( الحمدلله رب العالمين)
.................
وصل الجد عزام المستشفى يركض بين الممرات يبحث عن ولده وصل للاستقبال سأل عنه
الجد عزام : وين ولدي نواف سوى حادث قبل نص ساعه
: ولدك نواف بن عزام ؟
الجد عزام : اي اي وينه
: في غرفة العمليات
رجع الجد عزام يركض لين وصل لغرفة العمليات
جلس على الارض يدعي ربه ان ولده يرجع له
تقدم مساعده يهديه
الجد عزام : تكفى تكفى ماعندي غيره ولدي الوحيد وحيدي فالدنيا لايخليني
: هد هد ادع ربك ان شاء يرجع لك سالم معافى
الجد عزام : تكفى ياربي تشفيه يارب ياكريم ولدي مالي غيره ياربي لاتكسرني فيه
في المزرعه
دخل الجد نايف المجلس بسرعه : بتال تعال ابيك
وطلع
بتال: انتضريني هنا
طلع بتال ورا ابوه وطلعت بعدهم ليال بسرعه وقالت : وين جدي وين بابا عزام
مشاري : عزام جته مكالمه وطلع مستعجل
الجد نايف : دقت عليه الشرطه نواف سوا حادث وان شاءالله هو بخير لاتخافين
صرخت ليال : ابي بابا
بتال : تمام هدي بنروح له الحين ان شاءالله انه طيب لاتخافين
ركبت ليال سيارتها بسرعه كانت بتسوق
لكن سلطان مسك يدها : بتسوقين وانتي بهالحاله
سحبها بتال ركبها ورا ودخل يسوق هو وركب جنبه ابوه مشو متجهين للمستشفى
بعد مرور وقت وصلو للمستشفى دخلت ليال تركض بين الممرات تنادي بكل صوتها بابا
سمعها الجد عزام واتجه لها مسرع يحضنها : لاتبكين ياماما هدي
ليال : وين بابا بابا بخير صح !!
الجد عزام : للحين في غرفة العمليات هدي ياماما ان شاءالله بخير
اخذها وجلسها على مقاعد الانتضار ينتضرون قدام غرفة العمليات
قرب بتال يمسح على كتف الجد عزام : ان شاءالله انه بخير
في المزرعه عند الحريم
طق باب المطبخ الخارجي ردت عليه ندى: مين
فهد : ندو ياقلبي وين سلمى
ندى : بابا ماما في الصاله
فهد : عندك احد ؟
فتحت ندى الباب شالها فهد يبوس خدها : تروحين تنادينها
ندى: طيب ابي حلاوه
فهد : اخذك للبقاله وناخذ حلاوه وكل شيء تبينه بس نادي سلمى
ندى: تمام
راحت ندى للصاله وقربت من سلمى :بابا يبيك
سلمى: طيب ياقلبي
سمعتهم جود وغمزت لسلمى: نداء الطبيعه
سلمى بضحك: انقلعي
راحت سلمى للمطبخ لقت فهد عند الباب: هلا فهودي
قرب فهد منها وحضنها : عندي لك سالفه نااار
سلمى : اي مين البنت اسلم
فهد : تعالي نجلس بالحوش واقول لك كل شيء
راحو جلسو بالجلسات الخارجيه وقال لها كل شيء
سلمى: معقوله عنده بنت محد يدري عنها
فهد : اي انصدمنا ولا جدي واضح انه يدري هو وخوالي
جت ندى تركض :بابا بقاله
قام فهد يشيلها وطلع رايح معها للبقاله
ورجعت سلمى عند الحريم
عند الشباب
هايف : هيف ماعندك دوام
هيف : يانكدي يانكدي بعد بكره دوامي
مشاري : فكه يبقى من الاجازه ثلاث ايام اقضيها مع الشباب بدونك
هيف : حبيبي بعده ابي اجي انكد عليك اخر يوم هههههه
هايف : هذا مامنه فكه يامشاري ناشب لنا
مشاري : اي
سلمان : تتوقعون وش صار
مشاري : صح النوم فاتك الاكشن
سلمان : علمني سلطان اي والله فاتني كيف وجه عمي يوم رفعت عليه السلاح
مشاري : بلع العافيه
هزاع : واحد يدق يشوف وش صار
سلطان : بدق انا
دق سلطان على عمه بتال: الو كيفك عمي
بتال : بخير كيفكم انتم
سلطان : طيبين وش صار على نواف
بتال : للحين في غرفة العمليات
سلطان : خير ان شاءالله الله يقومه بالسلامه
في المستشفى بعد مرور ساعتين
الساعه 3:07 الفجر
طفت لوحة غرفة العمليات وطلع الدكتور
فز الجد عزام معه ليال
الجد عزام : بشرنا وشلونه ولدي
ليال : بابا دكتور بابا بخير
الدكتور : حاولنا نسوي اللي نقدر عليه عظم الله اجركم ادعو له بالرحمه
طاحت ليال : لا باباااااا لا كذاااب
الجد عزام : لاوحول ولا قوة الا بالله
قرب الجد نايف يمسك كتف الجد عزام : ان لله وان إليه راجعون عظم الله اجرك اذكر الله ياعزام
قرب بتال من ليال يحضنها : هدي يامي اذكري الله هذي سنة الحياه وكلنا بنمشي بنفس الطريق
ليال : ابي ابوي
بتال : لاحول ولاقوة إلا بالله اذكر الله ياليال نواف راح للي ارحم مني ومنك نواف راح لربه ... ماكمل كلامه الا يحس بليال تطيح من بين يدينه مغمى عليها
صرخ بتال: يادكتوووور
تجمعو الممرضين يشيلون ليال على سرير الطوارئ
يعطونها مهدئات وطوال الوقت بتال جنبها ماسك يدها ماتركها
( يشرفني دعمكم )🫶🏻
رأيكم؟
أنت تقرأ
لابــد مــن عــقـب الــمـواجــع عـٓوافــي
General Fiction( عودة ليال) بعد معرفتها بأنها متبناه وأن والدها مازال حي يرزق مع اخوانها... تشهر السلاح في وجه والدها البيلوجي وتقول : هنت عليك تخليني مع الغريب.، قطعه منك تركتها تعرف بنفسها انها متبنيه والمشكله انك عايش، . . . اطلقت الرصاصه...
