لابــد مــن عــقـب الــمـواجــع عـٓوافــي

يـابـسـمـة الـعـمـر يـالـيـلً تـلـون بـالـبـيـاض

( الحمد لله رب العالمين )
.............................

بيت الجده ٥:٠٠ م
دخلت ليال بعد ماكشخت نزلت عبايتها بغرفة الضيوف ودخلت المجلس جلست جنب امها بعد ماباست راس الجده
بعد وقت ماهو طويل امتلأ المجلس ضيوف
ومن بينهم سمر وهند

بعد صلاة العشاء ٨:٤٢ م
دخلت ندى على سلمى اللي كانت بغرفة الضيوف وفستانها كله مويه
ندى ببكى: ماما
سلمى: خير وش ذي المويه
ندى: خالد كب مويه ( خالد من اطفال الحاره )
سلمى خذتها لبيت حنان تبدل لها

مجلس الريجيل
جلس سلطان بين سلمان وهايف: بسرعه روحو جددو الدلال
هايف: انا مالي دخل قايل لكم
سلطان لف لسلمان: رح عجل
وقف سلمان وطلع متجه لبيت الجده
واول ماشاف عيال الحاره معهم مسدسات مويه اخذ واحد ودخل معهم بالجو

بيت الجده ، الصاله
جوري بهمس: ليال تعالي معي نسوي قهوه
ليال وقفت: يلا
دخلن يسون قهوه للحريم
سمر ارسلت لسلمى: وينك خير ليش رحتي
سلمى صورت لبس ندى: شوفي
سمر: اما تبدلين لها خليها بترجع تلعب وتوصخ مره ثانيه
سلمى: واضح طفشانه
سمر: مره بعد البنات دخلن جوا مافيه غير جود ومامون عليها كثير
سلمى: تعالي اجل
طلعت سمر من المجلس تلبس عبايتها وحطت طرحتها وطلعت برا بيت الجده تمشي بهدوء بحكم الكعب عليها طويل
طلع سلمان بوجهها يركض وهو لاف وجهه ورا يشوف واحد يلحقه بالمسدس
ضرب فيها وطاحو سوا على الارض
رفع راسه عن عنقها ووجهها اللي بان بعد ماطاحت الطرحه
رفع نفسه يتكي على يدينه وهو يشوفها طايحه تحته مركز بملامحها
احتقن وجهها احمر وهي تشوفه مركز فيها صدت وحطت يدها على صدره تبعده
أبتسم ووقف يبعد عنها وجلست تحاول توقف
مد يده اللي مسكت يدها يوقفها معه قرب وباس جبينها: يااحلا صدفه
احتقن وجهها احمر للمره المليون مسك يدها يمشي معها لممر الاشجار
وصلو وعلطول حضنها وبعد يطبع قبلاته على عنقها وشفايفها 
دفنت وجهها بصدره بخجل : سلمان خلاص
سلمان وهو مكمل: ياروح سلمان
دق سلطان على سلمان
سمر: جوالك
بعد واخذ جواله و رد: وش تبي
سلطان: تسأل بعد القهوه وين
سلمان تذكر وسكر بوجهه وطبع قبلاته الاخيره ومشى معها لبيت حنان ورجع ركض لبيت الجده وطق باب المطبخ الخارجي وردت جوري: هلا
سلمان: ابي القهوه
جوري: يلا ادخل خذها
دخل واخذها ورجع لمجلس الريجيل وهو لازال يحس بالفراشات ببطنه وكل شوي يتذكرها ويبتسم

بعد وقت ماهو طويل حطو العشاء
بيت الجده المطبخ 
ليال تحط السلطه وجوري معها
دخلت حصه ووقفت تشوفهن: ليال
ليال: هلا
حصه: اليوم زرتي جدك
ليال تنهدت: ايه
حصه: رايحه مع سلطان
ليال: ايه
حصه: بشري حملتي
عقدت حواجبها ليال وقربت لين وقفت قدام وجهها وبنص ابتسامه: يمكن ايه ويمكن لا
ضربت ليال كتفها بكتف حصه وطلعت من البيت كله متجهه للمستودع دخلت ونزلت فستانها ولبست فانيله سلطان اللي توصل لنص فخذها رفعت شعرها وتقدمت تضرب كيس الرمل بعنف متجاهله يدها العاريه وهي دموعها تنزل تضرب بغضب وهي ماكان ودها تحضر وزادت عليها حصه اللي ماسألت شلون جدك ولا دعت له بالعكس سألت اذا حملت بكل وقاحه
تضرب بغضب مو حاسه بنفسها وبرجفتها