زمهريراً

Part 35

#زمهريـراً

:: 35 ::

بعد حطتها في الكوشة تلمحت شخص مع خالها يضحك ويهدرز وكأنهم يعرفو بعض من سنين .. حاولت تركز وتزبط من بس ماقدرتش بحكم المسافة مش قريبة والملامح مش واضحة
خشو مع بعض للمربوعة ..
كملت تزيين كيكتها بالعسل والمكسرات ومشت فتحت التلفزيون وتتفرج ..
خشلها خالها وصوت راجل معاه وقفت تجري لدارها وقفها خالها
محمد: آية تعالي تعالي مش براني
تلفتت لقاته معاذ استغربت ..
آية: خيرك جاي ؟
محمد باحراج: هكي يستقبلو في خوهم الناس ؟
آية: انت شن جابك هنا ؟
معاذ: هذا خالي حتى انا ره
آية بنفاذ صبر: شن .. جابك .. هنا ؟
معاذ تنهد: بوي بعتني
آية: شن يبي بوك ؟
محمد حط ايده ع كتف آية بلطف: آيوتة خليه يقعمز وبري ديريلنا قهوة والا حاجة وتعالي نهدرزو برواق
شبحت لخالها واحتراماً لاستقباله ليها ومحبته مشت طول ع المطبخ تجهز في الصفرة ..
.........................
جميلة في حجرة الانتظار: زعما توا نقدر نخشلها ؟
حنين: ماما لينا فوق الست ساعات مخليينا برا مايبوناش نخشوله خلينا نروحو
جميلة بانفعال: من عمايل خوك .. الباقي هناك واحد يتصلو بيه يقولوله مرتك بتجيب مايعدلش عليها ؟
حنين زفرت بضيق: طلقها ياماما طلقها معاش يقدر يقربها ماتجيش
جميلة: ع اساس هذا بس الحرام يللي يدير فيه مش حرام عليه يطلقها وهيا حامل ؟
حنين تنهدت: مانفتيش انا ومادخليش فيهم .. انا بنروح تعبت تمشي معاي والا شني ؟
جميلة شبكت ايديها في بعض: لا بنراجي امها تجي بنتفاهم معاها
حنين: يالطيف ع تسكير الراس يللي عندك
............................
( اسف جداً ع تصرفات أهلي وعدم تفهّمهم الوضع .. انا مقدّر اللي صار وعارف انه المشاكل في كل مكان .. فلو سمحتي تقبلي اعتذاري .. ضِرار )
ابتسمت وتوسعت ابتسامتها مع كل كلمة تقرا فيها وغمرت تليفونها بحب .. وهمست في نفسها
( الله ياربي ع الاسلوب )
....................
ام رويدا: يابنتي عيب شن ذنبها عزوزتك وحمواتك ؟
رويدا والهالات غطو العيون مع سريان الدموع مش قادرة تتحمل الضباب ع عيونها .. ومش شايفة شي غير كرهها وحقدها ع احمد اكثر لانه ماسألش عليها .. وخصوصاً انه منزل قصة ع الفيس بوك اغنية رومانسية وعرفت انه في حياته انسانة تانية غيرها .. فـ الحقد تعمق في قلبها اكثر ..
ام رويدا: يابنتي نكلم فيك ؟
رويدا: ياماما فكيني منهم بالله عليك خليني في حالي
كل خططها لاقناع بنتها بائت بالفشل .. تنهدت وطلعت ..
جميلة اندفعت بقلق: شنو طمنيني نقدر نشوفها ؟
ام رويدا تنهدت بضيق: للاسف والله ماقدرت
جميلة واطت راسها وغمضت عيونها بآسى ..
ام رويدا: سامحيني بالله عليك
جميلة: مش مشكلة ربي يعافيها والحمد لله ع سلامتها يارب
ام رويدا بأسف : الله يسلمك
.........................

معاذ يشوفلها بوجع: وهذا يللي صار !
آية سبقتها دمعتها ومسحتها بقوة: الحمد لله ع سلامتها
معاذ استغرب: يعني .. عادي هكي ؟
آية شافتله والحزن غطى ملامحها: شن تبيني نقولك ؟ ترا قول ؟ امك لزتني في الليل يامعاذ وانت عارف ومادرت شي وعارف اني جيت لحوش خالي يللي هوا نفسه خالك وماجيتش سألت عليا رغم انت خوي ع اساس يعني خوي ومجبر تتطمن عليا والمسؤول بس ( سكتت شويا ) يلا وكلت أمري لربي
محمد تنهد: معليشي ياآية الناس كلها تغلط وخوك صغير وقاعد يتعلم من غلطه
شافله باعتراض .. فنص فيه وسكت
محمد: نوضي البسي وبري اطمني ع وخيتك .. راهي بتموت ع شوفتك وانتي طيبة وحنونة بتسامحيهم اكيد
آية دمعو عيونها: مانيش ماشية لحد
وناضت خشت لدارها وسكرت ع روحها الباب وخشت في نوبات الصراع مع عقلها الباطن بين مد وجزر .. وقعدت في محاولة تهدية النفس وتفكر بحكمة اكثر
معاذ شاف لخاله: شن الحل توا ؟
محمد: خليها براحتها يللي داراته امك فيها مش شويا
معاذ: امي مجبورة ياخالي افهمني .. بوي مايبيهاش
محمد: اطلعها في النهار تتصل بيا نجي نرفعها تكلم بوها تتصرف ادير اي شي مش تلزها في الليل وعاطيتها اسوارة مغشوشة .. وبوك هذا خليه تو ربي ياخد فيه الحق
معاذ تنهد: والله لما هربت سما نحسابه الا بيموت
محمد: ربي يهديهم
معاذ وقف: نستاذن ياخالي توا .. ومش عارف شن بنقول لبوي !
محمد وقف معاه: قوله خليها براحتها تو تهدا ان شا الله
معاذ: وسما ؟
محمد طبطب ع كتفه: رد بالك عليها
معاذ واطى راسه وابتسم بألم: ان شا الله
...........................
ضربه كف لين الصوت وصل لدارهم يللي كانو يتخابطو في بعضهم ومش عارفين يتصرفو ..
علي: والله ماتتحشم ولاك متربي معقولة ولدك بين الحياة والموت وانت اهني تتمصيع مع الفاسدات ؟
احمد فتح عيونه: بوي شن هالكلام ؟
علي: ضم فمك .. فاش قصرت معاك انا ؟ ربيتك احسن تربية علمتك احسن تعليم في الاخير تطلعلي فاشل ؟ ( تلفت لجميلة يللي تبكي ع وصولهم لهالحالة ) هادي اخرة دلعك ليه وراس وليد وخليه ووو .. شوفي توا شن النتيجة ؟
احمد: يابوي انا مطلقها كيف تبيني نمشيلها ؟
علي: برا خلص المصحة برا اطمن ع ولدك ماقلتلكش قعمز معاها انا ( انهد حيله ع الصالون ) ياخسارة ماربيت وعلمت فيك والله كسرتلي ظهري يااحمد .. حشمتتي قدام الناس واطيت راسي الله يوطيلك راسك عمرك كله
جميلة قدّمت لاحمد: لا ياعلي لا معاش تدعي عليه
احمد رقرقت عيونه وطلع يجري من الحوش ..
جميلة لحقاته بس للاسف فات الاوان ركب سيارته وطلع ..
رجعت لعلي تشبحله بألم: معاش تدعي عليه بالله عليك
علي شافلها بحزن ودمعت عيونه : ماكنتش نتوقع روحي في يوم نوصل لين نمد ايدي عليه .. قلبي غم عليا .. الله يكسر ايدي ع هالعملة
قدمتله جميلة وباست ايده: معاش تدعي ياعلي خلاص بالله عليك .. ربي يخليك ليا والله انا من غيرك مانعرف نتصرف .. ربي يحفظك ليا ولصغويرتك ويطول عمرك وتو ربي يهديه ويرجع لعقله ادعيله بس
علي مسح دموعه ومسح ع شعرها: ربي يبارك فيك يابنت الاصول .. ( رفع عيونه للسماء ) ربي يهديك يااحمد وترجع لعقلك يارب
.....................

معاذ مضايق من بوه: انت السبب
علاء: معاذ ! ماتتماداش .. انا عارف روحي غلطت فيها البنت وجيت بنعتذر مادامها ماتبيش كيفها مش ملزوم نقعد نجري ورا رضاها
معاذ تنهد: واجعها خاطرها مازال
علاء: تملح .. المهم بنقولك اختك خديتلها موعد مع دكتور نفسي كل خميس التزم بالموعد باهي !
معاذ شبحله بتعصب: البنت علاجها اختها .. تبي آية معاها بس
علاء زفر بضيق وشبحله بتمعن: موضوع اختها سكره نهائي مانقعدش نتجدا فيها .. فاهم ولاه !
تنهد معاذ: تمام
........................
اسيل وحنين كانو مخنوقين من الحوش بسبب مشاكل رويدا واحمد .. ومش عارفين مخرج من هالمأزق ..
اسيل: يعني شن الحل ؟ بنقعدو في النكد هكي ؟ لين حضرتها تقتنع بان عندها ولد ولازم ترجع لراجلها ؟
حنين بنفاذ صبر: اللي داره خوك مش شوية في بنت الناس
اسيل متعصبة: اما بنت ناس وهيا نازلة فينا لاماليها 24 ساعة ومش راحمة حد من لسانها وتوا شايفة روحها علينا .. انتم المستحقين وتبو ولدكم ماتحسابش عادي احمد من غدوا يتزوج وشهيرات ويولي بابا ؟
حنين شبحتله باستغراب: بجديات تتكلمي انتي ؟
اسيل باصرار: اي .. هي توا مستغلة طيبة امي وبوي وقاعدة تقيس في غلاها واحمد اصلا هايم وعايش حياته .. خسرت غير روحها
حنين: علاش خسرت روحها ؟
اسيل: سماها مطلقة شن استفادت ؟
حنين: اسمعني اسيل انا مايهمنيش علاش طلقها والا يردها او لا .. من الغالط هي او هو .. اللي يهمني الولد يللي بينهم انتي عاجباتك حياة آية وعيشتها بين الحياش ؟ يتشتت الولد ويضيع بين امه وبوه ؟
اسيل تنهدت بوجع: نصيبه
حنين: ولو امه تزوجت ؟ وبوه تزوج مازال بيدوروه ؟
اسيل تأثرت: يقعد عندنا نشيلوه بعيونا
حنين: انتي بتمشي مع ضِرار مازال غير بدوريه
اسيل: والحل برايك ؟
حنين: لازم نقنعو خوك يدير صلح معاها ويراضيها وبعدين رويدا ساهلة بشوية هدايا تلين وترجع
اسيل: والقدر ؟
حنين: ايح عاد .. كل اثنين يصير بينهم مشاكل ويصلحو ويرجعو راهم بينهم عيّل حرام يتشتت
اسيل تنهدت وسكتت
حنين: لازم نقنعو خوك يدير صلح معاها ويراضيها وبعدين رويدا ساهلة بشوية هدايا تلين وترجع
اسيل: والقدر ؟
حنين: ايح عاد .. كل اثنين يصير بينهم مشاكل ويصلحو ويرجعو راهم بينهم عيّل حرام يتشتت
اسيل تنهدت وسكتت
حنين: وبعدين رويدا تلقيها نادمة توا ره ع اللي صار غير احني نساوين نحبو نكابرو ومن يجري ورا رضانا
اسيل: بس مش للدرجة هادي ؟
حنين: آهو انتي .. صارت مشكلة من اماليك في حضور ضرار وبوه .. في الاخير هوا تأسفلك ولاه ؟
اسيل ابتسمت مجرد تفكرت المسج: اي
حنين: حتى رويدا هكي .. خللي احمد بس يكلمها ويطمن عليها تو ترجع ع تالياتها وتفيق
اسيل ابتسمت بحب: الله يبارك ع عقلك وخيتي
حنين ابتسمت: الحمد لله
....................
 
احمد يدور بين الطرق ومش حاس بالوقت .. ومضايق ويفكر .. بين رويدا وحبيبته الجديدة يللي مغرقاته في الاحلام الوردية واسلوبها المبدع في الاقناع ..
طلع تليفونه وخش ع حسابها .. وبعتلها مسج ..
وماترددش لحظة في الارسال .. حس روحه ارتاح شويا ابتسم ورجع للحوش ..
..............
نسرين: الوقت كفيل ينسيك كل اوجاعك حبيبتي ! اهدي بس
كانت تبكي ومش قادرة تركز مع آي كلمة تقولها نسرين .. تبي بس ترتاح من التفكير ومن تأنيب الضمير
آية: كل مانفرح شويا يرجعوني للصفر
نسرين: هما حسو بروحهم غلطو فيك وجو يتأسفو علاش رفضتي اسفهم وعندتي ؟
آية: لاني ماقدرتش ننسى هداك اليوم
نسرين طبطبت ع ظهرها بلطف:

#Dudu