لابــد مــن عــقـب الــمـواجــع عـٓوافــي

اخَـتـطـاف

( لا اله إلا الله )
.................

<< يوم العيد >>

بيت سلطان ١:٣٠ ص

: والعيد يابعد كل البشر شوفك
ياعيد قلبي وياسعادة روحي الهيمانه

ليال بدلع حضنته: احبكك
شد عليها سلطان : اموت فيك
ليال مدت يدها: حط لي مناكير
مسك سلطان يدينها يبوسهم: ابشري
اخذ المناكير وبدا يحط لها تحت بوساتها له بوجهه

بيت هزاع
سلمان منهار: ثوبييييييي
هزاع: احسن احسن قايل لك فصل مثلي
سلمان يضرب رجوله في الارض: وانا وش دراني انه بيطلع شفاف
منال : انت مفصل ثاني طيب
سلمان: طيب وذا وش اسوي فيه
هزاع: خله الليل مايبين
سلمان جلس على الارض يتربع: ماني معيد ماني معيد
ضربته منال على راسه ومشت للمطبخ: هذا وعرسه بعد خمس ايام؟
هزاع وهو يشوفه جالس على الارض ومتكتف مشى لغرفته يتروش وبصوت عالي قال: ندمت اني زوجته

بيت جزاع
دخل جزاع وبيده كيس احمر وباقه حطهم على الطاوله ودخل غرفة الغسيل وشافها تكوي ثوبه
حضنها من ورا: هنوف قلبي
ابتسمت الهنوف تلف له: عيوني
باس جبينها ومسك يدينها يمشي معها لين الصاله ومد لها الورد: ياعيدي انتي
ضحكت الهنوف تحضنه: ياروحي كل عام وانت بخير
جزاع بحب: وانتي بخير وصحه وسعاده

بيت حنان
نزل مطلق من غرفته للصاله وحاط يدينه ورا ضهره
وقف قدامهن: ياجمل ثنتين بحياتي كل عام وانتن بخير
تقدم وباس راس حنان وعطاها عيديتها وبعدها كلارا وجلس بينهن وكلارا بدورها تقهويه

بيت بتال
طلع هيف من غرفته يركض ودخل الصاله يلهث
وقفت جود بخوف: وش فيك؟
بتال تعدل: وش
هيف بضحكه: بسم الله ياخوافين بس عطري وين ياجود مالقيته
بتال تسند: حمدلله والشكر
هيف زادت ضحكته: شفيكم متروعين
جود ابتسمت: بالله تسأل كل ذا الركض وتسأل
هيف قاطعها وجلس بينهم باس راس بتال وبعده جود: خلاص اسف
جود: اي عطر
هيف: اللي حطيت منه الظهر
جود ميلت راسها تناظر بتال اللي صد: ماادري
هيف تسند يناظر قدامه: طلعوه انت وياها وين مخفينه
بتال: معليش شماه معك اليوم وعجبني رح خذلك جديد
هيف تخصر: على كيفك
بتال: خلاص لاتبكي بعطيك تحط منه العيد
هيف ضحك: تحط منه .. يعني منت بمرجعه
بتال صب لنفسه قهوه: مع الاسف لي خلاص
ضحكت جود: حكمت المحكمه

بيت هايف، الصاله
هايف يركض وجوري تلحقه وتصرخ: هايف بلا سماجه جيبه
هايف وهو يركض: بحط لك انا
جوري: لااا تخرب علي
هايف: ماراح اخرب جربي
جوري بتعب خذت المخده من اقرب كنبه وحذفته: اقولك وقف
طلع هايف متجه للمجلس وهي وراه تركض وكل مخده تمره تاخذها تحذفه
طلعو ودخلو المجلس جوري بتعب وهي تشوفه واقف ورا الطاوله رافع المناكير بيده ويهز خصره بعناد
هايف: احط لك ولا مافيه
جوري لفت للثلاجه واخذت مويه تشرب وجلست على الارض تمد يدينها: والله والله لو طلع خايس لارسم على خدك اخليك تعيد والمناكير بوجهك
ضحك هايف وجلس قدامه يتربع وباس جبينها ومسك يدينها: غمضي طيب
جوري كشرت: وش دخل اغمض
هايف: علشان ماتلعنين جدفي بسرعه
سحبت المناكير من يده بتهرب لكنه مسكها وجلسها بقوه: ترى بزعل
ضحكت وجلست: مين المفروض يزعل
هايف: بضبطه لاتخافين بتشكريني وتزعجيني اسوي لك دايم
استسلمت له يحط لها المناكير