لابــد مــن عــقـب الــمـواجــع عـٓوافــي

يــا مـنــوة الـــروح

( لا اله الا الله )
....................

بعدت جوري : اسفه
هايف رجع يستند : حصل خير
جوري: وين ليال والله ماخليها
هايف: بالمطبخ اتوقع
توجهت جوري للمطبخ وشافتها ليال وتخبت ورا هيف: دقيقه دقيقه
جوري: ياحيوانه
هيف ضحك: خلاص اسفين
ليال: اي صح والله فكرت هيف انا مالي دخل
جوري: خير ان شاءالله الاخوان متفقين علي
هيف: والله هايف ماله دخل كله من ليال
ليال ضربته: والله انه كذاب انا نفذت بس
سحبتها جوري من معصمها: يلا نرجع
هيف: دقيقه افطري معنا ليال
ليال: تفطر معكم العافيه بفطر مع البنات
رجعن جوري وليال لبيت الجده

في المطبخ
جود: سلمى حطيتي البيض
سلمى: لا اخفقه
جود: يووه تأخرنا
ليال: وين الطماطم
جوري: وسط الفرن
ليال اللي فتحت الفرن وضربتها سلمى: تكذب عليك اكيد فالثلاجه
ليال تلحق جوري اللي ميته ضحك: والله تقطعينه انتي
جوري: يافاهيه الطماطم ينحط بالفرن
ليال: انقلعي صدقتك
جود: بسوي ثلاث ترامس شاهي يكفي
سلمى: اي واحد هنا وثنين للريجيل
ليال: بسوي الحليب اجل
سلمى: سوي ثنين يكفون
جوري : انا وش اسوي
ليال: قطعي الطماطم
جوري: مصدقه اني بقطعه يلا مناك
سلمى اللي سحبت جوري ووقفتها قدام القطاعه: يلا بسرعه
جوري بدت تقطع وتتحلطم
ليال: والله انك كفو سلومه
ندى دخلت تركض : جوجوووو
ليال خذتها قبل توصل لجوري: وانا طيب
ندى: ليل نو
ضحكت ليال: خير وش ليل اسمي ليال
ندى: سلطان يقول ليل
نزلتها ليال: يلا اجل مااحبك
ندى تمسكت بيدها: سوري
جوري خذتها بسرعه: معليك منها انا احبك
ندى ضمتها بقوه : ايلافيو

بالصاله
حصه : حنان مطلق ماجاء
حنان: لا باقي له ان شاءالله سنه ويجي
الهنوف: الله يوفقه
حصه: ورا ماعجلتو في عرس هيف وجود شهرين واجد
الجده: وليه نعجل فيه
حصه: اخاف تنزف وبطنها كبير
الهنوف: وش تقصدين ياحصه
حصه: ماملكهم ابوي الا من بلاء
الهنوف: تراني محترمتك لانك اخت رجالي
حنان: اقصرن الشر
الجده: حصه فكينا من الكلام اللي ماله داعي
منال: انتي كيف تزوجتي ناسيه
حصه: تزوجت بشرع الله
الجده: خلاص عاد البنات لايجن ويسمعن

مجلس الريجيل
جزاع: بتال شلون هايف
بتال: طيب ابشرك
هزاع: وين هيف
بتال: قعد عند اخوه يفطر معه
الجد: سلطان فهد جيبو الفطور
فهد مسك مشاري: قم معنا
مشاري: يابني بعد
الجد: قم معهم يامشاري
مشاري وقف يلحق فهد :كله منك يانحس
فهد وهو طالع يركض: احسن
مشاري يركض ورا فهد لين وصلو اخر المزرعه
سلطان وصل للمطبخ وطق الباب
سلمى: هلا
سلطان: صباح الخير
سلمى: صباح النور هلا سلطان
سلطان: الفطور جاهز
سلمى : اي يلا ندى افتحي الباب
جوري وجود تغطن وليال كانت بالمستودع فتحت ندى الباب ودخل سلطان
جود: بس انت لحالك
سلطان : مشاري وفهد
فهد وهو يلهث دخل: خلاص يامسلم سلمى ابي مويه
مشاري: نروح لهايف
سلطان: شوي بعد الفطور
مشاري: ناخذ فطورنا ونفطر عنده
فهد: قدام
سلطان: لا نفطر بالمجلس بعدين نروح له
مشاري: انا بروح عنده انتم كيفكم
ليال دخلت وهي منزله راسها تناظر الصحون بيدها: سلمى ذي
جود شهقت : ليال العيال هنا
سلطان بسرعه تقدم واخذها بين ايدينها رجعها للمستودع وبعصبيه: خير ماتشوفين العيال ليش تجين ماشاءالله حتى جلال ماعليك
ليال وهي لازالت بين يدينه: مادريت
سلطان: كيف مادريتي واصواتنا ماتسمعينها
ليال: طيب الحين انت تسمع شيء
سلطان: ساكتين
ليال: لا مو ساكتين المستودع فيه عزل ماتسمع
سلطان: لااشوفك طالعه للعيال وانتي ماتغطيتي
ليال دفته وبصوت عالي: انقلع مالك دخل
سلطان: ليل لاترفعين صوتك
ليال كشرت وصدت: طيب اطلع يلا ولا العيال لا وانت عادي
قرب سلطان منها: انتي تشوفين اني عادي
ليال دفته: اطلع
طلع سلطان واخذ الفطور مع العيال وطلعو
مشاري: والله انها حلوه مو هين خالي كل عياله حلوين
فهد: اذكر الله
سلطان بعصبيه وغيره لف لمشاري :خير ان شاءالله
مشاري: بسم الله شفيك
سلطان: امش وانت ساكت