لابــد مــن عــقـب الــمـواجــع عـٓوافــي

الـنـهـايـــة

( لا اله الا الله )
.................

يوم جديد بعد صلاة العصر
بيت سلطان
حطت ليال القهوه بالصاله وراحت لصالة الرياضه فتحت الباب وكان سلطان يلعب بوكسنق
حضنته من ورا: حبي بس تعبت نفسك
لف سلطان يبعدها عنه وابتسم يبوس راسها: يلا اصلاً تعبت بتروش واجيك
ليال: تمام انتظرك بالصاله
طلع سلطان يتروش على السريع ورجع لها بالصاله وكانت تكلم وبعد مااخلصت سأل: المديره؟
ليال: ايه اعتذرت بفصل السنه ذي لين اولد نايف وببدا اداوم السنه الجايه
سلطان بزعل: عادي تتركين سنه
ليال بنص عين: مخليني احمل بعمر صغير وتبيني اداوم وهذا كبر بطني والمشكله باول ثانوي
ضحك سلطان يحضنها: اذا قلت احبك ماتعفي
ابتسمت له: تعفي
مدت له الفنجال تقهويه وكملو سوالف لين اذن المغرب وطلع سلطان للمسجد وليال صلت وطلعت لبيت الجده

مجلس الريجيل بعد صلاة المغرب
الجد: الله يوفقه الله يوفقه
بتال: اللهم امين والله ثلاث سنوات ماهي هينه لكن يتخرج ضابط ان شاءالله
سلطان: ياحبيبي ياهايف والله اني فقدته من الحين
فهد: حبيبي توه مشى شفيك
مطلق: اكبر كذوب ياسلطه مامر عليه نص ساعه من طلع
سلطان: تسع شهور واصير ابو وانت للحين تناديني سلطه الله يسلط على عدوك
جزاع: خلك انت هو بعد بيصير ابو
مطلق: عاد انتم لاتحزنون هايف راح يشوف مستقبله
هزاع: اي والله صادق المفروض نفرح له
مطلق: تبون خبر يفرحكم
فهد بتسرع: حرمتك حامل بتوأم ؟
مطلق بنص عين: لا بس ان شاءالله ببداء شغلي هنا بفتح لي شركه وبكبرها مع الوقت
الكل: الله يوفقك
دخل سلمان اللي وصل سمر لاهلها تزورهم بعد شهرين انقطاع جلس واخذ الفنجال اللي مده سلطان: مشى هايف
سلطان: ايه
سلمان: الله يوفقه مالحقت اودعه

بيت الجده
المجلس
جوري لازالت تبكي وليال حاضنتها وتبكي معها والجده تاركتهم تبكي بالصاله لحالها
دخلت جود وشافتهم: اعوذ بالله وش فيكم
حنان: هايف مشى اولى
جود: فيه شيء؟
حنان: لا راح يداوم خلاص
جود: الله يوفقه بس شفيكم قالبين البيت كنه عزاء اعوذ بالله
ضحكت منال: اخته وحرمته حساسات وعمتي المفضل عندها هايف
ابتسمت جود تضرب راس ليال وبعدها جوري بخفه: خلاص عاد الله يصلحكم بروح اشوف جده واذا رجعت وانتم تبكون لاتلومون الا انفسكم سامعين
سلمى ضحكت: حبيبتي من اليوم وانا احاول فيهن مانفع
جود: حزنن بالعالم حتى بنتك اكتئبت منهن
سلمى ضحكت: تشوفين نامت محد عطاها وجه
ضحكت جود قربت تبوس ندى النايمه وطلعت للصاله وجلست جنب الجده اللي رافعه يدينها وتدعي لهايف بالتوفيق ، وكل ماقالت الجده شيء قالت جود امين
الجده: وترزقه
جود: امين
الجده: وتسعده
جود: امين
الجده: وتعقل جود
جود: امين ... هاه
ضحكت الجده ولفت لها: انتي وش تبين ماتخليني حتى اكمل الدعاء تسبقين تامنين وش تبين جايه
جود: اشوف خاطرك شين قلت اجلس معك
الجده: ومن قال خاطري شين الا زين وبقمة السعاده
جود تمسكت بيدينها: الله يجعلك دايم سعيده يااجمل عايشه بالدنيا
ابتسمت الجده توقف وتطلع مع جود للمجلس