لابــد مــن عــقـب الــمـواجــع عـٓوافــي

أدهـــم

( استغفرالله العظيم وأتوب إليه )
....................................

يوم جديد عند ابطالي الساعه ٤:٠٠ ص
تحركت ليال من المنبه سحبت الجوال وطفته
لفت لسلطان نايم بعمق وملامحه هاديه عكس اذا كان صاحي حاده
شعره مبعثر ونازل منه خصل على جبينه وريحة عطره اللي احتشت داخل صدرها
قربت باست خده وجلست ووقفت لحفته لمت الاغراض ترتب الطاوله لبست جلالها وطلعت تاركته نايم
دخلت لغرفتها وكملت نوم

الساعه ٨:٣٠ص
صحى سلطان من أشعة الشمس اللي على وجهه بأنزعاج نزل راسه وماكانت ليال موجوده جلس وسحب جواله يشوف الساعه
اخذ اغراضه وطلع لبيت هزاع
دخل غرفته وضى وصلى ورجع يكمل نومه

بيت الجده الساعه ٢ الظهر
هيف باس راس جدته: ان شاءالله اسبوعين ونرجع
الجده: الله يحفظكم تروحون وترجعون بالسلامة
جود باست راسها: مع السلامة يا حبيبتي
الجده حضنتها: بحفظ الله ياروحي
طلعو هيف وجود ل قطر

بعد صلاة المغرب
مجلس الريجيل
جزاع: يبه شرايك نروح للمخيم بما ان الاجواء لازالت زينه
الجد: تم اتفقو على يوم
هزاع: خلو هيف يرجع
بتال: معليه لارجع هيف مره ثانيه
الجد: من زمان عن الخيل هيضتني ياجزاع تم يوم الجمعه
سلمان: بعد بكره
،
هايف ضرب مشاري وهو يضحك: ياتبن وانت دايم مركز فيه
سلطان ميت ضحك: يلعن بليسك مشاري
مشاري بضحك: والله مغير ياكل ومايسمن وهو قد اصبعي
طاحو هايف وسلطان على بعض يضحكون
الجد بنص عين: وش يضحك انت وياه
فهد اللي كان ياكل تمر مع خواضه: احس ان الموضوع يمسني
مشاري مسك بطنه وهو يكح من الضحك وعيونه تدمع طلع برا المجلس تاركهم
فهد: والله اني داري
الجد بصوت عالي: هايف
و قف هايف يسحب سلطان معه: اسفين ، قم ياكلب امش
سلطان عجز يوقف وهو ماسك مكان العمليه من الالم والضحك
الجد: سلطان ان ماسكت جيت وجلدتك
سلطان اللي صد وحط الشماغ على وجهه
هايف فكه كان بيطلع لولا صوت الجد: هايف
رجع هايف والضحك لازال واضح على وجهه: هلا
الجد: عقاب لك تسوي قهوه
هزاع: هذا عقاب اكيد ولا مشتهي قهوته
الجد: مالك دخل وقم ساعده عقابك
ضحك بتال: شملقفك انت
الجد: وعقابك يابتال تسوي العشاء
ضحك سلطان بصوت عالي
الجد: وانت معه ياسلطان
سلطان: وش دخلني
الجد: قم وانت ساكت احمد ربك ماضربتك للحين
سلمان وقف وباس راس جده وجلس جنبه وفهد ترك اللي بيده وجلس جنبه الثاني
طلعو سلطان وبتال يجهزون للعشاء لان الوقت متأخر مره
فهد بهمس لجده: وعمي جزاع
الجد: جزاع شرايك تقوم معهم
جزاع بصدمه: انا
الجد: ايه انت
جزاع: فهد محرش
فهد: اعوذ بالله لا لا
مشاري دخل: كفو جدي انت مخليهم يطبخون
الجد: ارجع معهم يلا
مشاري تحنط بمكانه
سلمان: احسن وش جايبك تتشمت
جزاع مسكه مع كتفه يمشي معه: معوضين خير
طلعو كلهم باستثناء الجد وفهد وسلمان اللي يطقطقون عليهم
فهد بضحك: وجه مشاري ياربي
سلمان لايقل ضحك: عمي جزاع ساكت ومتحمل
الجد ضحك ووقف: يلا انت وياه عطيتكم وجه
سكتو سوا وعم الصمت
ضحك الجد: روحو طقطقو عندهم انا بروح للبيت شوي واجي
قامو سوا يبوسون راسه
طلع الجد لبيته