فاتنةُ الحَي عَربيةٌ سمّراء طاهِرة أماري بِحُبها وأَتَغنى بذات الناعِساتِ

15

البارت 15

'
لن يفتح أحدٌ قلبه إلا إذا حس الأمان.|
'
سكتوا البقيه وماقالوا شيء أبداً !.
وصلت سيارة راق ودخل و وقف السيارة ونزل هو وحروف اللي راحت لـ عَربّ بسرعه وحضنتها بـ خوف : سووا لِك شيء ؟.
أبتسمّت عَربّ وحضنتها : لا ياعُيوني بخير أنا ، بعدت عَنها عَربّ وكمّلت : أنتوا شلون قدرتوا تطلعون ؟.
قالت حروف : طلعني راق بصعوبه والله بس الحمّدلله قدرنا نطلع بدون أضرار !.
ناظرتهُم عَربّ وقالت بأسف : أعتذر مِنّكم أنا السبب في كِل ذا ، وفوق هذا جينا لـ بيتكُم بدون خَبّر !.
قال عود بهدوء : حرير عندها خبّر وجهزت عشانكم تقدرون تدخلون تنتظركُم !.
ناظرته بهدوء وضيق وهزت رأسها بـ طيب ، وأخذت حروف وقالت لـ راق : مشكور راق مره.
أبتسمّ راق وقال بأبتسامّه : ولو عَربّ ؟.
أبتسمّت ودخلت مع حروف لداخِل لعند حرير !.
كان يناظرها بطرف عَينه لين دخلت !.
وقف مالِك ومشى ناحية راق : ماشاء الله طلع عندك أخت مُشتركه مع ربيع ؟.
ناظروه ربيع و راق بـ تساؤول وماردوا عليه !.
ضحك عود ولف رأسه للجهه الثانيه عشان ماينتبهون له وعشان مايحرجه زياده !.
وقف وهو مبتسمّ وتحت تأثير الضحكه :
تعالوا لداخِل أقلطوا !.
خزه مالِك اللي فهمّه
دخلوا لداخِل لقسم الرجال.
'
قالت حرير بأبتسامّه : والله مره فرحت لما أرسل لي عود حتى ماناقشته علطول بديت أجهز!.
أبتسمّت حروف ؛ عُيوني تعبانّك !.
قال حرير ىأبتسامّه : ولو ، حتى لو تعبت أجمّل تعب دام بشوف وجيهكُم الحلوه !.
قالت عَربّ بأبتسامّه : عُيوني أنتِ ، حلاوتِك هذي يابعدهُم.
قالت حرير وهي تصبّ لهُم القهوة : عاد القهوة سويتها على السريع يارب تجمّل بي.
أبتسمّت حروف : معليك معليك بنستر عليك لو مو زينه !.
ضحكت حرير وقالت عَربّ : تسلمّ يدك ، كِل شيء مِنك حلو والله !.
ضحكت حرير : يازينّك أنتِ والله !.
وقعدت حرير معاهُم وبدت تسولف هي وحروف وتشاركهُم عَربّ كِل شوي السوالف !.
قالت حروف بأبتسامّه : ألا حرير ما قلتِ لِك ؟ قابلت أخوي اليوم.
قالت حرير : منجد ؟ هاه وشلون أخوك ، كيف شخصيته ، حلو ولا لا؟.
ضحكت عَربّ على كلامها ، وضحكت معاها حرير بخجل.
قالت حروف بضحكه : هو الحلاوه أكيد حلو ، مِن أخته ؟.
وأشرت على نفسها بغرور !.
ضحكت عَربّ : والأساس "الشخصيه" ؟.
قالت حروف بأبتسامّه : صح ، شخصيته مره جمّيله ، لكن بالبدايه كان خجلان مِني وأنا كنت شوي خجلانه لكن حبيته وبدا يختفي الخجل ، وقعدنا نسولف ونتعرف على بعض شوي.

|حتى رمش عيِنك، أنا فيه تايِه ومُغرم.|
'
كمّلت حروف بأبتسامّه : كان مره لطيفّ معاي وحنون ، حتى نظراتّه لي مره مره حنونه ، ولما تجمعوا الناس قعد ماسكني وماسّك أغراضي ، ويطمني ويسولف لي عشان أنتبه معاه ، يعني مره مره حبيته ، كأنه قريب لي زي ربيع .
قالت حرير بأبتسامّه : عُيوني ، ربي يخليكم لـ بعضكُم ، هو الأخ الوحيد ولا عندك أخوان بعد ؟.
ناظرتها عَربّ بتساؤول أيضاً.
قالت حروف بأبتسامّه : أي هُم ثلاثه ، أوس ، و راق ، و رُقّي ، ومره مره متحمّسه أتعرف عليهُم ، أحسهُم لطيفين بزياده !.
أبتسمّت عَربّ : كان عندك أخ واحد ، وربي رزقك بدل الواحد ثلاث ، يخليهُم ربي .
أبتسمّت حروف : مو هُم أخوانِك أنتِ بعد تعرفين هالشيء ؟.
هزت رأسها عَربّ : عارفه ياعَيني !.
ناظرتهُم حرير وقالت : يا حلوكُم والله.
قالت حروف بأبتسامّه : ماخذين مِن حلاوتِك والله !.
أبتسمّت حرير لها وأرسلت لها بوسه، وقالت : مشتهيه قهوة وش تبون أسوي لكُم معاي ؟ وترى بارده القهوة مو حاره؟.
قالت عَربّ بأبتسامّه : أنا أشرب موكا او سبانش لاتيه.
قالت حروف بأبتسامّه : كالعاده لاتيه حُبي .
قالت حرير : مِن عُيوني ياعُيوني أنتوا .
وطلعت مِن عندهُم.
قالت حروف لـ عَربّ : شلون طلعتوا مِن هناك ؟.
قالت عَربّ بهدوء : كلم ربيع مالِك ودبر لِنا حُراس والحمدلله قدرنا نطلع ! خفت عليك ، قلت بأخذك معنا لكن مانقدر ننتظر أبداً.
أبتسمّت حروف : عُيوني ، المُهم أنتِ خرجتي بسلامّه ، لو قدروا يمسكونِك ماراح تطلعين أبداً مِن بينهُم!.
قالت عَربّ : الحمدلله طلعت بسلامه ، رُغمّ أنها حزت بخاطري أنهُم متعنين لي وماقدروا يشوفون!.
أبتسمت حروف : عادي ياعَيني ، مِن حُبهُم لِك هالشيء صار.
أبتسمّت بهدوء : يا حلوهُم .
قالت حروف بأبتسامّه : عرفوا ؟ عود ومالِك!.
هزت رأسها : هُم اللي خذونا !.
أبتسمّت حروف : وش هي ردت الفعل !.
ناظرتها عَربّ : الأول صمّت ، والثاني مصدوم ماقدر يسوق زين !.
أبتسمت حروف : عود الصمّت ، ومالِك اللي ماقدر يسوق ! طيب ليش صار الأول مجهول ؟.
ناظرتها عَربّ وهزت رأسها وهي صامّته!.
سكتت حروف وماضغطت عليها .
تنهدتّ بهدوء ومسكت يدها الثانيه وقعدت تلعبّ فيها لعل وعسى تهربّ مِن التفكير.