( لا اله إلا الله )
.................
جالسين على الكراسي ينتظرون
بتال ماسك راسه ويتذكر شكلها بين يدين سلطان مغمي عليها
وهايف محاوط ابوه يهديه
سلطان اللي كل شوي ينعاد عليه طيفها يوم صقلها يتحسب على نفسه لانه سمح لأدهم يبقى بالمزرعه ويتوعد انه ماراح يتركه او يرحمه
طلع الدكتور لهم وفزو كلهم يوقفون قباله
: هي طيبه الحمدلله كسر بكفها الايمن لانها طاحت عليه والجنين بخير الحمدلله
سلطان: حامل؟
بتال: ليال حامل؟
هايف: صدق
: ايه انتم ماتدرون
ضحك سلطان وتمسك بيدين الدكتور: امانه
ابتسم الدكتور لفرحته: اي الله يتمم لها
حضنه بتال وهايف يباركون له
سلطان: صحت؟
: ايه تقدرون تروحون تشوفونها
دخلو غرفتها وكانت مغطيه وجهها بيدينها تبكي
جلس جنبها بتال يحضنها: ليالي الحمدلله على سلامتك
هايف بخوف: شفيك ياقلبي تبكين
دخل سلطان وجلس جنبها بسرعه سحبها لصدره ، زاد بكاها
سلطان: افا ليش تبكين
ليال: خايفه
طلع هايف تاركهم وبتال وقف ومسك يدها: خايفه من أدهم؟
ليال ببكى هزت راسها بالنفي: لا انا توي صغيره بابا ماعرف
باس جبينها بتال وطلع تاركها مع سلطان
سلطان شدها لحضنه: ليلي قلبي
ليال حضنته: ليش حملت توي صغيره
سلطان بنبره حنونه: قلبي شوفي زوجة عمي جزاع حملت وهي اصغر منك وسلمى بعد كلهن كانن اصغر من عمرك
لاتخافين ياقلبي انا معك وجنبك وامك بعد معك
سحب وجهها محاوطه بيدينه وقرب منها وبابتسامه: ماتبين نايف
ابتسمت وجهها غارق بالدموع: الا
سلطان طبع قبلاته برقه: خلاص هدي الله يتممه ياروحي بصحه وعافيه
ليال بابتسامه: يمكن مو نايف يمكن بنت
سلطان: اللي يجي من الله خير وبركه الله يصلحهم ويرزقنا برهم
ليال اوجعتها يدها: سلطان يدي تعورني الحيوان ليش يضربني وانا حسبته يفضلني
عقد حواجبه لما تذكر وحضنها: وش يعورك ياروحي بس يدك
ليال مسحت دموعها ورفعت يدها تمسح على حواجبه: خلاص لاتعصب تدري انك مو حلو اذا عصبت
ابتسم لها: يعني انا حلو اذا ماكنت معصب
ابتسمت بخجل: اي
باس جبينها ودخل هايف: خلاص انت وياه
جلس جنبها هايف وحضنها: الف مبروك الله يتمم لكم على خير
سلطان: امين ياخال ولدي
ضحكت ليال تلعب بشعر هايف: خالو
هايف بضحكه: واااي ياقلبي الله يتمم لكم على خير وتجيبينه بعده ماعاد بتشوفينه بخطفه منكم
سلطان مد يده وطق هايف: انقلع
دخل بتال وضحك من ضحكهم: يلا نطلع كتبو لها خروج
طلعو كلهم ورجعو للمزرعه وهم طول الوقت يضحكون من هايف وليال اللي يتهاوشون على نايف وهو للحين ماجاء
دخلو بيتهم شالها سلطان وسدحها بعد مانزل عبايتها باس جبينها وجلس جنبها يمسح على شعرها: نامي ياقلبي ارتاحي شوي
فتحت يدينها له : نام معي
انسدح جنبها حاضنها يطبع قبلاته بوجهها لين نامت
بعد عنها شوي ولحفها وطلع برا البيت لممر الاشجار
وصل وماكان أدهم فيه
هيف من وراه: وديته
لف له سلطان وحواجبه للحين معقوده وحدة نظره وعروقه اللي برزت وتنفسه السريع بسبب عصبيته
قرب منه: وين وديته
مسك هيف كتوفه: تبيني اعلمك وهاذي حالتك اهدى انت الحين
نفض يدين هيف عنه: وينه ياهيف
هيف: شلون ليال
سلطان: طيبه وين أدهم
ابتسم هيف: مبروك قالي ابوي انها حامل الله يتممه لكم بصحه وعافيه
سلطان تنهد: امين
حاوطه هيف بيده: ابو نايف روق وخل نروح للمجلس مجتمعين وهايف مسوي قهوه
سلطان: عندي شغل بجي شوي
هيف: افا تفوت قهوة هايف
ابتسم سلطان: مافوتها
حضنه هيف: اخيراً ابتسمت مايسوى يابو نايف انك تعصب تدري انك شين لاعصبت
ضحك سلطان اكثر: فعلاً ليل اختك
مشى جنبه هيف: ليه
سلطان: قالت نفسك شين اذا عصبت
هيف: وهي صادقه
لف يناظره: وين أدهم طيب
هيف: ماني معلمك لين نتقهوى وتهدى
وصلو للمجلس ووقف له الجد اللي حضنه: الف مبروك
سلطان: الله يبارك فيك
سحبه هزاع يحضنه: مبروووك ياقلبي
سلطان: الله يبارك فيك
سلمان توجه له وهو يرقص: بصير عم عاش نيوف عاش نايف
رقص معه سلطان:
أنت تقرأ
لابــد مــن عــقـب الــمـواجــع عـٓوافــي
General Fiction( عودة ليال) بعد معرفتها بأنها متبناه وأن والدها مازال حي يرزق مع اخوانها... تشهر السلاح في وجه والدها البيلوجي وتقول : هنت عليك تخليني مع الغريب.، قطعه منك تركتها تعرف بنفسها انها متبنيه والمشكله انك عايش، . . . اطلقت الرصاصه...
