya binili ko.
May nakita akong taong 'di ko inasahang makikita ko ulit, former classmate and-- ehem. Basta kumain kami sa labas noong isang araw pa.

Grabe simula pa lang tinatamad na ako kaya iiklian ko lang 'to. Isusulat ko lang dito yung higlights sa araw ko... ah, basta yung mga 'di ko makalimutan, etc.

Ccto

~■~

November 17
I decided,... para na lang 'to sa kaniya. Para kapag lumipas na ang nararamdaman ko ay diretso na 'to sa basurahan tutal pangit ang sulat ko. Haha! Malay mo soon, months or years after, masuka na ako kapag binalikan ko 'to kasi 'di ko ma-imagine ang sarili kong patay na patay sa isang tao.

Sulat now, tapon o sunog later. Lol

~■~

November 21
We started chatting again for almost everyday. Nag-re-reply na ulit siya sa tweets ko at lumalalim na ulit ang usapan namin. Kahapon nga napag-usapan namin ang tungkol sa fate. Nagtalo pa kami kasi sabi ko, ang fate ay mixed na gusto mong mangyari at ang mismong kahihinatnan (inevitable events) Pero sabi niya, ang fate daw ay nangyayari dahil choice mo. Ginusto mo, to be exact. Sus, may mga nangyayari nga sa buhay ko na hindi ko ginusto pero nangyari pa rin. Ang katwiran niya roon, may bagay ka pa ring pinili bago mangyari iyon. May point siya pero-- ah, basta mas tama ako. Masaya na nakakainis siya minsan kausap. 'Yan tuloy nasisisi ko yung ibang tweet ko at napapatanong na, "bakit ko pa kasi 'yon ni-tweet?"

~■~

December 25
Binati niya ako ng Merry christmas.Okay kababawan, marami ring bumati sa'king pamilya at mga kaibigan ko, kasama si Angela. Miss ko na si Ange!! Pero dahil hindi siya ang sentro nitong nb, 'di ko siya ilalagay rito. Sa ibang notebook na lang.
Siomai, paano ba ako makaka-move on kung pati sa simpleng heart emoji nagloloko na ang puso ko?
Dinagdagan pa nung binigyan niya ako ng isa pang journal kasi nalaman niyang nagsusulat na ako (hindi niya nga lang alam kung tungkol saan ang sinusulat ko). And by the way, halps tuwing sabay ang vacant time namin lagi kaming magkasama. Aminado akong masaya ako at lagi kong sinusulit ang bawat oras. Masaya

~■~

January 16

Nagsisimula na naman akong ma-insecure sa sarili ko. Nakita ko siyang may kausap na babae kanina. Pamilyar ang mukha no'n, ang alam ko kaklase niya pero hindi ko alam ang pangalan. Normal nang makakita akong may kasama siya pero iba ang babaeng 'yon. Bukod sa pang-model ang itsura ang mukha, 'yon ang babaeng pinakamalapit sa kaniya. Alam kong wala akong dapat ikaselos pero 'di ko mapigilan. Lalo na't pakiramdam ko mas tumaba pa ako nung Pasko at Bagong taon dahil sa dami kong kinain.
How to unsee him and her? How to be you? Lels.

Ah tanda ko na, kasama sa journalism club yung babae.