لابــد مــن عــقـب الــمـواجــع عـٓوافــي

مــوعــد لــيــلـي

( استغفرالله العظيم واتوب اليه )
....................................

سحبه بتال بقوه وهايف بقسه على وجهه: ياحيوان
بتال نزل فيه ضرب وهايف سحب ليال اللي بسرعه انهارت بكي ودخلها غرفتها
هزاع اللي كان يلحق سلطان دخل وسمع صراخ بتال فيه دخل الصاله بسرعه وسحب بتال من فوقه لكن هايف كمل عليه ضرب
بتال يدف هزاع بقوه: وخررر
هزاع اللي عجز يفرقهم طلع بسرعه يصرخ بكل صوته لمطلق اللي طالع من بيت حنان متجه للمجلس: مطللق تكفى الحق
دخل هزاع تارك مطلق يلحقه رمض وهو مايدري وش السالفه
رجع وشاف الاثنين نازلين ضرب في سلطان اللي يحاول يقاوم
سحب بتال بقوم ودخل مطلق ولما شاف هايف بسرعه رفعه: اعوذ بالله اعوذ بالله وش فيكم
سلطان يحاول يوقفه لكنه مو قادر من الالم
بتال يحاول يفك نفسه من هزاع وهو يشتم سلطان: هزاع فكني سلطاان ياكلب  ي*** تضم بنتي قدامي ي***
بتال لانه اقوى من هزاع قدر يتحرر منه قرب بسرعه من سلطان بيبقسه لكن ليال وقفت بينهم ومن بين شهقاتها: بابا تكفى خلاص
هايف: انقلعي ياملعونه ادخلي
ليال هزا راسها بالنفي
بتال صفقها وسحبها يدخلها لغرفتها: وش بينك وبينه
ليال: مابيننا شيء
بتال بعصبيه وبكل صوته: ليش تتدافعين عنه
ليال حضنته: بابا خايفه تكفى خلاص

عند هايف اللي يحاول يتحرر من مطلق: سلطاان ياكلب
قدر يوقف سلطان وبسرعه طلع ركب سيارته وتوجه للجبل
طلع بتال من غرفة ليال وبغضب : وين راح
مطلق لك هايف اللي طلع يدوره لكن مالقاه
هزاع: هد ياابو هيف هد
بتال: كيف اهدي وهو داخل بيننا بكل وقاحه وضم بنتي
هزاع مسكه: خلني اقولك
بتال بغضب: وش تقول وش هاذي فيها قول صدق مشاري يوم يقول يحب ليال
هزاع سحبه يجلسه : اصبر بعلمك
مطلق اللي كان بيطلع يشوف وين راح هايف لكن هايف دخل وبكل غضبه مسك هزاع من كتوفه: وين راح ولدك ال*** والله لاذبحه وين بيناحش عني يعني
هزاع بصراخ: اسمعو
مطلق مسك هايف: خل خالي يفهمنا
هزاع: اليوم صرخ في غرفته يوو جيتن كان يتحلم وواضح يتحلم بليال لانه لما صاح كان يقول اسمها ولما صحى علطول طلع ودخل عليكم بدون مايقول لنا شيء انت تعرف سلطان عاقل
دفه بتال : اطلع برا الحق ولدك
رجع هزاع بخطواته : هايف انت تعرف سلطان اكثر منا ماهي بحركاته
هايف سفهه وتوجه لغرفة ليال فتح الباب بقوه وكانت ليال تبكي ضامه المخده بحضنها جلس جنبها وهو يحس نفسه بينفجر من الغضب: ليه ليه حضنك سلطان
ليال ببكي: والله مدري اقسم بالله ماادري
هايف قرب: وش بينك وبينه
ليال هزت راسها بالنفي: ولاشيء
هايف: هو ياليال هو اللي كنتي تقصدينه لما كنا بالكشته يوم قلتي ( خلاص انقلع )
ليال بكت وحضنت هايف: دخيلك هايف هد
هايف شد عليها: لاتخافين والله مااخليه الكلب
ليال زاد بكاها وشهقاته اللي اوجعت قلب هايف اكثر

عند سلطان قبل مايوصل للجبل وينقطع الارسال وقف على جنب واتصل على جده
سلطان: جدي
الجده: هلا
سلطان: ياولد سلطان
الجد استغرب: شتبي
سلطان: طلبتك ياابو بتال
الجد: جاك طلبك ياابو نايف
سلطان: غلطت وماغلطت الا بسبب انا تحلمت وخفت عليها خفت على ليل مدري وش جاني ورحت ضميتها بين ابوها واخوها هايف والله ماضميتها الا من خوفً عليها
الجد: هذا متى
سلطان: اولى انا في وجهك ياابن سلطان
الجد: وينك انت الحين
سلطان: برا المزرعه
الجد: صغيرة العمر اللي تقصدها ليال ياسلطان
سلطان: ايه
الجد اللي وقف وهو كان بالمجلس والكل سمعه بدون استثناء: انت في وجهي ارجع والله محد يتعرضك وانا جدك ارجع ياابو نايف ارجع
سلطان: انا جاي وليل امانتك لحد يلمسها ولايرفع صوته عليها
الجد: انتبه لدربك وانت جاي
الجد سكر : اذا جاء سلطان خله يجيني في بيت بتال
جزاع: وش العلم
الجد: تعال معي انت
دخل الجد وجزاع سوا ببيت بتال وسمعو اصوات هزاع وبتال عاليه ومطلق يحاول يهديهم
ضرب الجد عصاه في الباب:انت وياه لااسمع صوت
هايف اللي فك ليال وطلع للصاله اول ماسمع جده
بتال بغضب: يرضيك يايبه جاي يضم بنتي قدامي
الجد: وولدك ضم جود قدامنا كلنا
بتال: ان كانك جاي تزوجهم يعقب ياخذها
الجد: اول شيء مااخذت رايك ثاني شيء ماني مزوجهم ورعان انا يادوب اتحمل هايف وجوري
والحين سلطان بيجي جرب ومد يدك عليه قدامي
هايف بغضب: والله لااكسر راسه
الجد: علشان اكسر راسك رح جب ليال
هزاع: لايجيبها يكفيها اللي شافته
الجد لف لبتال: فكر انك تلمسها والله ماتلوم الا نفسك
بتال بصوت عالي: اللي بضربه سلطان ماهو بنتي
الجد بصوت اعلى منه: تعقب تضربه قدامي
جزاع: لاحول ولاقوة إلا بالله اهدو لاتعلون اصواتكم
مطلق كان بيطلع لكن مسكه الجد: خلك
هايف دخل وغطاها بجلال وطلع معها
طلعت ليال وهي ترجف من الخوف وتبكي بصمت رغم شهقاتها اللي خانتها وكانت مسموعه
فتح الجد يدينه: تعالي والله محد يتعرض لك وانا جدك
ليال اللي حضنت جدها والجد وقفها جنبه وهو محاوطها