لابــد مــن عــقـب الــمـواجــع عـٓوافــي

حَــادث

.
.

‎( لا اله الا الله)

‎بقسته ليال وقالت : تخسي ماني بنتك

‎تقدم الجد نايف ضربها بعصاه على كتفها بقوه طاحت ليال من قو
الضربه وصرخت من قو الالم

‎الجد : ماعاش من يضرب ولدي

‎تقدم هزاع يمسك الجد : هد يبه هد خلنا نفهم

‎وصلن الحريم بينهم مرعوبات تقدمت الجده ومسكت ليال ورفعتها من الارض
‎
التفت الجميع للسيارات الداخله نزل منها حراس
‎وتقدم رجال كبير بالسن ذو هيبه لابس ثوب اسود سحب ليال : صار لك شيء يابنتي

‎ليال ببكى : الشايب العايب ضربني

‎!!التفت الجد عزام للجد نايف : نايف تضرب حفيدتك

‎الجد نايف : حفيدتي ماتمد يدها على ابوها

‎( عزام هو جد ليال من ابوها بالتبني
‎الجد عزام صاحب اسلحه عمره ٧٠ سنه

‎ولده نواف ابو ليال بالتبني عمره ٤٨ سنه
(‎متزوج تهاني عمرها ٤٠ توفى ولدها بعد والدته بيوم)

‎( فلاش باك قبل ساعتين )

‎دخلت ليال مكتب ابوها نواف تبي غرض منه
‎تقدمت لطاوله المكتب شافت الدرج مفتوح كانت بتسكره لكنها لمحت
اسمها في احد الاوراق اخذتها

‎( ليال بنت بتال بن نايف بن سلطان ال نايف )

‎بانت على ملامحها الصدمه وبدت تفتح الاوراق وحده ورا وحده اكتشفت انها متبناه ووالدها هو بتال وفي احدى الاوراق اكتشفت موقعهم خرجت من مكتب نواف مسرعه الى مكتب عزام فتحت خزانته اخذت سلاحه ورجعت لطاولة المكتب اخذت مفتاح سيارته واتجهت نحو مزرعة ال نايف

‎( باك )

‎الجد عزام : بنتي ماتمد يدها الا على الغلطان

‎بتال : ليه شايفني غلطان ؟

‎الجد عزام : ليال اركبي السياره

‎الجد نايف : على وين حفيدتي ماعاد لها طلعه من عندي

‎الجد عزام : مو على كيفك

‎بتال : كلام ابوي صحيح بنتي ماراح ترجع معك

‎ليال : بابا عزام مابي ابقى هنا

‎الجد عزام : يعقبون ياخذونك مني

‎بتال : ليال يابابا اول افهمي الموضوع