لابــد مــن عــقـب الــمـواجــع عـٓوافــي

غــرفــة الــعـمــلـيـات

( لا اله الا الله)
................

يوم جديد ببيت بتال
بتال دخل المجلس وشغل النور وضحك على الكارثه اللي صايره، كاسات الشاهي موزعه والابريق بينهم والشاشه شغاله وسلطان بالزاويه نايم وسلمان وهايف ببطانيه وحده جنب بعض
بتال بصوت عالي: ياشباب قم انت وياه
سلطان جلس : كم الساعه
بتال: ٨ الليل قومو يوم كامل نايمين
سلمان شهق وقام وقف بسرعه: الدوررررره راحت
ضحك بتال: وش فيك
سلمان: الساعه كم
هايف اللي فتح جواله: يكذب الساعه ٦ الصبح
سلمان حذف نفسه على هايف: خوفتني ياعمي
سلطان رجع ينسدح: بكمل لين تسع
بتال: سلمان مسموح له انتم لا قومو وراكم مدرسه
هايف يحوبي لين عند رجول ابوه وضمها: تكفى مانمت زين بغيب
سلطان وقف: لاااا قم بسرعه اذا تأخرت ياويلك
هايف لف له: مالك دخل ابوي هنا
سلمان اللي رجع تلحف : عمي قومني الساعه١٠
بتال: يلا هايف عجل مافي غياب
هايف اللي وقف وهو يتحسب على سلطان وسلطان اللي طلع يتجهز للمدرسه
بعد نص ساعه هايف وليال وجوري ينتضرون سلطان بالسياره
هايف: ياليييل
ليال لفت: هلا
ضحكت جوري ومعها هايف
جوري : تكفييين قاعده تردين عليه
هايف نزل راسه بشماغه ينهز من الضحك
ليال: ناداني
جوري: قال يالليل يعني مطول سلطان
ليال: شدراني طيب حسبت يناديني
هايف مابين ضحكاته: انتي ليال ولا ليل
ليال اللي كان سلطان يناديها ليل دايم: ليال
هايف: هاليش تردين
ليال اللي صدت وهي تشوف سلطان جاي وركب
هايف وهو يقلد نبرته : ياويل اللي يتأخر
سلطان: تاخرت من سلمان
هايف وهو يحرك متجه للمدرسه: ياكذاب سلمان ببيتنا
سلطان: احط له هديه بالشنطه
هايف: اخس مافكرت اعطيه هديه
سلطان: عطيته هديه مو اي هديه
هايف: وش
سلطان: بعدين تعرف

ببيت جزاع
الهنوف : ماراح تداومين اليوم
جود: مالي خلق
جزاع: هاذي جامعه مو لعب
جود: يوم مايضر
الهنوف: عمتي جتك هنا وش قالت لك
جود كشرت اول ماتذكرت وقفت: قالت انها مشتاقه لي ، يلا بروح انام تبغون شيء
الهنوف: سلامتك
رقت جود ولحقها جزاع وسكر باب الغرفه وجلس على السرير : تعالي اجلسي جنبي
جود جلست جنبه
جزاع: هيف جانا بالمجلس امس معصب ليه؟
جود: مدري
جزاع: جدي مسوي شيء
جود خنقتها العبره: صفقني ماكفاه الكف اللي ببيته جاء وصفقني هنا
جزاع بقهر:الله يسامحه
جود: خلاص بابا سكر الموضوع
جزاع اللي ضمها
جود وهي بحضنه: حددنا العرس قالك هيف؟
جزاع بعدها عنه: صدق متى
جود : بعد شهرين والبارح هيف حول لي المهر
جزاع اللي نزلت دموعه وحضنها: مبروك ياحبيبتي شفتك عروس عقبال اختك يارب
جود: امين

بعد وقت الساعه ١١ ص
اخذ سلمان اغراضه وودع امه وابوه وجده اللي كان بالمجلس
وصل سلمان ودخل وبدا يرتب اغراضه من بين العسكر الموجودين له سريره ودرجه الخاص بينزل للميدان بعد شوي
نزل للميدان وبدا تدريبات ورجع وبعد وقت تعرف على واحد ويبدو انه بيصير اقرب شخص له( متعب)
كمل سلمان يفضي شنطته بعد مانزل منها كل الاغراض حس بأن الشنطه فيها فتحه صغيره لمسها سلمان وحس بشيء مخبى داخل فتحها سلمان ولقى جوال صغير فتحه
سلطان برساله( سلمان شرايك اخوك كفو صح حطيت شريحه شحنتها سنه كامله وحطيت رقمي يلا ياحبيبي موفق )
ابتسم سلمان وخبى الجوال ( الجوال ممنوع في الدوره)