( لا اله الا الله )
..................
في المدرسه على نهاية الدوام
سلطان اللي حاط راسه على الطاوله
هايف: ماودك نمشي
سلطان: ماودي
هايف: شفيك
سلطان رفع راسه يناظر هايف: مافيني شيء
هايف: بنتظرك تحت عجل ترا ورانا البنات نطلعهن
سلطان تنهد : طيب وراك
نزل سلطان يمشي متوجه لهايف اللي ركب قبله
كان بيطلع من المدرسه لكن ضربه واحد على كتفه لف له سلطان : اعتذر
: ماني معتذر انت الغلطان
مسكه سلطان وشد على رقبته وبدا يبقسه على وجهه بعدين ضرب بطنه بركبته حذفه على الارض وجلس على بطنه يبقس وجهه تجمعو الطلاب عليه وهم يشوفونه يضربه طلع معلم يفرقهم، هايف اللي نزل بسرعه وسحب سلطان للسياره
هايف وهو يسوق: خير وش سوا لك تضربه
سلطان: هايف انا ماني رايق لك
هايف: لا ياحبيبي مو رايق لي رايق تضرب الناس
سلطان بتأفف وصراخ: خلاص فكني منك
هايف: انا بسكت لكن بشوف جدي وش بيسوي فيك
سلطان: لاتعلم جدي
هايف: بالله عليك تشوف الطلاب فوق راسك وتقول لاتعلم جدي اذا ماعلمته انا فيه مليون واحد غيري والافضل تقول له بنفسك
وقف هايف عند مدرسة البنات
طلعن جوري وليال وركبن : السلام عليكم
هايف : وعليكم السلام
توجهو للمزرعه
بعد وقت نزل سلطان بسرعه متوجه لغرفته
دخل وقفل الباب على نفسه تارك سلمان اللي يطقه
سلطان: شتبي
سلمان: شفيك مقفله
سلطان: مالي خلق احد
سلمان: طيب
بدل سلطان وراح لبيت الجد
سلطان وهو يبوس راس الجده: جده وين جدي
الجده : في غرفته
سلطان: تمام بطلع له
الجده: عسى ماشر
سلطان بكذب : بسولف معه من زمان عنه
رقى سلطان وطق باب غرفة جده ودخل بعد ماسمع رده ، تقدم وباس راسه: مساء الخير
الجد: مساء النور ، وش عندك
سلطان اللي جلس مقابل له: جاي اقول لك قبل ابوي
الجد: وشهو اخلص
سلطان بربكه : ضربت واحد بالمدرسه
الجد اللي عدل جلسته : هذا موضوعك سود الله وجهك جاي تقول لي بمضارباتك
سلطان: ماقد مديت يدي على احد واليوم يوم مديتها قلت لك
الجد: وش اسويلك طيب
أنت تقرأ
لابــد مــن عــقـب الــمـواجــع عـٓوافــي
General Fiction( عودة ليال) بعد معرفتها بأنها متبناه وأن والدها مازال حي يرزق مع اخوانها... تشهر السلاح في وجه والدها البيلوجي وتقول : هنت عليك تخليني مع الغريب.، قطعه منك تركتها تعرف بنفسها انها متبنيه والمشكله انك عايش، . . . اطلقت الرصاصه...
