20

193 5 0

بواسطة user67276256

بقلم user67276256

البارت 20

'
لن أضلّ ، نفحاتُ عِطركَّ
ما زالت تدُّلني الطريق .|
'
بعدت عنها عَربّ وضربتها بخفيف : يا أم دميعه بكيتيني معاك !.
ضحكت حروف وهي تمسح دموعها : ماقدرت أصبّر ، يعني منجد مشاعركُم وصلتني ! مو طبيعي والله كيف يناظرك ويتأمّلك ، وكيف نبرته وكلامه معاك ، مره تحتد وسرعان وما تلين كِل ماحط عَينه عليك ! عَربّ لا تفرطين فيه منجد يحبّك وهالحُبّ غير ، هذا حُبّ حقيقي مو زي ما نشوف بالمُسلسلات والأفلام ، و زي ما نقرأ بالروايات ، عود أثبّت لي أن الحُبّ موجود مو زي ما كنت أظن أنه تأليفّ الكُتابّ بالمُسلسلات والأفلام !.
أبتسمّت عَربّ وقالت : وش شفتي بعُيونه ؟ يحّبني كـ عَربّ او كـ العُروب ؟ في فرق ؟.
أبتسمّت حروف : هو يحبّ قلبهم ، يحبّهم ثنتينهم ومُغرمّ فيهم ، لأن قلبّهُم واحد وهُم واحد !.
أبتسمّت عَربّ ونزلتّ عُيونها لـ دفترها : مِن يقول أن البزر حروف بتكبر وبتصير هي اللي تنصح أختها ؟.
ضحكت حروف : البزر كبرت ، مافيه أحد يوقف عند عُمر واحد ، بس مَن بيقنعك أنتِ وماما وربيع ؟.
جاء ربيع وقال بأبتسامّه : يقنعنا بشنو ؟.
لفت حروف لعَربّ وناظروا بعض ، جاء مِن المكان اللي طلع مِنه عود !.
أشرت عَربّ بعُيونها لها .
هزت رأسها وقالت : مِن يقنعكم أني كبّرت !.
قال ربيع وهو يعقد حاجبه : ليش أنتِ كبرتي ؟.
ضحكت عَربّ : ما أدري عنها !.
قالت حروف بغيض : وش تبي أنتّ الحين !.
ضحك وقال : ما أبي شيء بس أقول الحقيقة ؟.
هزت رأسها و وقف ومشت لناحيته ومسكت خدوده وشدتها بقوة.
مسك يدها بسرعه قبل تروح وسحبها له وحضن رأسها بقوه وقال : قد هالحركّه !.
ضربّته عدت ضربات تبيه يتركها مِن أنقطع النفس عندها !.
قالت عَربّ بضحكه : أتركها بتنكتم !.
ضحك ونزل رأسه لها : هاه قدها !.
قامّت عَربّ وسحبتها مِنه : كتمتها ربيع ! مسكتها حروف وهي التقط أنفاسها بصعوبّه وفوق هذا تضحك !.
وقف وهو يضحك مِن ضحكها وخايف عليها ، سحبّ الصحن وقعد يهويها وهو يضحك معاها !.
ناظرته عَربّ بصدمّه : مِن جدك أنت وهي ! البنت بتموت وتضحك أنت !.
قال ربيع : معليك متعوده !.
فتحت عَينها بصدمه : يا شيخ ؟ لو أنكتمت وماتت وش بيصير لا قدّر الله !.
ضحكت حروف وهي تهوي نفسها : معليك تعودت بس هالمره أنكتمت جد !.
ضحك ربيع وقال : شفتي ؟ تعودت يعني عادي ، ولو ماتت المقابّر مفتوحه !.
رمته عَربّ بعلبّة المناديل وقالت بحده : لا قدر الله ! .
ضحك ربيع و نزل الصحن وقعد مكانه وقال : معليك شوي وبترجع زي قبّل !.
صرخت عَربّ مِن طاحت حروف على الأرض !.
وقف بسرعه وقال بخوف : وش فيها !.

'
|رَعى اللهُ ، مَن هامَ الفؤادُ بحبِّهِ
ومَن كِدتُ مِن شوقٍ إليه أَطيرُ !.|
'
نزلت عَربّ وهزتها بخفيف : حروف ؟ تسمعيني ! حروف بنت !.
سحبّت الماء ورشتها بخفيف : حروف ! لفت لربيع اللي واقف فوقها ؛ تعال ساعدني وش فيك !.
لفت عليه عَربّ : مافيها شيء لا تخاف بس أغمى عليها شفيك !!.
رشتها عَربّ مره ثانية وفتحت عَينها ! ناظرتهم بهدوء وبعدها ضحكت بتمثيل : صدقتوا !.
رمتها عَربّ بعلبة الماء وقالت وهي توقف : منجدك ! طيحتي قلبي !.
قعدت حروف بصعوبّه ومدت يدها لـ ربيع ومسكت يده و وقفت ، هي فعلاً اغشى عليها بس ما تبيهم يخافون ، لان مستحيل يعدون هالطيحه على خير لو عرفوا انها فعلاً طاحت.
وقفت أمام ربيع وضربّته بخفيف وضحكت بـ مزح : ياعَيني خفت علي ؟.
ضربّها بخفيف على رأسها وقال : لا طبعاً ، انتظرك تخلصين لعبتّك النايمه!.
شالت عَربّ دفترها وأغراضها لفت تدور كوبّ قهوتها وقالت لـ حروف : حروف شلتي كوبِّ ؟.
هزت حروف رأسها : لا ما شلته.
لفت لـ ربيع : وأنتّ !.
هز رأسه ربيع : لا .
عقدت حاجبّها وشالت أغراضها ولفت بتدخل و وقفت وضحكت مِن جاء بـ بالها عود وأنه هو عدو قهوتها وفنجانها ، والأن وصل لكوبّها !.
دخلت وهمست : ما أخذ ألا أحبّ كوبّ لي !.
قال ربيع وهو يناظرها : وش فيها تضحك!.
قالت حروف وهي تقعد أمامه : ما ادري عنها؟.
قال ربيع وهو يتقدمّ : أنتِ طحتي صَح !.
ناظرته حروف : أي طحت قبل شوي وش فيك ؟.
هز رأسه وقال : لا طحتي جد ! أغشى عليك ؟.
هزت رأسها : لا وين ، شفتك زودتها قلتّ أخوفك!.
قال ربيع : تعابيرك ! وطيحتك ما تدل أنها لعبّ ! واضحه ترى!.
ضحكت حروف : منجدك ؟ لو طحت أكيد بقول مستحيل اسكت !!.
هز رأسه وهو مو مصدقها : اي.
وقفت وقالت : تعال ندخل اكيد أمي مجهزه قهوة المغربّ.
هز رأسه و وقف معاها وحط يده على كتفها ومشى وهي أمامه وماسّكها مع كتوفها.
قعدوا عند أمهم اللي تقطع الكيك اللي سوته لـ عَربّ ، وزعته بالصحون ونادت العامِلاتّ وأعطتهُم حِصتهم ولفتّ لـ ربيع وعَربّ وأعطتهم وشالت صحنها وصحن حروف ورجعت لمكانها ومدت لـ حروف صحنها وقالت : صحه ، والحمدلله على السلامه يُمه !.
أبتسمّت عَربّ وقربّت مِنها وباست رأسها : الله يسلمّك يا كِلي أنتِ.
أبتسمّت ذِهال وقالت بهدوء : يمّه أعتذر مِنك أنا السبب بهالشيء اللي صار لِك ! يعني.. قاطعها ربيع اللي فهم مقصدها وغمّز لها : يعني أيش يُمه ، كِلنا ماندري بهالشيء ، مو ذنّبك أنتِ ؟.
'

فاتنةُ الحَي عَربيةٌ سمّراء طاهِرة أماري بِحُبها وأَتَغنى بذات الناعِساتِ

20

قصص مُروَّجة

قد يعجبك أيضاً