لابــد مــن عــقـب الــمـواجــع عـٓوافــي

تبـــريـــرات

                                ( لا اله الا الله )
                                 ...............

يوم جديد بالمسجد
١٢:١٠م
التفت الجد وشاف هيف يقراء قرآن وهايف يهمس هو وسلمان ومشاري وسلطان اللي توه دخل وصلى ركعتين وفهد اللي متكي على هيف بنوم ينتضر الإقامه وعياله اللي يقراء واللي يسبح
واللي سرحان ومتشتت تفكيره
رفع يدينه يدعي لهم

قام سلطان يقيم ويصلي فيهم انتهو من الصلاه وتوجهو كلهم للمجلس مع جدهم كالعاده الا فهد اللي رجع يكمل نوم

ببيت الجده
دخلت جود تبوس راس جدتها : مساء الخير

الجده : مساء النور ياهلا

دخلت جوري وباست راسها وجلست جنبها متكيه على كتفها : مسائو ماما

الجده وهي تمسح على شعرها : يهلا سلامتك فيك شيء

جوري بتعب : الله يسلمك احتقان

الجده : من البيبسي البارح شربتيه بارد

الهنوف : الله يهديك ياجوري المشكله انك كبيره

الجده : معليه معليه ماتشوف شر ان شاءالله

قامت الجده تاركتهم وبعد مده دخلت وبيدها كوب جلست وعطته لجوري : اشربي منه يدفيك وزين لحلقك

جوري بأبتسامه تبوس يدها : الله لايحرمني منك ويسلم يدينك ياروحيي

عند الرجال طلع هايف تاركهم بين سوالفهم
متجه للبيت دخل المطبخ وسوا ساندوتش وحط عصير بكوب وحطهم بالصاله طق الباب على ليال وردت عليه فتح الباب وطل براسه : مساء الخير

ليال : مساء النور

هايف : اكلتي ؟

ليال هزت راسها بنفي
هايف: تمام سويت لك ساندويش حطيته بالصاله ابوي وهيف مو هنا اطلعي من الغرفه غيري جو

طلع هايف متجه لغرفته بدون مايسمع ردها وهو يتمنى انها تسمع كلامه وتطلع ، وفعلاً غلب الجوع على ليال وطلعت جلست بالصاله تاكل بعد وقت رجع لها هايف وجلس قدامها : ليال انتي زعلانه من ابوي صح ؟

ليال : ايه

هايف : ليه ؟

ليال بان على ملامحها الحزن : ليه يتركني

هايف : سمعتيه يبرر لك ؟

ليال : لا

هايف : كيف بتعرفين جواب سؤالك وانتي ماتسمعين له

ليال : اكرهه مابي اسمع له

هايف : طيب اسمعي له علشان تعرفين ليه تركك

ليال : وش يبرر موقفه مافي مبرر

هايف : انا كنت اقوله وزعلت منه بس لما عرفت شوفي جيتك ابيك تسمعين منه