لابــد مــن عــقـب الــمـواجــع عـٓوافــي

عـقــد نـكــاح

(استغرالله العظيم واتوب اليه)
.....................

ورا بيت الجده
نزل هيف جود وبعدها عن حضنه لكن لازالت يدينه على خصرها: بالغلط
جود نزلت يدينها عن صدره : اسفه بالغلط
سحبها هيف مع خصرها لصدره بقوه وحاوطها بيده اليمنى وهمس : هاذي مو بالغلط
فك حجابها بالكامل وفك شعرها وحط يدها على عنقها وجزء منها على خدها قرب بيطبع قبلاته لولا يد بتال اللي سحبته بقوه وضربه بيده الثانيه تحت نظرات جود لبتال اللي نزل بهيف للأرض ضرب ويصرخ عليه بالشتم
تراجعت خطوات جود ونزلت دموعها وتعالت شهقاتها كانت بترجع للبيت لكن الجد صفقها بكل قوته اللي طرحت جود بالارض
دف هيف ابوه وتوجه لجود وقفها وحطها ورا ضهره وصرخ باعلى صوته : مالها دخل انا اللي قربت منها
الجد بدون تردد صفق هيف بصراخ لايقل عنه موجه صوته لهزاع: جيب المملك
جزاع اللي سحب جود مع عضدها وصفقها تزامن مع طلوع الحريم اللي سمعن الصراخ
يد هيف كانت ساندتها ماتطيح سحبها هيف لحضنه وصرخ بصوت لايقل عن جده موجهه ايضاً لهزاع: جيب المملك
رفعت جود راسها اللي كان بحضنه له ونزل هيف نضره لها : تزوجيني
هزت جود راسها بالنفي وزاد بكاها بحضنه
جزاع كان يحاول يفك جود من يدين هيف رغم تمسك جود في هيف محاوطه ضهره بقوه
جزاع : فكها ياكلب
هيف : ماراح افكها جيبو المملك انا موافق وهي موافقه وجدي بعد
الجد اللي حس بنزوت فرح رغم غضبه لف لهزاع اللي يحاول يهدي الاوضاع: رح جيبه
هزاع اللي اخيراً سمع كلامهم وتوجه للمجلس يكلمه لكن الشباب اللي كانو واقفين قدام بيت الجده وموقادرين يدخلون سبب الحريم وجود اللي مو متغطيه
هايف: وش صار ياعمي
هزاع وهو يمشي مستعجل: هيف وجود بيتملكون
جوري اللي ماقدرت تتحمل وطلعت بسرعه تسابق شهقاتها ودموعها ويدينها على اذانها تحاول تخفف الصوت متجهه لبيت ابوها تحت نظرات الشباب
هايف توجه لها رغم اللي قاعد يصير ماقدر يستحمل ويشوف جوري بهالمنضر حضنها بقوه وهو يسمع شهقاتها وصوتها المتقطع: ضربها ابوي ضرب جود
هايف: هدي جوري هدي
جوري اللي تمسكت برقبته بقوه تبكي

عند هيف اللي ماسك يد جود تحت نظرات الجميع نزل ياخذ شماغه الطايح بالارض لفه على جود ودخل بكل هدوئه لبيت الجده جلسها بالمجلس وجلس جنبها ووجه كلامه لحنان: جيبي مويه
جابت حنان مويه وفتحها هيف وعطاها جود اللي رشفت منها وهي لازالت تبكي وشهقاتها متواصله
حاوطها هيف وهو يتجنب نظرات الجميع عنه ينتضر المملك
بعد نص ساعه وصل المملك وترك هيف جود وطلع بعد ماأمنها عند جدته
بدا المملك مراسيم العقد ووقع هيف واخذ جزاع الكتاب لجود توقع ، دخل وجلس جنبها : جود
ماردت جود ولا ناضرت فيه منزله انظارها للارض
جزاع بصوت مهزوز: ماتوقعتها منك توقعت جوري تسويها بس انتي انتي العاقله ماتوقعتها منك
زادت شهقات جود اللي تناضر القلم انمد لها اخذته وهي مو قادره تتحكم بيدها مسك يدها جزاع يحاول يهدي رجفتها ووقعت جود وطلع جزاع متوجه للمجلس