لابــد مــن عــقـب الــمـواجــع عـٓوافــي

Happy Birthday BN

( سبحانك ربي العظيم )
...........................

بيت بتال بعد صلاة العصر
هيف: متضايق للحين؟
تنهد بتال: اي
جود: عاد جدي كلامه قاسي
بتال: معليه هيوف قليبه حنين مايجي الليل الا ناسي
طق سلطان الباب وفتح له هيف: ارحبو
سلطان: يامرحبا بك عمي فيه؟
هيف: ايه تعالو المجلس
دخلو المجلس وشوي وجاهم بتال ودخلت ليال عند جود بالمطبخ تساعدها بالقهوة اللي خذتها وحطتها لهم بالمجلس ورجعت لجود بالصاله
ومابين السوالف ارسلت جود لجوري تجي
شويات ودخلو جوري وهايف بيت بتال
وقررو يتغدون سوا ببيت بتال والطباخين بتال وهيف في المطبخ تاركين سلطان وهايف يلعبون بلاستيشن بالمجلس

المطبخ
ليال تسوي سلطه وجود تقطع بصل وجوري تسوي كريمه
وبتال يطلع القدر وهيف يغسل اللحم
بتال طق طقتين على القدر: ليالي قولي لواحد منهم يجيب بيبسي
تركت ليال السلطه ودخلت المجلس ووقفت قدام الشاشه تقاطع حماسهم: ابوي يقول واحد منكم يجيب بيبسي
سلطان بسرعه: قم هايف
هايف: قم انت
ليال طفت الشاشه: روحو سوا الجو حلو تمشو وتعالو
هايف سحب شماغه : يلا
طلعو سوا متجهين للبقاله دخلو وطبعاً كل واحد بياخذ شيء لزوجته وتصادفو عند رف الشكولاته ضحكو لانهم كلهم اخذو كندر
هايف: تحب الكندر انت؟
سلطان بضحكه: ماعمرك شريته انت
جاهم صوت من وراهم وكان متعب اللي ماانتبه لهايف جنبه: سلطان
لف سلطان: هلا
متعب ابتسم وقرب وبصوت خافت كان مسموع لهايف اللي ورا الرف: لقيت لي حبيب يغنيني عنك
هايف عقد حواجبه وبصدره وش يقصد
سلطان انصدم من الاعتراف المفاجئ وارتبك لان هايف وراه
كمل متعب: عذبني حبك بعد ماتفارقنا لكن الحين لقيت اللي مال له قلبي
سلطان لف يشوف هايف اللي عقد حواجبه وتقدم: متعب!
متعب شهق لما شاف هايف وحط يده على فمه: اقصد اقصد..
ماخلاه هايف يكمل كلامه الا ببوقس بوجه سلطان
طلع هايف تارك سلطان يحاول يستوعب وش جاه
لف سلطان يشوف متعب وبصوت عالي: ياحيوان فهمك غلط
متعب بخوف: مادريت انه معك والله مادريت
طلع سلطان يركض يلحق هايف اللي كان راكب السياره ومتكتف ينتظر سلطان
ركب بهدوء وحرك السياره وكل شوي يلف لهايف اللي صاد عنه
هايف بصوت مقهور: رح للجبل
سلطان غير مساره متوجهين للجبل وكانو طول الطريق ساكتين
وصل سلطان ونزل هايف وتوجه لباب سلطان وفتحه وسحب سلطان وحشره على الباب مثبته بين يدينه: وش اللي سمعته
سلطان: هد انت الحين
بقسه هايف مره ثاني: برر
سلطان مسح على شفته اللي انجرحت ودف هايف بقوه يحرر نفسه وتكلم بصوت خشن مليان قهر : متعب كان يحبني مبلشني وكنت اصد عنه وانت تدري من يوم كنا في المتوسط واشكال متعب مبلشيني كان يحلقني بكل مكان ويحاول يتواصل معي لين قلت له انا بتزوج وبعرس مطلق قال انه ماعاد بجيني مره ثانيه وفعلاً ماجاء ولا كلمني غير اليوم
هايف اللي كان طول اليوم منضغط حتى من جده قرر انه يفرغ طاقته في سلطان نزل فيه ضرب وسلطان تاركه
هايف بعد تعب وشاف ان سلطان مستسلم له انسدح جنبه وتنهد: صد طيب امنعني
سلطان بألم: خلاص فرغت طاقتك
هايف: صدمني متعب
وقف سلطان ومد يده لهايف: يلا قم
مسكه هايف وركبو وهايف الحين يسوق
هايف: ليش ماقاومتني
سلطان: سلطان فداك
ابتسم هايف: انقلع تراني زعلان ورا ماقلت لي عنه
سلطان: وانت تشوف ايامنا صفت علشان اقولك حنا زين قعدنا مع حريمنا
ضحك هايف: عزالله بالذات ايام ملكة سلمان وعرس مطلق انضغطنا فيها بشكل
سلطان: مر بقاله مااخذنا بيبسي
هايف: اف نسينا
مر هايف للبقاله ونزل اخذ بيبسي وطلع راجع لسلطان وحركو راجعين للمزرعه
دخلو المجلس ماكان فيه احد واضح انهم داخل نزلو البيبسي ووقفو عند المغاسل يرتبون اشكالهم
سلطان يغسل الدم ويضحك: كفرت فيني
هايف لف يشوفه وضحك هو الثاني: اسف
سلطان قرب منه وبقسه ببطنه : احسن
هايف مسك بطنه بألم وضحك: حيوان
رجعو للمجلس وجلسو يتقهوون
دخلت ليال بتشوفهم اذا رجعو او لا وشهقت اول ماشافت الكدمات بوجه سلطان ركضت له تجلس قدامه مسكت وجهه: شفيك مين ضاربك
سلطان يمثل الالم والزعل اشر على هايف: اخوك كفخني
لفت ليال تشوف هايف يضحك: خير قول الصدق
سلطان بضحكه: والله انه هايف ضاربني
لفت لهايف اللي قال: اقول ليش ضربتك
سلطان ضحك: علشان الكندر صح
هايف بابتسامه: ايه
دخل هيف وشهق هو الثاني: شفيه وجهك
ليال: تخيل يقول ان هايف ضاربه علشان كندر
هيف عقد حواجبه واستدرك الوضع من غمزة هايف: دايم تتهاوشون على الكندر متى تعقلون انتم
ليال بصدمه: صدق
هيف: ايه مهبل ، روحي شوفي ابوي يناديك
ليال طلعت وهي مو مصدقه
اما هيف تخصر وناظرهم بحده: وشفيكم
هايف: زعل بسيط وحليناه
هيف: وراه سلطان بس المضروب مااشوف فيك شيء
هايف: عاد سلطان استسلملي
هيف لف لسلطان اللي يشرب من فنجاله: مخليه يضربك وساكت
سلطان نزل الفنجال: اخو ليل وش نسوي
هيف: وراعين انتم وش المشكله اللي وصلتكم للضرب
دخل بتال اللي كان خايف: وش الكندر اللي متهاوشين عليه
ضحك سلطان: شفيها علمتك بسرعه
قرب بتال ومسك وجه سلطان ولف لهايف: وراك تضربه
هايف: مشكله وحليناها
بتال اخذ فنجال سلطان من يده وحذفه على هايف هو يدري ان هايف دايم اذا وصل اخر مراحل الغضب حط حرته بسلطان اللي يستحمل علشانه
هايف مسك الفنجال قبل يضربه: علامك
بتال بحده: اذا كان من ابوي ليش تحط حرتك في سلطان ليه ماتواجه ابوي بنفسك ليه
هايف تنهد: قلت مشكله بيننا وحليتها
بتال لف لهيف: حط الغداء
طلع هيف وهو يدري ان ابوه صرفه لذلك دخل غرفته يبدل عن ريحة الكشنه
اما بتال جلس جنب سلطان واشر لهايف يجلس جنبه الثاني يبيه قريب منهم
سمع هايف كلام ابوه وجلس جنب سلطان
بتال وهو لاف جسمه لهم: خلصوني وقولو وش عندكم قبل هيف يرجع
هايف رجع ضهره يتكي على الكنب
وسلطان مسك يد بتال: انا قلت لك عن متعب تذكر
بتال ودايم يسمع لسلطان اذا جلسو لحالهم يفضفض له سلطان: ايه
سلطان: صادفناه في البقاله وماشاف هايف هرجني يعلمني انه لقى واحد ومن هالكلام اللي فهمه هايف اني كنت في علاقه معه علشان كذا ضربني هايف
بتال ناظر هايف: اعتذرت منه
ضحك هايف: مايحتاج اعتذر
ضربه سلطان على كتفه ونزل راسه يشر عليه: حب راسي بسرعه
بتال ابتسم: اعجل
هايف حط شفايفه وبعد بدون مايبوسه: اسف يلا وخر
بتال: سلطان عطه وحده في وجهه تعادلو
سلطان رفع يده وبسرعه مدها لخد هايف لكنه وقفها على خده بدون مايلكمه: مايطاوعني قلبي
ضحك هايف: والله لو انك ضاربني لاردها دبل
بتال: بعد ماكفاك انت شف وجهه
لف بتال يناظر وجه سلطان: ياحبيبي والله ان ضربه قوي ياوصخ ياهايف
دخل هيف: هاه خلصتو
ضحك بتال: ايه
هيف جلس: ماتعلموني
سلطان: سر
شويات وحطن البنات الغداء وتغدو